القرد بتاع موبينيل .. يرفض العودة إلى مصر !

في حوار مع "القرد المعجزة" بتاع موبينيل قال القرد ليس من ضمن أهدافي الحالية العودة الى مصر مرة أخرى.

وعندما سُئِل عن السبب قال: الأجواء غير صحية وهناك من يتربص بي وأعداء النجاح يحاولون الإساءة إلى في كل مكان

وكان القرد الموجود حاليا في جمهورية شومبوجو قد تلقى عدة عروض للإحتراف من الأندية الثلاث الكبرى فى مصر – الأهلي والزمالك والإسماعيلي .

وبسؤاله عن رفضه لهذه العروض قال: بالنسبة لعرض الأهلي هو عرض جيد جدا لكن الأهلي "مالوش في القرود" ومش هايخليني ابقى براحتي .. أنا لا بحب ألعب ولا أجيب بطولات انا بس بحب أطلع أتكلم كلمتين والناس تشوفني وتتكلم عليا واقول إني كبير وجامد أوي والكلام ده مش حيبقى مقبول في الأهلي .. فبلاها الأهلي !

سألناه: طيب وعرض الزمالك يا نجم ؟ قال القرد مجيبا على هذا السؤال: بصراحة عرض الزمالك جيد جدا والزمالك الأجواء فيه مناسبة للغاية أني "أنجم" هناك لأني هاعرف أتكلم كتير ولا هالعب ولا هاجيب بطولات ولا حعمل أي حاجة وفي الآخر حبقى نجم برده زي ما أنا نجم دلوقتي فمش حتفرق كتير معايا .. لكن أهم سبب خلاني أرفض عرض الزمالك أني مش عارف أتكلم مع مين .. كل شوية واحد يتصل بيا يقولي أنا رئيس نادي الزمالك وواحد تاني يتصل ويقولي أنا عضو مجلس إدارة نادي الزمالك وكل واحد بيقول كلام وفي الآخر لقيت نفسي هاتوه معاهم فقلت "أنجم" في حتة تانية وبلاها الزمالك !

أما عرض الإسماعيلي فقال عنه القرد: عرض الإسماعيلي مرفوض شكلا ومضمونا .. الواحد يا عم ما يضمنش نفسه أنت عارف أني – حجمي صغير – وممكن كرسي طايش ولا طوبة ولا حتى واحد يتنرفز فيرمي إزازة ميه تيجي فيا و أروح فيها وأنا مش ناقص !! وعموما نادي الإسماعيلي مكنش هايديني النجومية اللي أنا واخدها في شومبوجو علشان كده عرض الإسماعيلي مرفوض !

وقال قرد موبينيل في آخر حواره: أنا أحب اقول للناس في مصر أني بخير ومتابع الموقف في المنطقة كويس وباشكر كل القرود اللي في المنطقة اللي عاملة ودن من طين وودن من عجين في الكورة وفي كل حاجة تانية !! وبقولهم .. عاشت القرود حرة مستقلة !!!

وأحب أفكرهم بعهدنا المستمر وسياستنا التي وصلت بنا الى قمة الهرم "القرودي" وأسلوبنا ومنهجنا في الحياة وهو ( لا أرى .. لا أسمع .. لا أتكلم ) !!

:/;l.:

هههههههه والله هم يبكى وهم يضحك وهمبرجر وهم ياجمل
تسلم ايدك يااشرف

هههههههههههههههه
الوضع الحالى فعلا كده لنل الله
تسلم ايديك يااشرف الموضوع جميل اوىىىىىىىىىى
ويستاهل طرحة فعلا

تسلم ياماستر وتسلمى ياملك على الردود الجميله دى

هههههههههههههههههههه
تسلم ايدك يااشرف

أتفضل يازيزوووووووووووووووووههههههههههههههههههههههههه

لكن أهم سبب خلاني أرفض عرض الزمالك أني مش عارف أتكلم مع مين

ههههههههههههههه

شكلك اهلاوى صميم

يا جامد يا ابو تريكة

موضوع حلو تسلم ايدك

» عمركم شفتم أخت عبسي بتاع عدنان ولينا؟؟؟؟؟؟ هههههههههه
» بل العودة إلى الكهف هي الحل!
» استعدادا لمباراة العودة مع القطن .
» ميدو" على أعتاب العودة لأياكس
» بيبيعوا موبينيل.......الى من يهمه الامر