مع او ضد موضوع هايل لازم تدخل معانا .

[وحدهم المديرون لديهم صلاحيات معاينة هذه الصورة]

الموضوع النهاردة جديد

عايزين كل عضو يدخل يسأل سؤال

و نتناقش فيه

زي مثلا مع ولا ضد الهجرة غير الشرعية؟

دة مثال الي عايز يجاوب يقول مع او ضد

و يقول السبب عشان يبقي حوار

و ياريت طلب واحد

"ياريت يكون في لغة حوار و مفيش خلاف بين حد"

سؤالي

مع ولا ضد

واحد يسافر من بلده عشان يشتغل؟

عايز اشوف رايكم و اسالتكم

[وحدهم المديرون لديهم صلاحيات معاينة هذه الصورة]

ويبحث المهاجرون عن العمل أو اللجوء بعيدا عن الصراعات في أوطانهم والظروف المعيشية

الصعبة في مصر حيث ان المهاجرين الأفارقة يواجهون تهميشا اقتصاديا وعنصرية

وأن سياسات الحكومة غير العادلة تتسبب في مواقف غير مقبولة وخطيرة وتشعل الثورة

الغيرالشرعية وللذين يدافعون بها عن حقوقهم.

ومع ذلك أنا لست مع الهجرة الغير شرعية

داانت لو هتفتح محل سجاير احسن من انك تسافر

لبلد متعرفش فيها حد ومفيش فيها شغل

ولو وصلت اساسا والاغلب بيروح فى البحر

اقتباس :: سؤالي

مع ولا ضد

واحد يسافر من بلده عشان يشتغل؟

لو الوسيلة شرعية والفرصة هناك أحسن يبقي السفر أفضل وخصوصا في بداية الحياة

اقتباس :: سؤالي

مع ولا ضد

واحد يسافر من بلده عشان يشتغل؟

لو هسافر واغسل صحون
يبقى اقعد على العمار اون لاين احسن
هههههههههههههههه

بجد لو الفرصه كويسه زى مقال احمد يبقى مش هتردد

انا ضد وبالبوند العريض هههههه
لان للاسف معظم الشباب بتغرهم فرص العمل برا
خصوصا بامريكا يعني الشب بيكون فاكر انه لو طلع برا فهوه هيجيب كومة فلوس ويرجع
بس لو سألنا نفسينا طيب هيشتغل هناك ايه هتلائي هيشتغل شغلانه اقل من عاديه
يعني يا اما يمسح يا يكنس يا يجلي صخون يا اما بياع سوبر ماركت
طيب اوك ممكن ناس تؤل ومالها الشغلانه دي
بس لو اتكلمنا من ناحيه تانيه اللي هيه الصعوبه اللي هيواجها الشب هناك
ده غير حالته النفسيه الي هتبئى بالارض خصوصا ان هناك ناس غير هنا
وجوه غريبه عادات غريبه والاهم ناس من غير شرف ولا دين ههههه
علشان كده انا لو شب هشتغل هنا عامل نضافه وافضل وسط اهلي وناسي
وائعد ببلدي بكرامتي احسن من ان اطلع برا اتغرب
وملعون ابو الفلوس اللي هتيجي من بيع الضمير والشرف والاخلائ
ومساس الكرامه ههههه

سورى عالالفاظ بس ده رايي

طبعا ملعون أبو الفلوس اللي بتيجي بإن الإنسان يخسر نفسه ويخسر دينه وأخلاقه

لكن احنا بنتكلم عن فرص العمل في المجالات اللي أحنا بنشتغل فيها

يعني دكتور أسافر دكتور مهندس أسافر مهندس مدرس أسافر مدرس .... وكدا

يعني تكون فعلا الفرصة كويسة كدا يكون السفر مفيد لكن السفر زي مجوجو

وصفته لا طبعا هكون ضد مش مع

اها فعلا ممكن تكون حكاية كل واحد يشتغل بتخصصه مقبوله بس برضه ليه الغربه
والبعد عن الاهل والعادات والتقاليد علشان الفلوس
يعني الانسان اللي بيفكر يسافر علشان يشتغل برا
هو الانسان اللي بيكون مستعد انه يتخلا عن بيته واولاده واصحابه وحتته عشان يجيب فلوس
يعني بيئبى مخير ما بين الاهل والفلوس ولاسف بيختار الفلوس
وبنرجع لنفس الحكايه ملعون ابو الفلوس اللي هتبعد اب عن ولاده
وزوج عن زوجته
يشتغل ببلده ارحم واستر ليه ههههه ويوم عن يوم هيوصل للي هو عايزه
وبلاش يبص لفوء كتير للتكسر رقبته ههههه

اقتباس :: ويوم عن يوم هيوصل للي هو عايزه

موت يا حمار
ههههههههههههههههههه

ف مصر مفيش الكلام ده
الكلام دا كان من 20سنه فاتو
يعنى اللى كان نفسه يبقى غنى كان بقى غنى من زمان
انما دلوقتى difficult
الدنيا كل يوم ويوم بتغلى والشاب اللى بيلاقى فرصه تخرجه من
الخلاط اللى هو فيه ما بيصدق انه يخرج
وويتغرب علشان يقدر يبنى لولاده اللى مبناهوش لنفسه

اقتباس :: يعني الانسان اللي بيفكر يسافر علشان يشتغل برا
هو الانسان اللي بيكون مستعد انه يتخلا عن بيته واولاده واصحابه وحتته عشان يجيب فلوس

مش عايز يتخلى عنهم والله
دا شايل همهم وعايز يخليهم احسن ناس
يعنى تلاقى عنده اربع بنات مثلا عايزين يتجوزو
ولازلمهم فلوس
ف بيكون مضطر انه يتغرب ويشتغل
ربنا يعين كل الناس

انما ارجع واقول بردو ان لو فرصه كويسه بره
يعنى لو هروح اغسل صحون يبقى اغسلهم ف بيتى احسن
ووسط اهلى

والله ردودكم هايله وزى مكلكم اجمعتم لو فرصه كويسه وتستحق السفر ماشى تبقى تمام "مع"
انما مسافر مش عارف هعمل ايه غلط "ضد"

يلا لو حد عندو اى سؤال يطرحوا علينا

اقتباس :

مقالة:

ويوم عن يوم هيوصل للي هو عايزه

موت يا حمار
ههههههههههههههههههه

ف مصر مفيش الكلام ده
الكلام دا كان من 20سنه فاتو
يعنى اللى كان نفسه يبقى غنى كان بقى غنى من زمان
انما دلوقتى difficult
الدنيا كل يوم ويوم بتغلى والشاب اللى بيلاقى فرصه تخرجه من
الخلاط اللى هو فيه ما بيصدق انه يخرج
وويتغرب علشان يقدر يبنى لولاده اللى مبناهوش لنفسه

مقالة:

يعني الانسان اللي بيفكر يسافر علشان يشتغل برا
هو الانسان اللي بيكون مستعد انه يتخلا عن بيته واولاده واصحابه وحتته عشان يجيب فلوس

مش عايز يتخلى عنهم والله
دا شايل همهم وعايز يخليهم احسن ناس
يعنى تلاقى عنده اربع بنات مثلا عايزين يتجوزو
ولازلمهم فلوس
ف بيكون مضطر انه يتغرب ويشتغل
ربنا يعين كل الناس

انما ارجع واقول بردو ان لو فرصه كويسه بره
يعنى لو هروح اغسل صحون يبقى اغسلهم ف بيتى احسن
ووسط اهلى

تسلم يطلياني هو بالظبط كدا ...

هههههههههه برضه؟؟....
طيب انا مصره على رأيي وانا ضد مهما كانت الاسباب
خصوصا لو كانو اطفالي صغيرين
وكنت شاب طبعا
لان وجودي جمبهم اهم من كنوز الدنيا كلها
وبعدين مفيش حد بيروح امريكا وبيرجع بفلوس
الا يكون باع ضميره يوم من الايام او اتخلى عن مبدأ من مبادئه..حتى لو كان غصب عنه
ده غير البعد عن ربنا لانه هناك ناس مبتعرفش ربنا خااالص
ممكن انت..هو تؤله لا بس في ناس فعلا بتنسىى ربنا هناك
جايز انا بؤول الكلام ده لاني معرفش ظروف المعيشه بمصر
بس انا بتكلم عن هنا فلسطين يعني اللي مش لائي شغلانه
يشتغل اي حاجه ممكن سوبر ماركت او بالبنى والباطون
بس بالاخر بيطلع باخر الشهر على الاقل 500 دولار
فمفيش داعي للسفر والغربه وخليك بين اهلك وناسك وبكرامتك احسن من كنوز الدنيا كلها
وكل واحد وليه رزقته

اما سؤال اللي حابه نتناقش بيه هو
هل انت ضد او مع التدريس بالجامعات باللغة الانجليزيه
خصوصا المواد العلميه؟؟

طبعا فى الاول لو فى فرصة فى مصر مناسبه يبقى مفيش داعى للسفر اصلا
بغض النظر عن السفر لامريكا الشباب فى مصر بيفضلوا السفر لدول عربية زى الامارات والكويت فى الحاله دى لو كان فى فرصه كويسه ساعتها نقدر نسافر والايام الجايه محتاجه ان الانسان ميضيعش اى فرصه هو اكيد هيضحى ويمكن كتير بس هيرتاح فى النهايه كلها ايام وهتعدى

علي فكرة احنا لما بنتكلم عن السفر بيكون قصدنا البلاد العربية ودول الخليج بالتحديد

وطموحنا مش بيوصل لحد أمريكا هههه وكمان موضوع 500 دولار دول فين ... ؟

إنتي عارفة مرتب الشباب اللي بيشتغلوا مدرسين دلوقتي بدون عقود حوالي 15 دولار بالكتير

وبرغم ان الرقم ده يعتبر من الأسرار الدولية ههههه بس أهو انتي مش غريبة

يعني انتي بتتكلمي في أيه ؟ هههه دا احنا السفر بالنسبالنا كشباب أصبح عند أغلبيتنا

الامل الوحيد في تحسين الظروف المادية وتحقيق الذات والطموحات

ههههههههه لا مدام فيها دول عربيه وخليجيه
والوضع 15 دولار فانا مع والبوند العريض كمان ههههههه

اما برا فانا ضد تمااااااماااا مهما كانت الاسباب والظروف ههههه

يبقي كدا تقريبا إجماع علي (مع)

بعد ما جوجو تراجعت عن موقفها امام تاثير ال 15 دولار ههههههه

كلمه بقينا نسمعها كتير و للأسف
انها مقترنه بحاجات كتير غلط بنعملها و الموضوع دا هحاول اتكلم انا و انتم
فى كتير من السلوكيات الغلط دى

و اول حاجه عاوز اتكلم معاكم فيها هى الكدب

مش عارف ليه يا جماعه الكدب بقى فى حياتنا شئ اساسى لدرجه تخوف بجد و كلنا
بلا استثناء بنستخدم الكدب فى حياتنا و معاملاتنا و احيانا كمان بنكدب على
نفسنا و انا اولكم و يارب متزعلوش من كلامى بس هى دى الحقيقه للاسف و الى
هيقول انا مبكدبش و مبطقش الكدب و مش عارف ايه يبقى كدب لما قال كدا .

و الى بيزعلنى جدا ان كلنا تقريبا بنضايق اوى و بنتنرفز لما حد يكدب علينا
مع اننا احنا كمان بنكدب وللاسف الشديد من كتر ما اتعودنا عليه فى حياتنا
بدات احس انه بدا يتحول لصفه حميدة بعد ما كان حاجه مكروهه.

ونلاقى الاهل بيربوا ولادهم على عدم الكدب و حرام و عيب و هتروح النار و كل الكلام الى عارفينه دا لكن تفتكرو التربيه كلام و بس

تفتكرو لما الطفل يشوف ابوة او امه متناقض و حتى المدرس او المدرسه فى
مدرسته متناقضين و بيرفضوا الكدب و هما نفسهم بيقعوا فيه ... تفتكرو ايه
الى هيفضل عند الطفل و ياثر فى تربيته

الكلام ولا الموقف ؟؟؟

معلش طولت عليكم و لتانى مرة انا اسف علشان بقول بتكدبو ا لكن للاسف دى
الحقيقه و بلاش نهرب منها و ياريت محدش يقولى فى كدب ابيض و اسود و معرفش
ايه كل الكلام دا فاهمينه و عارفينه

و عارفين ان الكدب المسموح هو الكدب على العدو فى الحرب و الكدب علشان اصلح ما بين اتنين مثلا

مستنى رأيكم و تفاعلكم

موضوع جميل يحمد ويستاهل اننا نتكلم فيه
اما بالنسبه لحكاية الكدب فدي حكايه طويله
انا عن نفسي علشان اكون صريحه وبجد..
انا بكدب على نفسي كتير وبحاول اقنعها انه لا..واكيد مش كدا
اما بالنسبه للكدب على غيري فبجد انا مش بكدب الا قليل جداااااااا
ومش بؤول كده لاني بتكلم عن نفسي..لا لان دي الحئيئه
جايز لان تعاملي مع الناس اللي حوليا بيكون بحدود وبعفويه
ومفيش العلاقه الاوى مع ناس كتير يعني العلاقه الاوي بتكون
مع اهلي واصحابي فعلشان كده مفيش كدب كتير بس اكيد بيكون فيه كدب سعات
اما لو جينا للموضوع بتاعك وسؤال اللي هو

اقتباس :: ايه
الى هيفضل عند الطفل و ياثر فى تربيته
الكلام ولا الموقف ؟؟؟

فانا برأيي الاتنين لانهم الاتنين وجهين لعمله وحده
ولو عملنا واحد وسبنا التاني هيكون في تناقض هنا
يعني المرفوض يكون الكلام هو اللي يعرف الطفل على الكدب
وعلى انه حرام... وعلى ايه هوعقاب الكداب وطبعا مع ربطه بالدين
يعني لما نتكلم عن الكدب لازم نربطه بدينا وبربنا بعيد عن انه لازم ومش لازم وخلاص
اما بالنسبه للموقف فهو الشئ التطبيقي للكلام يعني الشئ اللي هيكمّل الكلام ويأكده
بس للاسف زي مؤلت انت..كتير من الناس سواء
ام اب اخ اخت مدرس مدّرسه ...
بيتكلموا عن الكدب وبيعلموا اولادهم انهم ميكدبوش..
بس تلائيهم اول الكدابين ههههه
يعني مثلا ييجي الولد يشوف امه بتعمل حاجه معينه
ييجي زوجها يؤلها انتي عملتي كده تروح ئايله لا هههههه
فده بيخلي الولد يفكر ويؤول طيب مماما كدبت
ليه مكدبش انا كمان
ومش بعيده كمان الكلام الي كانت تؤولي ليا كدب برضه ههههه...
وبكده نكون معملناش حاجه طالما تصرفاتنا بئت تناقض كلامنا
والمشكله الكبرى ان لو اهل اتجنبوا التناقض ده...
فللاسف في ناس كتييير من المجتمع بيكدبوا وبيناقضوا كلام الاهل
ممكن يكون المدرس الصديق الجار اي حد
علشان كده صعب جداااااااا اننا نوقف بين الموقف والكلام عن الكدب
ونعمله لاولادنا لاننا لو احنا طبقنا اللي بنقوله ئدام اولادنا
فغيرنا مش بيطبقوا وبرضه ئدام ولادنا...

اتكلمت كتير
بس انتو مش غريبين وبئيتوا تعرفوا اني رغايه هههههه
:213:
بس بجد الموضوع يستحئ اننا ننقشه
ميرسىىىى يحمد

الخط صغير أوي الواحد نظره راح علي مقري الرد بتاعك هههههه

أنا معاكي فعلا في إننا لازم نوفق بين الكلام والفعل قدام أطفالنا

لكن قبل كدا لازم نواجه نفسنا بجد وناخد موقف من كل الأكاذيب اللي بقت جزء من حياتنا

ونفكر بجد إحنا عايزين نزرع أيه في ولادنا ونربيهم علي أيه ؟

لأزم فعلا نكون قد مسئولية التربية لإنها مش لعبة لازم نقرأ الأول ونشوف التربية السليمة

بتكون إزاي لإن إحنا ممكن يكون عندنا مباديء أخدناها من دينا الحنيف لكن العلم

النفسي والتربوي كملوا من بعد الدين وحطولنا تجارب ونظريات لازم علي الاقل نقرأها

علشان فعلا نكون قد مسئولية التربية

نرجع تاني للكدب اللي بقي كتير أوي في حياتنا

ونشوف هيكون معانا إتصال تاني ولا لا

ونقول ألووووو

ههههههه اسفه مخدش بالي
تم التعديل
:rty:

» نفسك تتوب بس مش قادر ؟؟ يبقي لازم تدخل
» فكر معانا
» مصر لن تدخل فى حرب مع اسرائيل دفاعا عن لبنان وحزب الله
» هو انت طولك كام؟...تعالا العب معانا...
» اطبخ معانا واهدى الاكله للى بعدك ....