30 جملة بيقولها 90% من الشباب للبنات

دى 30 جملة بيقولها 90% من الشباب للبنات ههههههههههههههههه
1- حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2- يااااه ياحبيبتى انا حاسس انى اعرفك من زمان
( وهوا تلاقيه متلخبط بينها وبين بنت كان يعرفها قبل كده )

3- حاسس ان فيكى حاجه غريبه غير كل البنات
( اكنها مثلا بتمشى على ايديها ورجليها )

4- انا حاسس ان فى شبه كبير بين افكارى و افكارك احنا اكيد مخلوقين لبعض
(اكيد دى البنت رقم 100 اللى بيقولها كده وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6- يااه يا حبيبتى انتى تؤمرى وانا انفذ اللى انتى عايزاه اجبهولك
( فى المشمش )

7- حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
( طبعا فاهمين الحركات دى تلاقيه مش عاجبه اساسا)

8- هكلم باباكى اول ماكًون نفسى
(موووووووووووت يا حمااااااااااار )

9- عايز اشوفك كل يوم كل ساعه كل ثانيه
( عشان اصحابه يتأكدو انها حلوه )

10 - حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان

(بففففففففف الاسطوانه المشروخه )

11- انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
( يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12- معلش ياحبيبتى مش هقدر اعدى عليكى بالعربيه النهارده علشان هيا فى التوكيل
( طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه ده لو عنده اصلا )

13- ياحبيبتى انتى بتتكلمى فى أيه انا كل عطورى من فرنسا
(اكيد فرنسا ده جمب عم سيد البقال )

14- ياه لما بشوف رقمك على الموبيل قلبى بيتنفض

(طبعا من الخضه انها تكون فأسته)

15- فلان قالى اديله رقمك بس انا قلتله اقتلنى قبل ماتاخد رقها منى
( ياااااه على التضحيه وهى ياعينى رقمها مع مخاليق ربنا كلهم )

16- حبيبتى عايز صورتك عشان قبل مانام اشاهد فى جمالك واحطها تحت المخده
( لا وهو الصادق عشان لما يتخانقو يهددها بيها )

17- اسف يا حبيبتى امبارح مقدرتش اكلمك كنت مشغوووول فى المذاكره
( قصده معهوش فلوس او مشغول مع واحده تانيه )

18- اسف يا حبيبتى انى مقدرتش اجى فى المعاد امبارح كان عندى ظروف صعبه
( معزور الولد افتكر معاد البنت التانيه اللى بقاله 3 اسابيع مأجله )

19- عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه )

20- عارفه يا حبيبتى انا اصلا مش بفتح الماسنجر الا لما بتكونى موجوده اصلا النت من غيرك ما يسواش
)يقصد مش بيفتح البلوك عنها الا اما تكون هيا بس الى اون لين عنده(

21- حبيبتى انا ماستهلكيش
)يييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه (

22- انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )

23- انا هاسيبك علشان مش عاوز اى حد يتكلم عليكى نص كلمه
( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل )

24- انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )

25- انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)

26- أنا مانفعش ارتبط بواحده مشيت معاها
( ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

27- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش )

28- انتى اكتر حد حبيته فى حياتى بس برده زى ماقولتلك مش هاينفع نكمل
( لا تعليق )

29- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه )

30- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
( لا ماهو واضح )

منقول

ايه رايكم
الكلام دة صح ولا

ماخلاص البنات اخدوا مصل ضد الكلام ده

الاخ باين عليه خبره ههههههههههه ولا ده برضو نبض الشارع هههههههه
:x

هههههههههههههههههههه
والله انت عسل
ههههههههههههههههه
بس لا ده ولا دة
انا قريت الموضوع فعجبنى بس

كده يا إسلام هتفتح عيونهم ويعرفوا نقول ايه ساعتها ماهما مش برتاحوا غير لما حد يضحك عليهم

اقتباس :: 15- فلان قالى اديله رقمك بس انا قلتله اقتلنى قبل ماتاخد رقها منى
( ياااااه على التضحيه وهى ياعينى رقمها مع مخاليق ربنا كلهم )

يسلام عليك ياابو الوطنيه هههههههههه الواد دافدائى :213:

انت بتقطع علينا ولا ايه يا عم

بس بينى وبينكم هيتقال ايه غير كدااا وخصوصا ان البنات تحب الكلام دا ولو واحد معملش كده مع خطبتوا اكيد هتقولو بودعك

الحب إدعاء وخداع ووسيلة اصطياد لإقامة علاقة سيئة مغلفة بالحب تتدرج على خطوات كل خطوة في هذه

العلاقة تجر وتجعل ذلك المحبوب رهينة لخطوة أكبر منها تحت سلاح الإغراء او التهديد بالفضيحة الى ان يجره الى

الكارثة, وهذا الشخص كالشيطان يغري الانسان بالكفر حتى يقع فإذا وقع تخلى عنه وتبرأ منه, قال الله تعالى(...كمثل

الشيطان إذ قال للانسان أكفر فلما كفر قال اني بريء منك اني أخاف الله رب العالمين) صدق الله العظيم.

كلامك ياتونسي لمن يفهم فقط

كلام جاااااااااااااااااااااااااااااااااامد جداااااااااااااااااااااااااااا

جامد ايه يا عم
حرام عليكوا
لا حول ولا قوة الا باالله

ايه ياإسلام انت زعلت علشان كلامه غطى على موضوعك

فعلا
برافو اشرف
:,m:

ايوه كده ياإسلام كلام التونسى صح

ههههههههه لا انا مع اسلام
ومش مع التونسي واشرف خااااااااااااالص
لانه عمره مكان الحب شياطين وتمثيل واغراء علشان تخلي الطرف التاني يحبك
وحتى لو اتقال كلام زي ده مش معناه ان كل اللي بيئلوه مش بيحسوا بيه
ومش معناه برضه انه التفسير هيكون زي مهو مفسر كده
علشان كده انا مش معاكم هههههه
وبعدين الشباب معاهم حئ لان البنات مش بيعبي دماغهم الا الكلام الحلو
وده كلام ميه الميه ههههه
بس اللي يهم البنت ان يكون الكلام ده من القلب وبعيد عن التمثيل
وصحيح الممثلين كتير بس دايما في مكان محفوظ للمشاعر الصادئه والمخلصه
وده مش كلام افلام ده حئيئه هههههه

اقتباس :: 19- عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه )

ههههههههههههههههههه عجبتني الحجه دي جدااا
ميرسىى للموضوع الصريح ده يسمسم هههههه
ميرسىىى يا اسلام

خلاص ياإسلام هيس جوجو وقفت في صفك أنا عارف أنك هتموت من الفرح

هههههههههههههههههههههههههههههههه

كلام رائع لقد كثرت هذه الايام معاني الحب

من قبل كان الحب لا معنى له الا معنى واحد اما الان فقد اصبح له معاني بفعل التتطور وما يسمى بالانفتاح
ولكن السبب لا يعود الى البنات فقط ولكن الى كلا من الجنسين

الحب الي أنا أعرفه حب واحد إسمه . . الحب الحقيقي

لكن مع التطور صار للحب أنواع كثيرة ...
**حب ( أبو يوم ) :
**(حب طفش ) :

**حب (أبو أسبوع) :

**حب ( مصالح ) :
**حب ( العمر كله ) :

*حب (( نص العمر)) :
حب ( توريطه ) :

مينفعش كده ياتونسى سيب أسلام في موضوعه

وسيبك من الأساليب دى

» ملابس نوم للبنات ممنوع دخول الشباب
» أسهل 100 جملة انجليزية تعلمها تمشيك بأي مكان
» أفضل 15 جملة سينمائية يمكن كتابتها علي مؤخرات الميكروباصات والتوك توك
» خاص للبنات
» نصائح للبنات