فرح مصرى صميم

موضوع: فرح مصرى صميم الخميس نوفمبر 20, 2008 12:12 am

ازاى تعرف انك فى فرح مصرى

من البدايه كدا هتلاقى الدعوه بتاعت الفرح جايالك
وعليها عباره
(جنه الاطفال منازلهم)
يعنى من الاخر ابنك دا يقعد فى البيت
ومايورناش وشه احنا مش عارفين نأكل المعازيم
لما هانأكل سعادته

لما تلاقى الزفه الدمياطى الازليه اياها
وبسم الله الرحمن الرحيم وهنبدا الليله اااااه اااه

وتلاقى البنات بيجروا ورا العروسه
عشان ينولوا شرف صحبتها كدا وهى داخله القاعه
ويتقاسموا شرف انهم يشيلوا ديلها (اقصد ديل الفستان)

لما تلاقى العريس بيبخر العروس
عشان الحسد احسن تتكسر ولا حاجه وهو ان كان عليه عايز يخلص
وتلاقى العروسه بتبخر العريس
احسن دا واخد عليها كمبيالات وشيكات
عشان قطع الغيار الغير متوفره وممكن يواديها فى داهيه فبرضو كل واحدة تخلى بالها على نفسها

لما تلاقى بقا الستات بتمارس احسن هوايه ليها على مر التاريخ
وهى النميمه

ويقعدوا بقا يقولوا:
انا عارفه يا ختى اخدها على ايه دا لا مال ولا جمال ماهى بنتى اهى زى القمر

والتانيه تقولها :
والله يا ختى من ناحيه الجمال فهى شبه الليفه المحروقه
لكن من ناحيه المال لا دا الواد وقع واقف اه
دا ابوها عنده عربيه كارو اقصد (ماقطوره ) بتدخلوا شىء وشويات يلا اهى برضو المخدة مابتشيلش اتنين حلوين

وتلاقى البنات بقا واقفه اللى تقول:
ايه دا فستانها بيئه اوى ايا ده جايباه من ابو نسمة اللى تحت الكوبرى ده ولا ايه وكركركركركووو

والتانيه تقولها:
اكيد مأجراه من عند الكوافير اللى عملها التسريح
اللى شبه تسريحه المجانين دى

لما اول حجه تسمعها اول ما تدخل القاعه
وقبل ما تشوف العروسه والعريس
(( اغنيه هشام عباس (اسماء الله الحسنى) )

لما تلاقى بتاع الكاميرا بيزوم على الشبكه
كانها مثلا قلاده الملكه اليزابيث الخامسه والعشرين
وتلاقى كل المعازيم هايماوتوا بعض
وينطوا فوق بعض عشان يتفرجوا عليها قال يعنى جابلها اللى مابيتجابش

لما العريس والعروسه يرقصوا الرقصه الرومانسيه الازليه
على اغنيه(غمض عينيك واحلم معايا)
او اغنيه تامر حسنى(ومايحرمنيش منك)
وكل البشر بيصوروهم بكاميرا الموبايل
وهما بيقولوا لبعض
(ياترى بيقولها ايه)

لما تلقى الاغنيه الرومانسيه اتقطعت فجأه كانهم بيقولولهم انجزوا
ويروحوا مشغلين اغنيه السهره(هاتجوز) للملك سعد الصغير
وبعدها العنب لمعبود الجماهير (هو اسمه ايه)

لما تلاقى ام العريس كل نص ساعه وتمسح عرق ابنها
وتقوله( يا بنى كفايه مش كده ...ماتهدش نفسك)

لما تسمع السؤال الابدى
(هو البوفيه هايفتح امتى ...الواحد جاع) وعاديك بقى على البوفيه ماتقدرش تتنفس فيه

لما يتعرض الفيلم التسجيلى البوفيه
وكل ما يحتويه من لحمه وفراخ وديك رومى وكشك وسد الحنك

لما تسمع الناس وهيه بتقول
لالالا بس الاكل مكانش قد كده

لما تلاقى ام العروسه بتقول للعريس
خد بالك منها
والعريس يقولها
دى فى عينى يا طنط
وهو باصص وبيسبل لها

لما تلاقى الزفه انطلقت فى الشوارع
مسببه الازعاج لخلق الله
وبيب بيب بيب بيب بيب بيب بيب بيب بيب بيب

والف مبروك وعقبال عندكوا يابنات وياشباب كمان

كنتم معنا من احدى قاعات الافراح

م

ن

ق

و

ل

ههههههههههههههههههههههه

فعلا معاك حق بس انت مش جاى عل الستات شويه

ومقولتش الشباب بيبقوا عاملين ازاى

هههههههههههههههه
ف العدد القادم

شكرا يا زهره على المرور

هههههههههههههههههههه ايه ده ههههههه
ياااااااااااه انا اتهيألي كده اني بقاعة افراح بجد
وكل حاجه بتؤلها بالموضوع انا تخيلتها ههههه

بس زي مقالت زهره انت مركز على الستات ليه
متؤل الشباب بيعملوا ايه وبينموا وبيئولوا ايه
ولا اقول انا هههههههههه هاا؟؟؟؟؟؟؟

بس تصدئ الكلام ده في كل مكان هههههه حتى عندنا
في جماعه كده هههههه لا يخلى الامر يعني هههههه

بس على الوصف اللي انت وصفته ده
فربنا يستر متروح العروسه من غير كعب هههههههه

بس تسلم ايدك يبرنس انت ادتني فكره عن بعض الافراح المصريه الصميم ههههههه

هههههههههههههههههههههه

لا اصل الشباب زى العسل
بيروحو يعلقو بنات بس
هههههههه

شكرا يا جوجو على المرور
بس اكيد افراح فلسطين احسن بكتير
عقبال فرحك كده وفرح كل البنات

ههههههههههه يلا كويس ان انت اللي اؤلت واختصرت ههههه
لاني لو انا اللي اؤلت الشباب بيعملوا ايه
كان قمت بالواجب ههههههه
وميرسىىى لالك وعقبال عندك انت والشباب كمان
ونفرح كلنا ببعض ان شاء الله ههههه
ونبئى نفتح منتدى تاني لاولادنا
نسميه فراخ العمار هههههههههه

يالهوى ده يوم ماجوجو تتجوز

هنروح نزورها تانى يوم بصوانى فطير زى عندنا

وناخدها مشى من العمار لفسطين

مشى ايه يا زهره انتى كده يتقدرينا ههههههههه
هى كفايه عليها بوكيه ورد فرجل حمامه ههههه

اقتباس :: نسميه فراخ العمار هههههههههه

ياترى هتبقى فراخ وزاره ولا بلدى
ربنا يستر عليهم
ههههههههههههه

اقتباس :: لاني لو انا اللي اؤلت الشباب بيعملوا ايه
كان قمت بالواجب ههههههه

90 ف الميه هتتكلمى عن شباب بلدكو
ف قولى براحتك ههههههههه
معاكى للصبح بتاع بعد بكره هههههه
احنا الحمد لله برائه

ههههههههههههههههههههههههههههه

أيه ياطليانى أنت بتبقى رامى ودانك مع المعازيم ولا أيه
بس بجد ده هو اللى بيحصل فعلا
شكـــــــــــــــــــــــــــــــــــــــــــــــترا على النقل

هههههههههههههههههههههههههههههه
فعلا اسئل مجرب ولا تسئل دكنور
ههههههههههههههه
تسلم ايدك

ههههههههههههههههههههههه

شكرا يا نوره على المرور

ومنور الدنيا يا زيزو

اقتباس :: أيه ياطليانى أنت بتبقى رامى ودانك مع المعازيم ولا أيه
بس بجد ده هو اللى بيحصل فعلا

مش رامى ودنى هههههههه
مركز بس
هههههههههههههههههه

» طليانى بس مصرى
» اعلان اول فليم رعب مصرى