ليه الناس بتتجوز ؟

تذكير بمساهمة فاتح الموضوع :

ليه الناس ببتجوز ؟

(أقصد البشر كلهم مش المسلمين بس)

سؤال جه في بالي وفكرت فيه ولما فكرت فيه .. بصراحة إحترت جدا

لإن للوهلة الأولي انت ممكن تتصوره سؤال سهل لكن أظن إنه سؤال صعب جدا

أنا قلت ...

اننا بنتجوز علشان ربنا أمرنا بكد وإن دي سنة عن النبي صلي الله عليه وسلم ..

طيب معبدة البقر والثعابين وحتي اللي مبيعبدوش حاجة بردو بيتجوزو يبقي مش ده السبب

وبعدين قلت علشان نحافظ علي النوع

طيب مهو احنا ممكن نحافظ علي النوع بدون زواج .. طيب ليه الزواج

والوضع ده بالذات يبقي مش ده السبب

قلت يمكن علشان في بعض الغرائز غير مباحة الا عن طريق الزواج

طيب مهو في ناس عندهم كل حاجة مباحة وبردو بيتجوزو يبقي مش ده السبب

طيب علشان أيه المجتمعات عملت الوضع ده بين أفرادها

علشان أيه البشر بيتجوزو ؟؟

حد يعرف

طيب يأوركيد إحنا بناكل وبنشرب علشان نعيش

لا هو احنا بنتجوز علشان دي فطرة فينا لكن ليه الزواج فطرة فينا ؟ كبشر

لحكمه يعلمها ربنا وحده بقه ههههههههههه

لو قلنا المجتمعات حاليا بشتي أديانها وطوائفها بتجوز ليه

ممكن أقول عشان دي عادة توارثناها بغض النظر عن حكمتها

طبعا باختلاف اننا مسلمين ولينا أهدافنا من الزواج

أما قديما

ازاي الموضوع نشأ؟؟

إما بالفطرة أو التطور الطبيعي للحاجة الساقعه هههههههه

علي فكره احنا بنلف في دايرة مغلقة

نلف نلف ونرجع لنفس السؤال التاني

واللي بيقرأ الكلام ده زمانه بيضحك عليا دلوقتي ههههههههه

هههههههههههههههههههه

وانا بكتب الرد اللي فات إكتشفت اننا فعلا بنلف في دايرة مغلقة

وبنرجع لنفس السؤال

وياريت لو حد ليه رأي تاني يشاركنا في الموضوع

علشان أنا وأوركيد اتفقنا خلاص

علي ان احنا بنتتجوز بسبب التطور الطبيعي للحاجة الساقعة

عظيمة يمصر هههههههههه

الموضوع ابسط من كل الكلام ده
اكيد فى ناس بتجوع وتسرق علشان تاكل وده الحرام
فربنا رزقناا بالعمل الحلال واننا ناكل بالحلال
و بناخد عليه ثواب كمان
فكمان الجواز ربنا انعم الانسان بيه علشان
يتزوج بالحلال نفس المثل اللى فوق
يعنى الحلال باين والحرام باين
وحكايه التطور ده فعلن
بس شكل الاسره ده موجود من زمان
اووى اللى اطور طريقه الزواج نفسهااا
ومن اسره ممتدى اللى اسره نوويه ده التطور بس
واحناا بناخد كل احكامنااا من القران
ولو رجعت للقران هتلاقى
مذكور فيه العم والخال والخاله والابن والاب وابن العم وابن الخال
يعنى شكل الاسره
وارجع للقران وانت هتعرف منه كل شي

لا يلمسة انتي فهمتي الموضوع غلط

احنا بنتكلم علي الجواز بالنسبة للبشر مش بالنسبة للمسلمين علي وجه الخصوص

لو بالنسبة للمسلمين بس تبقي محلولة وطبعا كلامك هو الصح

لكن احنا بنقول ان جميع البشر بيتجوزو حتي المش مسلمين ولا اللي ليهم دين أصلا

وتلاقي كلهم مؤمنين بحاجة واحدة وهي الزواج

وهو دا الزواج اللي الموضوع بينقشه !!

الجواب

مش هقولك بئا سنة حياة مش هقول المصطلحات دى
انما لو الواحد فضل من غير جواز الحياة هتكون ممله اوى
فحيتاج لحاجه تغيرلوا حياتوا يحتاج انوا يكون اب مسئول او ام مسئوله
مسئول عن تصرفات زوجتى مسئول عن اولادى
فااكيد الزواج له فوائد كتير مش هنحس بيها دلوقتى
واللى يخلينى انا افكر فى الزواج مش انا بس اغلب الناس
الرغبه فى الأستقرار و الحنين الدائم إلى أنثى اشاطرها حياتى وأفكارى ومشاعرى
والشعور القوى بالرغبه فى العطاء و احساسى العقلى بالنضوج و تقبل فكره
تمضيه بقيه حياتى مع أنسان آخر و ارتباط مصيرى بمصيره و استعدادى لتحمل مسؤليات
الزواج الماديه و المعنويه أستعدادى و رغبتى فى الدخول والخوض فى طريق جديد
ورغبتى فى تغير حياتى كعازب والخوف من أن أمضى فترة شبابى وأنا وحيد بدون امرأه تشاركنى حياتى ومستقبلى وزكرياتى امرئه تكمل شخصيتى هاا اكيد مفيش اجابة احسن من كده انت طلعت كل المستخبى هههه

يدماغك هههههههههه

كلام رائع فعلا شكرا علي المرور

واللي انت بتتكلم عنه ده أظن ان هو الفظرة اللي أوركيد وجوجو اتكلمو عنهم

وهو دا بردو رأيي يمستر

يعنى لسه بدور فى نفس الدائره
لا على فكره اوقات كتير ربنا بسير الناس ومش بيخيرهم فاعتقد يعنى ان الزواج مسير من ربا لعباده يعنى لازم اى انسان ربنا مديلوا عقل بيفكر هيفكر فى الجواز لان ربنا عاوز كدا عاوز يعمر الارض ولو زى منت بتقول ممكن يكون كل دا من غير زواج فبالعكس الارض مش هتتعمر هتتخرب وطبعا كلنا عارين جزاء الفساد فى الارض عقاب منن ربتا طبعا للعباد اللى بالمنظر داا
والعقاب دا فى وقتنا دا حصل فى مجتمعات معينة ومش من فتره كبيره لو تفتكر توسونامى واكيد انت سمعت خطبة الشيح محمد الرواى للى كا ن بيحصل " فالجواز رحمة من الله "

طبعا معاك حق وانا بقول ان هو دا رايي انا كمان

والزواج من فطر الله التي فطر الناس عليها

اسمحولي اني اعلق على هالموضوع
ببساطه انه ربنا خلق الكون بست ايام وخلق الملائكه وثم خلق سيدنا ادم وثم خلق حوا من ضلع ادم الشمال وكل العالم بتعرف طيب يعني اول شي انخلق ادم وبعديها حوا طيب لو ربنا ما خلق حوا من وين بدنا ننخلق احنا والعالم والذريه كلها من ادم لحد الان يعني ان كان ضل سيدنا ادم لوحد بالكون وعاش اللي عاشو من هالسنين وبعديها مات وبتنتهي الحياه هاد اول باشتان ههههههه
تاني باشتان انه احنا مو اعظم من ربنا وما بنفكر احسن منه وهاي فريضه على كل شخص قادر على الزواج لانها بتيسرله اموره وبعدين ربنا خلق الجنه وخلق النار وهاي بدها وهاي بدها وربنا حلل الزواج لانه كل ما بصير بين الجنسين يكون بالحلال وعالسنه وبيوقي الناس من الامراض اللي بتحدث عن طريق الاشياء غير المباحه يعني عن طريق الحرام والعياذ بالله ومن بسلك هاد الطريق طريق الزواج والسنه بيكون مثواه الجنه باذن الله واللي ما بيسلكه وبيسلك الطريق الغلط بيكون مثواه جهنم
بنرجع وبنعيد انه الزواج ربنا كتبه على خلقه عشان يسهل مطامع الناس وابعادهم عن الرذيله وكل ما تشتهي النفس وهاي امتحان للامه والعالم واللي بيسلك طريق الخير ربنا بيطعمه اللي بدو اياه واللي بيسلك طريق الشر ربنا بيعاقبه
يعني ببساطه هاي شريعه بعتها ربنا لعباده ليمتحنهن وبيكافئ اللي بيمشي على طريقه وبيعاقب اللي بيخالفه متل الامراض اللي بتصير عن طريق المعاشره بالطريقه غير الشرعيه واللي بتكون غير الزواج اما اللي بيقيم متل هيك علاقه بالحلال ربنا بيرضى عنه وهاي اكبر نعمه اعطاها لعباده.
انشا الله تكون وصلتلكم فكرتي واللي ناوي اوصله الكم وشكرا الك على هيك موضوع .

هههههههههههه
هو انتو لسا بتتناقشوا بالموضوع
:?:
ماحنا اؤلنا من الاول انه الحب فطره فينا
وبنتزوج علشان الحب هو اللي بيدفعنا لكده
بس بجد الاجوبه كانت جميله جداا
والاجمل ان الكل اجتمع على ان الزواج فطره
بس تصدئ يحمد انها فلسفه جميله ههههه
:evil:
بس اللي مش عاوز يتجوز علشان لسا معرفش هيتجوز ليه...ميتجوزش

JojO

الموضوع سهل جداااااااااااااااااااااااااااااااااااااااااااا

الأنسان بيولد على الفطرة وأبواه ينصرانة أويهويدانة ييعنى بيغيروا تكون ديانتة اية لكن مش بيغيروا حاجة تانية

والزواج فطره فلازم تلاقية عند أى حد حتى لو أختلفت ديانتة

هههههههههه
ايه ياعم الكلام اللى انت بتقوله انا مش فاهم حاجة خالص

مش المجتمعات اللى عملت الوضع ده

الزواج خلق بخلق ربنا سبحانه وتعالى للانسان من بدايه الخلق

وبعدين ارجع للقران الكريم هتلاقى اجابه سؤالك

بسم الله الرحمن الرحيم

ومن اياته ان خلق لكم من انفسكم ازواجا لتسكنوا اليها وجعل بينكم مودة ورحمة ان في ذلك لايات لقوم يتفكرون

صدق الله العظيم دى اجابه سؤالك وزود عليها جميع اجابتك اللى انت رديت بيها على سؤالك فى المقال فوق

تقبل مرورى

» مهم جدا عدسات تفضح الناس !!! (صور)
» هل يؤثر فيك كلام الناس
» كيف تكون أسعد الناس .....
» ازاي تعامل الناس دي؟؟؟
» صفة حسنة لا تحبها الناس