العمر : 37العنوان : روح انت بس واسئل .عدد المساهمات فى المنتدى : 2780الوظيفه : Income Auditor الوسام : تاريخ التسجيل : 08/02/2008
موضوع: انا والنجوم و ........ ادخل وانت تعرف الجمعة أغسطس 22, 2008 1:55 pm
طبعا كلنا عارفين البرنامج الاذاعى الشهير انا والنجوم .....وهواك مع الاذاعى المحبوب اسامه منير ودى حلقه لذيذه من حلقات البرنامج الشهير ويا رب تعجبكم يا رب .......
:?: :x
برنامج . . للحب. . و عن الحب
مع اوووسامه منير
الحب ذلك الشعور السهلبيسي الذي يزعزغ عقول البشر و يهشك قلوبهم
مستمعينا لسه بنتكلم عن الحب وحلقتنا النهارده عن
الاستهبال في الحب معاكم اسامه منير علي نجوم fm مزيكا علي كيف كيفك
في. . انا والنجوم وقفاك
من دلوقتي ولمدة ساعتين مستنين تليفوناتكم علي 6066 او علي 8555022 او علي ايميل البرنامج علي هواك ات نيل راديو بروداكشن دوووت كوووم برعاية ابليس كومباني و ان تاتش و كريمات زحلقها
دايما بتمر بينا اوقات بنحس فيها اننا مش قادرين نعيش من غير الحب و من غير الحبيب و الشعور دا متولد و منبثق من الاحساس التواجدي الكوني في اللامركزيه العصبيه للقلب و دايما بتقابلنا مواقف كلها استهبال في الحب ياترى احنا بنعمل ايه و رد فعلنا بيكون ايه لما نقابل حد بيستهبل في الحب . . وخصوصا اننا جيل موبايلات و انتوا عارفين ان انا عندي 16 سنة فحاسس بيكم و حاسس بمشاكل الجيل كلها . . .
اولا الرصيد اللي بيخلص في يوم و انت لسه شاحن كارت ب 100 و تفضل تحرق في دقايق علي حبيبتك و في الاخر لما الرصيد يقرب يخلص تقولها بحبك بحبك تقولك انت بتستهبل يا حبيبي اتلم لساورس يشوفنا
او حبيبتك اللي تفضل تكنسل عليك تكنسل عليك عشان استخسرت فيها كوزين درا علي الكورنيش و انت اصلا مفلس مش لاقي تاكل و لما تيجي تصالحها علي الموبايل تلاقيها بتكنسل . . فتضطر تصالحها بكارت ب 5 و تستهبل . . تلاقيها بتصرخ في وشك و تقول انت بتستهبل؟؟ اقل من 200 متورنيش وشك
و حبيبك اللي ييجي في اوقات يعمل فيها عالم فلك و يقولك انا بقرا الكف و يفضل يفعص في كف ايدك ولا كأنه شاف ايدين قبل كدا و في الاخر تقوليله انت بتستهبل ؟؟ حد يشوفنا و انتوا اساسا قاعدين في الشارع مستمعينا الاستهبال في الحب حالة بتمر بكل المهاطيل و المهابيل من ابناء الجيل و لو مستخدمناش عقلنا في الاستهبال بيقلب عباطه وممكن مغص كلوي
مستمعينا مستني تليفوناتكم علي 6066 او علي 8555022 او علي ايميل البرنامج علي هواك ات نيل راديو بروداكشن دوووت كوووم برعاية ابليس كومباني و ان تاتش و كريمات زحلقها ياما زحلقها
نستقبل اول اتصال تليفوني و نقول الوو
الوو
الووو
الووووو
واضح ان الخط قطع
- الوو ايوا يا اثامه
اهلا نتعرف بيكي . .
- بثمه
اهلا بيكي يا بسمه ياريت تعلي صوتك شويه
- معلش يا اثامه اثل انا بتكلم من تحت البطنية . .
مفهوم طبعا عشان محدش يقفشك و انت بتتكلمي بثمة بنتكلم النهارده عن الاستهبال في الحب . . تقدري تقوليلي يعني ايه الاستهبال في الحب و بيمثل لك ايه
- بص يا اثامه اولا انا بموت موت موت جدا طحن في البرنامج بتاعك و والله مش بفوت ولا حلقة منه ابدا خالث و ثلملي علي الشقي الحكروت موت موت حتومه و قوله انه لذيذ اووووي و بنحبه مووت موووت . .
هو بيضحك وفاتح بقه اهوه و بيقولك مرسي ليكي يا بسمه
- يا اثامه انا بكلمك عشان الحلقة بتاعتك النهارده مخثوث عشاني انا كنت بحب واحد و انا في 2 ابتدائي و فضلنا نحب بعض للجامعة
جميل
- اهـء اهـء اهـء
لا اهدي يا بسمه و قوليلي ايه اللي حصل
- يا اثامه اخد كل حاجة كل حاجة
اححمم حتى الموبايل
طيب اهدي يا بسمه بصي يا بسمه الحب شعور متبادل بين اتنين مينفعش طرف واحد من غير الطرف الاخر و لازم الاتنين يكونوا متفاهمين و متعاونين هو دا الحب اللي هايدوم طول العمر و بكدا نحل كل المشاكل اللي تقابلنا حتى مشكلة غسيل الالوان مع الابيض . . لان تايد برغوته الجديدة حل المشكله مستمعينا نسينا نقول ان تايد من رعاة البرنامج مع تاااااايد في الغسيل مفيش مستحييل بشكرك يا بسمه علي اتصالك و بهديلك اغنية السوبر ستار عمرو دياب . . . .
نص ساعة اعلانات . .
انا والنجوم وقفاك برنامج للحب و عن الحب مع اوووووسامه منير
الحب لحظات من الامل متولدة في وسط غابات الغضب البشري الجارف المتعارض مع احداث الحياة فالحياة بدون حب كالشجرة بدون موبايل . .
مستمعينا لسه بتكلم عن الحب و لسه بنسأل عن الاستهبال في الحب مستني تعليقاتكم علي 6066 او علي 8555022 او علي ايميل البرنامج علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال . .
الوقت بيمر معاكم بسرعة و حاتم بيضحك مش عارف علي ايه بس تقريبا عشان البت اللي بتبيع ترمس علي كوبري ابو العلا حولت له 5 جنية رصيد . .
هاه ؟؟ عشره رصيد
طيب اشطه يا حتوم . . اخوك بقا هاه
نستقبل اتصال تليفوني و نقول الووو
الووو
الووو
الوووووو
الظاهر الخط قطع
الوو ايوا يا اسامه
اهلا نتعرف بيكي ياريت تعلي صوتك لان الصوت بعيد اوي
_معلش اصل انا بكلمك من الحمام انا سمر من المنوفية
اهلا بيكي يا سمر
سمر بتكلم النهادرة عن الاستهبال في الحب انت ايه رأيك في الاتستهبال عامة و خصوصا في الحب
_اسامة انا عاوزه اقولك في الاول انت انت احلى و اجمل اعلامي و صوت شفته في حياتي و انا بسجل كل الحلقات بتاعتك و بحبك اوووي يا اسامه
ربنا يخليكي يا سحر . .
انا كنت بحب واحد نجار مسلح و بعدين كنت في يوم ماشية في الشارع لابسه بادي جميل و ديق موووت و بعدين واحد عاكسني فحبيبي شلحف
مين ياسمر ؟؟
_شلحف هو اسمه شادي بس انا بدلعه شلحف قام ضارب الواد اللي عاكسني بالعتله الحديد شاقق له دماغه هو دلوقتي في السجن و انا بحبه اوي يا اسامه و مش عارفه اعمل ايه و اهلي بيضغطوا عليا مووووت مووووت عشان اتجوز واحد قد ابويا اسامه انا مش عارفه اعمل ايه
بصي يا سحر
_سمر
اه سوري بصي يا سمر بنقابل ناس في حياتنا بنحبهم و بيحبونا و ديما كتير بنكون شبهمم و زيهم . . حتى الحب نفسه سعات بيحب انه يتكون على حبيب و حبيبه و حبيبك بيحبك و ان شاء الله يطلع بالسلامة بس تعرفي هو لو كان العتله الحديد مصنوعه من حديد عز اكبر مصنع في الشرق الاوسط و المصدر الرسمي لحديد الجدار العازل كان حبيبك زمانه مشنوق دلوقتي لان حديد عز يتميز بالصلابه و القهوه و السيخ مظبوط و بالتمام . .
شكرا يا ساره على اتصالك و بهديلك اغنية السوبر ستار محمد فؤاد
يا مسجون في لومان طره نفسي اكل معاك كوز دره
مستمعينا لسه بتكلم عن الحب و لسه بنسأل عن الاستهبال في الحب مستني تعليقاتكم علي 6066 او علي 8555022 او علي ايميل البرنامج علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال . .
نص ساعة اعلانات
مستمعينا لسه بتكلم عن الحب و لسه بنسأل عن الاستهبال في الحب مستني تعليقاتكم علي 6066 او علي 8555022 او علي ايميل البرنامج علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال . .
اس ام اس كتيرررر جدا النهاردة
هااي اسامه بحبك مووت. . . وبحب صوتك . . صوتك بيريحنى ولا احسن علبة دوا اسهال . . بجد وهدؤك بالكلام انا بحبه اوى موووت انا اتعرفت على واحد من ع النت وقابلته بس نفسى احسسه بمشاعرى اعمل ايه ارجو الرد يااحلى اعلامى واعذب صوت فى الكون. . __________________
هاى يااسامة ازيك يا جميل البرنامج جميل جدا وانتة كمان مواضيعك تحفة . . وعايزاك تقول لجابر انى بحبه جدا وميزعلش منى ابدا. . رغم كل اللي بيعمله بحبك يا تامر قصدي يا جابر حبيبتك شاهيناز
__________________
هاى اسامه انا محمود من الاردن عاوزك تقول لهبة اننا مش هانفترق تاني ابدا ابداا حتى لو فضلت تقرقض في ضوافر رجليها ببقها . . __________________
هااي يا اسامه ازيك يا اسامه عاوز الايميل بتاعك بجد في مواضيع مهمه قوي عندي عاوز الحل ليها . . معلش يا اسامه بليز و الله يا اسامه انا تعبانه موووت و انت الامل الوحيد ليا . .
__________________
هااي اسامه يا احلي و اجمل صوت في الدنيا اسامه بليز ممكن حلقه عن الحب من طرف واحد اصل اخوك كهربائي سيارات . . . بحبك مووووت يا سوكا
__________________
هااي يا اسامه انت اجمل و احلي صوت في الكون كله ارجوك يااسامه قول لحسن انه مهما دور على حد ممكن يحبه ويسامحه ويغفر له كل حاجه مش هيلاقى غيرى لانى بحبه بصدق ومش عاوزة منه اى حاجه خالص. . و هتنازل عن تمن الموبايل اللي ضربوا مني في الشهر اللي فات و باعه . .
__________________
اسامه اسامه اسامه ازيك يا جميل على فكره يا عم انت شوفلك حل . . حبيبتى بتحبك انا محمدين من دمياط . . بحبك قوى يا رضوى __________________
هاااي يا اسامه ازيك عامل ايه انا عارفه ان الحب مفهوش كرامه وهو الى خلانى بقيت كدة ازاى بعد كل دة هو اللى يبعد ويختار هو علمنى ازاى معرفش اعيش من غيرة ونسى يعلمنى لما يبعد هعيش ازاى . . . بحبك يا بعجررر __________________
هاااى اسامه انا فى عندى مشكله انا بحب واحده ومش عارف اصرحها خايف يكون الحب من طرف واحد بحبك يا سندس ااوووي و نفسي اخد الرصيد اللي في موبايلك كله . .
__________________
هاااي اسامه ازيك انا سنية من القاهرة انا بحب واحد قد ابويا و مش عارفه اعمل ايه بحبه موووت مووووت يا اسامه عشان شعره الابيض الجميل و فجأة اكتشفت انه سمكري سيارات و ان البويه جت علي شعره اسامه انا مش عارفه اعمل ايه انت املي الوحيد __________________
هاااي ا س اس ازيك انا عيوشه من شبرا و بحب واحد من الصعيد و اتخانقنا بس لما سمع الحلقة بتاعت البرنامج اللي فاتت جاني تحت البلكونه من الصعيد مشي و قعد يعيط و انا بحبه خالص يا اسامه بحبك يا صميده موووت موت
الوقت بيمر معاكم بسرعة وقت حلقتنا انتهى و حاتم فرحان مش عارف ليه باين البنت بتاعت الدره حولت له رصيد تاني كان معاكم اسامة منير علي نجوم اف ام مزيكا علي كيف كيفك في انا و النجوم وقفاك من 12 لـ 2 بشكر كل اللي كلمنا و اللي بتعت ا س ام اس مع انا و النجوم وقفاك استنوتا يوم الحد في نفس الميعاد قبل ساعتين من دلوقتي علي نجوم اف ام 100. 6 مزيكا علي كيف كيف
JojO)a@psc) عضو مبدع
العمر : 34العنوان : فلســـــــــطينعدد المساهمات فى المنتدى : 4705الوظيفه : JojO الوسام : تاريخ التسجيل : 12/04/2008
موضوع: رد: انا والنجوم و ........ ادخل وانت تعرف الجمعة أغسطس 22, 2008 7:19 pm
ههههههههههههههههههههههههههههه ايه ده يمسترررررررررررررر اوعى تقول انه البرنامج ده بيتزاع عالراديو فعلا هههههه معقوله؟؟؟؟؟؟؟؟؟؟؟؟؟؟؟؟؟؟؟؟؟؟؟ لأ وايه ههههه الاستهبال في الحب 8) طيب اؤلي كده تردد الازاعه والوقت والساعه وال وال وال ههههه خليني استهبل معاهم شويه بس بجد استمتعت جدا بالحلقه دي هههههههه وياريت يكون في حلقات هبله قصدي جميله زي دي كمان وكمان هههههههه ميرسىىىىىى يمسترررررر عالمشوار الاذاعي الجميل ده واحنا في انتظار مشاوير اذاعيه اخرى هههههه
تقبل مروري JojO
MaSTeR "رئيس المنتدى "
العمر : 37العنوان : روح انت بس واسئل .عدد المساهمات فى المنتدى : 2780الوظيفه : Income Auditor الوسام : تاريخ التسجيل : 08/02/2008
موضوع: رد: انا والنجوم و ........ ادخل وانت تعرف السبت أغسطس 23, 2008 12:40 pm
هههههههههههههههه لا انصحك متسمعوعوش دا برنامج عبيط يعنى احنا كنا عبطا فى الاول منكرش بس ربنا هدانى وانتظروا الحلقة التانية
لمسه حب مشرفة
العمر : 36العنوان : قلب حبيبىعدد المساهمات فى المنتدى : 6355الوظيفه : رايق الوسام : تاريخ التسجيل : 06/02/2008
موضوع: رد: انا والنجوم و ........ ادخل وانت تعرف السبت أغسطس 23, 2008 5:40 pm
a@psc كتب:
ههههههههههههههههههههههههههههه
ايه ده يمسترررررررررررررر
اوعى تقول انه البرنامج ده بيتزاع عالراديو فعلا هههههه
وياريت يكون في حلقات هبله قصدي جميله زي دي كمان وكمان
هههههههه
ميرسىىىىىى يمسترررررر عالمشوار الاذاعي الجميل ده
واحنا في انتظار مشاوير اذاعيه اخرى هههههه
تقبل مروري
JojO
هههههههههههههه انتى متعرفهوش ااول ما نزل ده عمل دجه كبيره وكونت فى السنويه العامه كونت بسيب المذاكره واسمعه هههههههههههه بس بقالى فتره كبيره مش بسمعه وكمان هو خاب اوووى مبقاش زى الاول ميرسي يا مستر على البرنامج
JojO)a@psc) عضو مبدع
العمر : 34العنوان : فلســـــــــطينعدد المساهمات فى المنتدى : 4705الوظيفه : JojO الوسام : تاريخ التسجيل : 12/04/2008
موضوع: رد: انا والنجوم و ........ ادخل وانت تعرف السبت أغسطس 23, 2008 5:56 pm
اهااااااااا يعني البرنامج ده فعلا بيتزاع ههههههههههههههه لا لا بجد ادينوي التردد بسرعه ههههههه برنامج لزيز والله ههههه فيا اما تدوني التردد والوقت يا اما تجيبولي حلقات كمان وكمان ههههههههه خلينا اتسلا عليهم برمضان ههههههه يللا يمستر عايزه مشوووووووووار تانىىىىىى هههههه مستنيااااا خلي بالك ههههه
JojO
MaSTeR "رئيس المنتدى "
العمر : 37العنوان : روح انت بس واسئل .عدد المساهمات فى المنتدى : 2780الوظيفه : Income Auditor الوسام : تاريخ التسجيل : 08/02/2008
موضوع: رد: انا والنجوم و ........ ادخل وانت تعرف السبت أغسطس 23, 2008 7:28 pm
يبنتى بلاااااااااااش بس ادى التردد "100.6" على fm يوم الاحد والثلاثاء من 12 الى الساعه 2 صباحا وانتى حره ممكن يعجبك فى الاول بس بعد كام حلقة هتتريقى على القصص الخرافية اللى بتنقال زى قصة الحب اللى كانت من 2 ابتدائى ههههههههههه
JojO)a@psc) عضو مبدع
العمر : 34العنوان : فلســـــــــطينعدد المساهمات فى المنتدى : 4705الوظيفه : JojO الوسام : تاريخ التسجيل : 12/04/2008
موضوع: رد: انا والنجوم و ........ ادخل وانت تعرف الأحد أغسطس 24, 2008 1:01 pm
ههههههههه هنشووووووووووووووف بس والله دي قصه لزيزه هههههه منت عارفني بحب الحكاوي اللزيزه واللي كلها مغامرات ولوووووووووووو هههههه بس مش معنى كده انك متجيبش حلقات كمان لالالالالالا انا عايزه كمان وكمان هههههه واديني بستنااااااا :evil:
JojO
abdo yousry "عضو مميز"
العمر : 36عدد المساهمات فى المنتدى : 659الوسام : تاريخ التسجيل : 15/10/2008
موضوع: رد: انا والنجوم و ........ ادخل وانت تعرف الأحد أكتوبر 19, 2008 6:59 pm
موضوع: انا والنجوم و ........ ادخل وانت تعرف 
:x 
