هل البنت تستحق الثقة ؟؟

الســـــــــــلام عليـــــــكم ورحمة الله وبركــــاته

هل البنت تستحق الثقة ؟؟

كثرة الوسائل وأختصرت المسافات لتعارف الولد بالبنت مثل الهاتف

والجوال والانترنت ،، بالأمس كان عن طريق الهاتف واليوم أختصرت

على الجوال والنت حتى لا ينكشف ستار البنت لأهلها ،، لكن أسأل البنت

أن الله سبحانه وتعالى خلق حب البنت بالولد والعكس صحيح وهذا محبب

لكن هل هذا الحب جاء عن طريق صحيح أم عن طريق محرم مسبقاً ، جميل

أعطاء الأبوين البنت الثقة .. لكن هل البنت كفو هذه الثقة ..في زمننا هذا النادر

النادر جداً تكون كفو الثقة .. نحن لا ننكر عاطفية البنت وتحلم بجو عاطفي ..

وهذا مما يجر البنت الى الخراب من جو عاطفي الى جو حب وغرام ثم الى لقاء

لدي سؤال أريد من الجميع الأجابة

هل البنت تعطى الثقة دون مراقبتها ؟؟

وهل انت ايها الشاب تثق هى الفتاة التى تحبك والتى تعرفت عليها عبر التليفون او الانترنت؟هل ستفكر فى الاقتران بها فى يوم من الايام؟

شوف يسيدي انا هكون اول وحده بترد عالموضوع ده
مش كل البنات بتستحق الثقه سواء من الاهل او حتى من الحبيب
ولو جينا لحكاية الارتباط ففي الزواج التقليدي وفي الزواج عن حب
وانا برأيي الزواج التقليدي الايام دي معادش ينفع لسبب واحد
ان الناس اللي بتفكر بالطريقه دي يعني الشب تحديدا ييجي يؤلك لا
انا ابعت امي تدورلي على عروسه بنت ناس ومعرفش ايه وبلا حب يلا
كلام فاضي ليه يترى؟
لانه فاكر ان ازا حب فالبنت اللي حبته دي حبت 10 قبله وهتحب 20 بعده
مع ان ممكن يكون هو الوحيد بحياتها وفعلا هي مخلصه ليه بس للاسف الاغلبيه
ظلمت الاقليه يعني بجد في بنات كتنييييييييير بيمثلوا الحب
فيروح الشب اخينا ده يطلب البنت اللي اختارتها امه وهو فاكر بئا ان البنت دي
معمرهاش كلمت شب قبله ولا هتكلم حد بعده مع انها ممكن تكون فعلا حبت قبله وعرفت شباب كتير كمان لحد مزهئت
بس بالنسبه لحكاية الثقه فدي مبتجيش كده وانا اجي واؤول خلاص انا هثق بفلان
اكيد لا. الثقه بتيجي بناءا على افعال وتصرفات يعني الشب مبيثقش بحبيبته الا لما يكون حاسس من تصرفاتها من كلامها انها أهل للثقه وممكن تكون شريكته بيوم من الايام والاهل برضه نفس الحاجه
بعدين الحب مش حرام والكل عارف كده والكل عارف
انه فطره في كل انسان بس المهم انه ولا واحد من الطرفين يغلط ويجيب العار والكلام لاهله
والشب يحافظ على سمعته والبنت تحافظ على شرفها وسمعتها وسمعة اهلها
ودي حكايه مش صعبه خالص والحب بيعلم وممكن يجرح بس اولا واخيرا محدش يقدر يعيش
من غيره مش لانه الكل بيتكلم عنه ومعرفش ايه لا لانه فطره بكل انسان من عند ربنا يعني
ومينفعش نقول انا مش هحب وهستنا النصيب ومعرفش ايه لا انا هحب واتعلم كمان وبتمنى يكون اللي حبيته هو نصيبي
بس المهم مغلطش ومضرش نفسي ولا سمعتي ولا سمعة اهلي

JojO

اقتباس :: والحب بيعلم وممكن يجرح بس اولا واخيرا محدش يقدر يعيش
من غيره مش لانه الكل بيتكلم عنه ومعرفش ايه لا لانه فطره بكل انسان من عند ربنا يعني
ومينفعش نقول انا مش هحب وهستنا النصيب ومعرفش ايه لا انا هحب واتعلم كمان وبتمنى يكون اللي حبيته هو نصيبي
بس المهم مغلطش ومضرش نفسي ولا سمعتي ولا سمعة اهلي

الله عليكى والله مشلاقى كلام اقولوا بعد كلامك

JojO

بص انا هقولك
انا خطيبى كان زميلىى فى الجامعه
وهو دلوقتى بيثق فيه اووى بس تعرف الثقه ديه جت ازاى
اول لم جيه يكلمنى وقالى انا بحبك والكلام ده
بعديهااا روحت قولت لماااماا وقولتلهااا انه قولت لمااماا
ومقدرش اخون ثقتهم بيه واعمل اي حاجه من غير مقولهااا
وحصلت حاجات كتير كونت مش برده اعماله علشان ماما
وثقتهااا فيهااا واحترام كلمهااا حتى لو انا عايزه غير الكلام ده
راح كلم ماما وبعديه بابا وشرحله ظروفه وكده
فبابا وقف جنبناا لغايه مقدر يخطبنى
فهو بعد ما اتخطبناا قالى انا ثقت فيكى علشان كده
وفرحت بصرحتك مع اهلك وكانت حاجه مشجعانى
على الارتباط
فسوالك هل البنت تستحق الثقه ولا لا
هو اللى خلانى اقول الحكايه ديه
ان الثقه ديه مش بتيجى من فراغ
ولازم يكون فى اسباب تخلى يثق فيهاا
وانا مش مقتنعه خالص طبعاا بحب النت ولا التليفون
والا الكلام ده ده راي
تسلم ايدك على الموضوع المتميز

ممكن انا اسال سؤال
هل الولد محل ثقة ؟
فى مجتمعنا يقول الناس (غلطة الولد تترمى فى البحر وغلطة البنت استر يارب )
ده معناه ان للولد صلاحية لفعل مايحلو له لانه(راجل ) ووالبنت دورها انها تقعد فى بيتها مستنية عدلها زى مابيقولوا
انا عمرى ما اقارن ولد ببنت لان النتيجة معروفة بس اللى انا حاسه ان البنات مظلومة شويه وده ارقى انواع الظلم وهو( ظلم عادل )
شكرا

اممممممممممم

انا بقى بمشى بالاسلوب ده

بدل ما اخاف من بابا وماما اخاف من ربنا احسن من بابا وماما

يعنى لازم ربنا يكون فى المقام الاول حتى لو بعمل حاجه من غير مابابا وماما يعرفوا

انا عندى عقل وربنا بيحاسبنى دلوقتى

على كل حاجه مش بيحاسب بابا وماما

يعنى حط ربنا سبحانه وتعالى رقيب عليك قبل اى حد

مفيش حد بيعيش من غير حب بس المهم بيحب ازاى وبيتعامل ازاى مع الشخص اللى بيحبه

المشكله فى دى وبتختلف من بنت لبنت ومن شاب لشاب بس طول ما البنت او الولد حاطين ربنا سبحانه وتعالى رقيب عليهم فى كل وقت وفى كل مكان

اعرف انهم مش هيعملوا حاجه غلط

الله عليك يابلاك
كلامك جميل والله
شكرا لاجمل اعضاء

هل البنت تعطى الثقة دون مراقبتها ؟؟
أيوه البنت تعطى الثقه دون مراقبتها يعنى مش كل بنت أهلها هيمشوا وراها يشوفوها بتعمل ايه

لكن أنا شايفه مدام البنت حصلت على الثقه دى يبقى عيب جدا وقبل ما يكون عيب هو حرام

انها تخذل أهلها وتستعمل الثقه دى بشكل غلط

وطبعا كل بنت تستحق الثقه لكن موضوع بقى أنها تستخدم الثقه دى فى التعارف على شاب

بدون علم أهلها فهو مش غلطه أهلها انهم ادوها الثقه دى لكن الغلطه تبقى غلطتها هى

وأظن ان معظم قصص الحب مش كلها بتبقى قصص فاشله لآنها أصلا قصص بتبدأ غلط

وبطريقه غير مشروعه وقايمه على الخوف والقلق دايما مثلا شوف أى اتنين بيتقابلوا

من ورا اهلهم طبعا بيبان عليهم انهم خايفين وبيعملوا حاجه غلط

لكن لو مرتبطين رسمى طبعا بكل حب وفرحه تلاقيهم بيتكلموا ومش خايفين من حد

وأنا عن نفسى هرتبط ان شاء الله ارتباط تقليدى أنا شايفه انه مش وحش مدام هرتبط بانسان محترم

وهيحافظ عليا يبقى ايه المانع أكيد الحب هيجى بعدين

وأخيرا وليس أخرا أحب أنصح أخواتى البنات فى المنتدى اياكم تستغلوا ثقه أهلكم غلط

ياجماعة مش لاقى صقفة علشان نور
يسلم قولك بانور
نورتى المنتدى تانى
متغبيش عننا كتير بقى
_++

موضوع جميل يازيزو وانا الحقيقة مش لاقية اجمل ولا احسن من الشباب كتابوه بجد

هل البنت تستحق الثقة ؟؟

اولا احب اقول حاجة كلمة كبيرة اوى هل البنت تستحق الثقة ولازم نعمل اكتر من علامة استفهام

اكيد كلنا نستحق الثقة بس زاى ما قالت نور ياترى احنا هنحافظ على الثقة ولا لا وبعدين الموضوع بيرجع فى الاول وفى الاخر على الاهل يعنى اه اخذ الثقة بس مش لدرجدت انى اعمل اللى انا عوزه لانى للاسف فى بنات بتاخد الثقة دى انى اعمل كل اللى انا عوزه من غير ما حد يقولى حاجة الله مش هما واثقين فيه يعنى خلاص محدش له حاجة عندى اعمل اللى اعملو وده طبعا مش صح وبعدين لو الاهل التربية من البداية كويسة يبقى مستحيل اى واحدة تخل بالاداب اللى اتربية عليها صح ولا ايه

وبعدين انا واخده قاعدة كده بمشى عليها
اى حاجة اعملها لو هقدر اعملها قدام الناس وقدام اهلى ومخافش يبقى اكيد انا بعمل الصح واكمل ومخافش انما ولو خايفة انى حد يشوفنى ويعرف يبقى اكيد انا بعمل حاجة غلط ولازم ارجع عن كده لانى لو بعمل الصح مش هخاف وبعدين الغلط غلط والصح صح ومفيش حد يقدر يقول على الغلط صح او العكس فى الاخر اى حد لازم ياخد الثقة من اهله واصحابوا ولازم الانسان يكون قد الثقة دى

مرة تانية انا بشكرك وبشكرك كل الردود والاعضاء اللى زاى العسل على الافادة شكرا

نورتى الموضوع ياانغام

» الفرق بين الثقة والتصديق والامل........................
» اقلام تستحق الاعدام
» الثقة بالله
» وصية تستحق ان تكتب بماء الذهب
» اتعلم ماهى الثقة بالله؟؟؟