اسلوب كلامك

أسلوب كلامك



وعلشان يكون لك فعلا شكل مميز عن باقي البنات يبقى لازم يكون لك أسلوب كلام محدد بيميزك ودي شوية حاجات ممكن تمشي عليها علشان تعملي لنفسك أسلوب محدد في الكلام...

1- سجلي كلامك على كاسيت واسمعي نفسك بتتكلمي إزاي علشان تقدري تحكمي على إيه اللي محتاج إنه يتغير في أسلوبك في الكلام فلو مثلا لقيتي إنك بتتكلمي بصوت عالي يبقى حاولي تقللي من مستوى صوتك شوية في الكلام، لو لقيتي إنك بتتكلمي بسرعة يبقى حاولي تهدي نفسك شوية وأنت بتتكلمي وبكده تقدري تعرفي إيه العيب اللي عندك وتعالجيه.


2- اتعلمي تسمعي أكتر ما تتكلمي علشان تتعلمي وخدي بالك إن كلامك لازم يكون في مكانه الصحيح.


3- اتكلمي براحة وبهدوء شديد علشان تدي مجال للألفاظ والحروف تطلع بشكل صح.


4- بلاش يكون دايما على لسانك كلمة إيه؟ لأنها مش لطيفة.


5- ما تتكلميش بصوت عالي علشان البنت اللي صوتها هادي بتبقى أجمل وأحسن من البنت اللي صوتها عالي لأن الصوت العالي بيشوه الجمال وبيؤدي لنفور الناس الموجودين في المكان.

6- لازم تخلي بالك من ضحكتك وبلاش تضحكي من غير سبب كمان بلاش تضحكي بصوت عالي جدا في الأماكن العامة لأن دي حاجة مش ظريفة.

7- ارسمي دايما ابتسامة جميلة على شفايفك وأنت بتتكلمي مع أي حد.

8- خدي بالك كمان من شكل الواقفة اللي بتكوني عليها وحاولي إن ظهرك يكون مستقيم ومفيش فيه انحاء.

ميرسى لمرورك يا جميله

اقتباس :

ما تتكلميش بصوت عالي علشان البنت اللي صوتها هادي
بتبقى أجمل وأحسن من البنت اللي صوتها عالي لأن الصوت العالي بيشوه الجمال
وبيؤدي لنفور الناس الموجودين في المكان.

اقتباس :

فعلا يا بلاك هو ده الكلام التمام
تسلم ايديكى ههههههههههههه

ميرسى لمرورك يا عمرو

نصائح كتير حلوة وحلوة اوى وشكرا إلى كاتبة الموضوع

ميرسى لمرورك

ياريت بس مش يكون باب النجار مخلع
ههههههههههههههههههههه

ههههههههههههه يعنى ايه يابوب ؟؟؟؟

ميرسى على نصائح دى حلوه بجد

جميل جداا بلاك