أهدافنا في الحياة

بسم الله الرحمن الرحيم

الحمد لله رب العالمين وبه نستعين والصلاة والسلام علي سيدنا محمد عليه وعلي آله وأصحابه أجمعين

اما بعد ..........

حبيت أطرح عليكم موضوع أكيد يهمنا كلنا بإعتبارنا شباب ولسة مقبلين علي الحياة

وهو موضوع المستقبل

كلنا طبعا فكرنا وخططنا لمستقبلنا من البداية واحنا في الإبتدائي لحد النهاردة واحنا في الجامعة أو خلصنا الجامعة

وبتشتغل دلوقتي

طبعا كله مدروس ومتخطط كويس جداا

لا طبعا ....... عمرنا لا خططنا ولا فكرنا أصلا في مستقبلنا

كلنا مشيين مع الدنيا وعايشين زي ما الناس عايشة وأغلبيتنا بيقول أكل واشرب وانام

.............

التخطيط للمستقبل شي مهم جدا . التخطيط لكل خطوة في الحياة يعتبر أهم من أي حاجة تانية

لإننا بدون تخطيط سليم أكيد هنفشل ومش هنتقدم وطبعا هنتراجع

ومش هنحقق لنفسنا أي حاجة ولا لبلدنا أي حاجة

............

وده السؤال اللي عايز أسأله واتمني كلنا نجاوب عليه شباب وبنات

هل خططت لمستقبلك ؟ وكيف خططت ؟ وما هي أحلامك وطموحاتك المستقبلية ؟

أظن لو جوبنا علي الأسئلة دي كل واحد فينا هيعرف نفسه كويس جدا

شكرا واتمني تواصلكم الجاد

التخطيط للمستقبل
شيىء اساسى واكيد كل واحد فينا بيقول بكرا او بعد 10 سنوات هيكون ايه حالى
انا بفكر فى المستقبل بجدية اكتر من ساعة لما خلصت الجامعة
خلصنا وقولنا فضينا لئينى نفسنا انشغلنا اكتر من الاول
بس اكيد انا حاطط فى دماغى واحد اتنين تلاته اربعة ....... دا كلوا علشان الشغل
اما المستقبل الاسرى علشان مكدبش احيانا بفكر فيه بس اللى شاغل بالى اكتر الشغل
وربنا يوفئنى واقدر اوصل لهدفى" ههههههه بئا ليا هدف"
انا كنت فى الجامعة عاوز يكون ليا هدف بس مكنتش لاقى
بس ربنا يسهل واكيد هنتعب فى البداية علشان بعد كده نستريح

شكرا علي مرورك يمستر

واتمنالك رحلة مع الحياة سعيدة وناجحة

انتو فين ياشباب ؟

هو الموضوع ده هنا من ايمتا ههههه انا اول مره اشوفه
أني ويه هجاوب طبعا
هل خططت لمستقبلك ؟ وكيف خططت ؟
بصراحه انا لسا طالبه جامعيه وسنه اولى ونص زي متؤول كده يعني ههههه
بس اكيد وانا صغيره كان ليا طموح اني اصير دكتوره ومعرفش ايه وفعلا بالجامعه
اول شهر دخلت كلية الطب بس فجأه حسيت انه مش ده طموحي والمجال ده مش مناسب
مع اني 12 سنه وانا بحلم بالحلم ده بس معرفش في حجات بتتغير وطموحات بتتغير وانا فعلا طموحي وتخطيطاتي اتغيرت فحولت من كلية الطب للعلوم وهناك لئيت طموحي وحلمي بجد
والحمد لله مرتاحه جدا بتخصصي

اما بالنسبه ل:
ما هي أحلامك وطموحاتك المستقبلية ؟
فاكيد طموحاتي هتكون على قدي يعني بحلم اولا اني اخلص دراستي بتفوق
علشان اكون عند حسن ظن اهلي بيا وافرح قلبهم لاني عارفه ان الحاجه دي اكتر حاجه تفرحهم وتانيا بحلم اكيد باني اشتغل واثبت نفسي واحس بكياني
وتالتا اكيد باني ارتبط بحد يحبني ويقدرني واكون ام وزوجه وبنت واخت وصديقه مخلصه
وبيحبها كل الناس

واكيد الحجات دي مبتجيش بسهوله
كله لازمه تعب وسهر واراده واصرار
وان شاء الله كل واحد يحقق احلامه واهدافه
وربنا يدينا قوة الاراده والصبر ان شاء الله

وميرسىىىى يحمد عالموضوع الجميل ده
بجد تسلم ايدك
وياريت تشاركنا انت كمان بالاجابه

تقبل مروري
JojO

موضوع جميل يا احمد وفعلا كلامك مظبوط

هل خططت لمستقبلك ؟ وكيف خططت ؟ وما هي أحلامك وطموحاتك المستقبلية ؟

انا والله خطط كتير بس الواحد مهم يخطط لو ربنا مش عوز كده خلاص الموضوع انتهاء فانا بقول الحمدلله على كل شى

اما بالنسبة انا خططت ازاى كان نفسى ابقى مهندسة ولا دكتورة ولا مضيفها بس للاسف كل ده طلع حلم الواحد بيحلموا وبيجرى وراها وخلاص بس مفيش تحقيق

احلامى وطمواحتى ان شاء الله اخش جامعة بعد الدراسة وانى بعد كده ربنا يرزوقنى بالزوج الصالح ويكون بيحبنى ويتقى الله فيها

وفى الاخر بقوللك شكرا ليك

شكرا يجوجو علي مشركتك الجميلة

بس عايز أقولك ان النجاح والتفوق مش هدف ولكنه وسيلة لتحقيق الأهداف

وكمان بحيكي جدا علي الكلام الرائع ده

اقتباس :: واكيد الحجات دي مبتجيش بسهوله
كله لازمه تعب وسهر واراده واصرار
وان شاء الله كل واحد يحقق احلامه واهدافه
وربنا يدينا قوة الاراده والصبر ان شاء الله

وشكرا علي مرورك أنغام الليل
وانا بصراحة مش موافقك علي اننا نستسلم ونقول كله علي الله وانا لو نصيبي ........

لازم فعلا نتوكل علي الله صح يعني ناخد بالاسباب ونجتهتد ونسعي ونتعب

وبعدين لو إتحقق هدفنا نحمد ربنا ولو متحققشي نرضي ونحمد ربنا

يعني نخطط ونجتهد وبردو نسبها علي الله

زائر

احنا هنا يا حبيب قلبى ..
موضوع تمام وعال العال ..
ان شاء الله لى عودة .
..

زائر

هل خططت لمستقبلك ؟

الحمد لله رب العالمين

وكيف خططت ؟

والله كان نفسي أبقي حاجة مثل دكتور مهندس بس للأسف بس الحمد لله ربنا كرمني بحاجة أفضل من كه نشكر ربنا علي كل حال

وما هي أحلامك وطموحاتك المستقبلية ؟

أني أكون حاجة كويسة أعمل حاجة تفيدني وتفيد بلادي أن شاء الله

اقتباس :: احنا هنا يا حبيب قلبى ..
موضوع تمام وعال العال ..
ان شاء الله لى عودة .
..

منتظر عودك يجميل وكل سنة وانت طيب وبخير

اقتباس :: هل خططت لمستقبلك ؟

الحمد لله رب العالمين

وكيف خططت ؟

والله كان نفسي أبقي حاجة مثل دكتور مهندس بس للأسف بس الحمد لله ربنا كرمني بحاجة أفضل من كه نشكر ربنا علي كل حال

وما هي أحلامك وطموحاتك المستقبلية ؟

أني أكون حاجة كويسة أعمل حاجة تفيدني وتفيد بلادي أن شاء الله

شكرا علي مرورك حبيبي أبومنة ويارب يوفقك في الخير إن شاء الله

تسلم ايدك يا احمد موضوع جميل اوى وطبعا كل حاجه بنخطط ليها لازم نقدم مشيئه ربنا سبحانه وتعالى الاول

بس وانا صغيره كان نفسى اوووووى ادخل كليه الحقوق
والحمدلله حققت الهدف ده ودخلت الكليه بتفوق الحمدلله

لكن دلوقتى انا لسه بدرس نفسى اوى ان شاءالله لما اخلص دراسه احضر ماجسيتر ودكتوراه فى القانون الدولى ويا سلام بقى لو هدفى الكبير يتحقق ان شاءالله انى اقدم فى السلك الدبلوماسى

يعنى لو ده ماحصلش خير وطبعا الحمدلله على كل شىء

بس فى دماغى افكار لمشاريع كتيره اوى ومهمه جدا

بس ان شاءالله لما اخلص دراسه وبعدين احدد هعمل ايه ياترى لانى مش اعرف ايه اللى هيحصلى بعد ثانيه

تقبل رورى

كلام جميل وربنا يوفقك بس المهم التخطيط وصدق النية وتقبل النتائج مهما كانت

أتمني يارب تحققي كل أحلامك

» الحياة مع حبيب
» هكذا علمتنى الحياة
» الحياة مع حبيب ضيف الحلقة بوب
» ستبتسم لك الحياة يوما ......ما
» ماهى الحياة؟؟؟؟