هل لبس المرأة يحدد اخلاقها

اممم سؤال جميل يا حبيب تسلم ايديك

بيتهيئلى ان مش شرط ان البنت اللى تلبس ضيق او قصير تكون غير شريفه او مش محترمه لان فى اوساط كتيره من الناس واللى بتبقى حياتهم هاى اوى بيبقوا متعودين على كده من صغرهم هو بس ممكن يقلل من حياء البنت وبرده البنت اللى تلبس واسع مش دليل على حسن اخلاقها او على شرفها يا ما ناس كتير بياخدوا الدين ستار لان من شب على شىء شاب عليه ممكن اوى ان البنت من صغرها تكون متعوده على لبس القصير وبرده نفس الشىء تكون متعوده على اللبس الواسع بس ده مش دليل قاطع علي احترامها او عدم احترامها

هو الموضوع ده فعلا جميل
لان فيه كتير من الناس بتاخد بالمظهر يعنى ممكن تشوف بنت لابسه ضيق ويكون دى طريقه لبسها لان اهلها ربوها على كده ومش وعوها براى دينها فى لبسها بس تلاقى الناس بتقول عليها دى بنت مش كويسه حكمت عليها بس بالمظهر الخارجى ولكن لو حد يقدر يشوف ما فى قلبها هيلاقيها ايه فى الاخلاق والطيبه والتربيه ومافيش فى قلبها حقد ولا كره لحد قلب ابيض وطاهر
على النقيض بقى ممكن نشوف واحده لابسه واسع ومحتشمه جدا والناس تقول عليها دى بنت كويسه بمجرد النظر لكن تيجى تسال اقرب الناس ليها يقولولك انها بنت حقوده بتشيل فى قلبها من ناحيه الناس وبتكره الخير للناس واخلاقها مش كويسه مع انها زى ما بنقول لابسه محتشم
فليق ما نخدش من النموذجين دول الصالح منهم ونهمل الطالح يعنى ليه البنت ماتبقاش ليه لابسه محتشم وساتره جسمها كله ولابسه زى اسلامى وبرضه فى نفس الوقت تكون اخلاقها كويسه وتعامل الناس بالحسنى لان الدين مش محصور فى المظهر وبس ولكن الدين المعامله زى ماقال رسولنا الكريم صلى الله عليه وسلم
وتسلم الايادى على الموضوع الحلو ده