صدقني أنا عارف

زائر

كتير بنجلس مع أصحابنا وأقاربنا ومعارفنا واكيد سمعنا جملة صدقنى أنا عارف كتير

هتسمعها فى حوارات كتيييير خاصة لما تنصح حد فيرد عليك ويقولك صدقنى أنا عارف

حبيت اعرض معاكم بعض المواقف اللى بيتقال فيها الجمله دى يالا بينا

صدقنى أنا عارف إن الصلاه فرض ولازم أصلى فى الجامع ... بس بقولك ايه ناوى ان شاء الله اصلى

صدقنى أنا عارف لازم اسمع كلامى أبويا وأمى ... بس بقولك ايه انت عارف هما فين وتفكرنا فين مش عارفين يفهمونا

صدقنى انا عارف إن السجاير حرام وإنها بضيع فلوسى وصحتى ... بس بقولك ايه الدنيا وقرفها بقى يا أستاذ

صدقنى أنا عارف إن القهاوى حرام ... بس بقولك ايه هنقضى وقتنا فين يا باشا

صدقنى أنا عارف إن المفروض ما ارتبطش بالبنات وكلمهم ... بس بقولك ايه الحياه من غيرهم هتكون ناشفه قوى
صدقنى أنا عارف ان المفروض مكلمش بنات على الشات ونحكى مع بعض ... بس بقولك ايه دا علاقات وحب فى الله
صدقنى أنا عارف إن الحشيش والمخدرات حرام وبتخلينى زى الحيوان ... بس بقولك ايه بعمل دماغ وبعيش

صدقنى أنا عارف إنى بعمل حاجات كتير غلط وحرام ... بس بقولك ايه أنا بحب ربنا والرسول عليه الصلاة والسلام

صدقنى ... صدقنى ... صدقنى ... الخ ... الخ ... الخ
وفى الآخر ادعيلى

صدقنى أنا عارفه إنى لازم أصلى واحافظ على نفسى ... بس بقولك ايه ربنا يسهل

صدقنى أنا عارفه إن شعرى لازم أغطيه وإنى بأخذ بكل شعره تبان سيئه عليه ... بس بقولك ايه ربنا يسهل لما اتخطب واتجوز هتحجب

صدقنى أنا عارفه ان المفروض محدش يلمسنى غير اللى يحل ليه بس ... بس بقولك ايه هما زى إخواتى وخليك لذيذ بقى

صدقنى انا عارفه إنى المفروض منزلش من البيت بالهدوم دى اللى موضحه جسمى ومجسماه ... بس اعمل ايه الموضه كده ولا عايزنى امشى زى الخيمه

صدقنى أنا عارفه إن المفروض مقعدش على قهاوى ولا أشرب شيشه ... بس بقولك ايه لزوم الروشنه يعنى

صدقنى ... صدقنى ... صدقنى ... الخ ... الخ ... الخ

وفى الاخر ادعيلى

يا جماعه المعرفه غير الإيمان

إنك عارف ان الصلاه فرض مش كفاية كلنا عارفين لما بنسمع الأذان بنوطى صوت الكاسيت إنما لو كان مؤمن كان نزل الجامع للصلاه

انا عارفه إن الحجاب فرض وان المفروض محدش يلمسنى الا اللى يحل ليه طيب فين حجابك ؟ فين إيمانك ؟

لازم تكونى عفيفه وإنك أغلى من الجواهر متقوليش القماشة اللى على رأسك دى حجاب وانك لبسه حجاب وشعرك باين او ان حد مش يحل ليكى يلمسك وتقولى ده هزار وده زى أخويا هنضحك على بعض ولا بتضحكى على مين انت بتتعاملى مع ربك مش بتعاملينا احنا

إنتوا فين ؟

ورايحين فين ؟

إنتوا مستنين إيه ؟

مستنى حد عزيز عليك يموت أمامك وهو او هى بتعمل معصيه

مستنى إن ربنا يبتليك بمرض صعب علشان تتوب وتفوق من اللى انت فيه

مستنية ربنا يبتليكى بمرض جلدى او فى شعرك علشان تخبى جسمك وشعرك

مستنى تدخل القبر ويسألك الملكين من ربك ومن نبيك وما دينك ؟ هترد بإيه

هترد باللى كنت عايش عليه فى الدنيا

كنت بتعيط علشان حبيبتك ومعيطش من خشية الله

كنت بتبص للبنات والحرام ومبصتش فى كتاب الله

كنت بتسمع اللى يغضب ربنا ومسمعتش قرآن وحاجه تفيدك

هتقول ايه لنبيك على الحوض ؟ هتقوله بحبك بس مسمعتش كلامك ولا عملت بيه
ارجوكم فوقوا ... فوقوا ... فوقوا بقى كفايه

يا اعز ناس على قلبى كل من قرأ هذا البوست هقولك حاجه اسمعها كويس قوى انا بقولها لنفسى اولا

يا احبائى كده كده راحين لربنا فياريت نروح لربنا بمزاجنا مش غصب عننا بمعنى انى هتوب بمزاجى الوقتى وانا فى كامل صحتى وعافيتى ولو محبتش انت هتوب ايضا بس بطريقه اخرى وهى مثلا المرض المصيبه

اخى الحبيب واختى الحبيبه امامك الطريقان ولك حرية الإختيار واتمنى اننا مش نقرا وخلاص بجد ننفذ ونتعاهد على التغيير من نفسنا فى كل حاجه غلط بنعملها

وطبعا انا ذاكر فى البوست بعض الاشياء فكل واحد يجلس مع نفسه ويشوف هو بيعمل ايه ويشوف ربنا ورسولنا قال ايه ويرجع ويتوب بسره لربنا ويكون بمزاجنا مش غصب عننا

وفى النهاية انا آسف جدا جدا جدا لو كلامى لمس اخ او اخت ليه بمعنى آخر كلامى جه على الجرح

والله ما قصدت به الا النصيحه وحبا فيكم جميعا

بس اتمنى كلامى لو لمس حد ميقولش صدقنى انا عارف ولكن يقول صدقنى انا عارف وهغير من نفسى حالا مش هستنى

بسم الله الرحمن الرحيم

"وتعاونوا على البر والتقوى ولا تعاونوا على الإثم والعدوان"

"وسارعوا الى مغفرة من ربكم وجنة عرضها السماوات والارض اعدت للمتقين"

صدق الله العظيم

لا اله الا الله
ولا حول ولا قوة الا بالله العلي العظيم
انا مش عارفه اؤلك يا ابو منه بس اكيد انا عارفه وفهمت الكلام ده كويس اوى والحمد لله
وبالكلام ده حسيت اني افضل من غيري وحسيت انه في كتير احسن مني عند ربنا
وان شاء الله كل حاجه كنت مقصره بيها هعملها على اصولها باذن الله
وبصراحه الموضوع جميل جداااا لدرجة انه بيمس احساسك وايمانك وبيخليك تبص لبعيييييييييد اوىىى....للاخره يعني
فربنا يهدينا جميعا ويبعدنا عن كل حاجه ممكن تغضب ربنا واكيد ربنا مش هيهدينا واحنا قاعدين بمكانا ومغمضين عنينا وحطين اصابعنا بودنّا
لاننا لازم نسعى للهدايه وندعى ربنا يكون معانا واكيد في لحظه من اللحظات
هنحس ان فعلا ربنا هدانا وساعتها هندوق حلاوة الايمان وجماله
ميرسىىىىى يبو منه عالموضوع الاكتر من رائع ده
ويريت كل الاعضاء تقرأه علشان الكل يستفيد منه
وجزاك الله كل خير

JojO

زائر

جزاك الله كل خير

جوجو مرسب علي المرور

وياريت أننا نبتدي بأنفسنا ونطبق الكلام ده

والله ربنا هيكرمنا أوي

الله الله الله الله الله الله الله الله الله الله الله الله

الله الله الله الله الله الله الله الله الله الله

الله الله الله الله الله الله الله الله

الله الله الله الله الله الله

الله الله الله الله

الله الله

الله

موضوع فوق النمره واحد ربنا يوفقك اللهم اهدنا واهدي بنا

واجعلنا سببا لمن اهتدي

موضووع مميز يامحمود الله ينور
صدقنى انا عارف هههههههه
اخلى سلام يااابو منه

الله يحودة موضوع جميل جداااااا

بجد بيمسنا أوي أوي وفعلا لازم نتوب بمزجنا بدل منتوب غصب عننا

زائر

مرسي علي المرو حبيب قلبي عمر المختار

مرسي علي المرور ماستر

مرسي علي المرور أحمد عبد العليم

موضوع فوق الممتاز تسلم ايدك

» حد عارف الاحساس ده ؟؟؟؟؟
» حد عارف إنفلونزا الخنازير جت منين أنا هوريكم !!!!!!