لو القنوات دخلت على بعضها

سيداتى ساداتى

اهلا بكم فى اليوم المفتوح

الحقيقه النهارده الارسال اتعطل كتير

واحتمال كبير اوى القنوات تدخل فى بعضها

فا..... خلوا بالكوا

كل واحد يظبطت القنوات كويس جدا جدا

علشان تعرفوا تتفرجوا على فقراتنا النهارده

واولا مع نشرة الاخبار ..

النشره : سيداتى ساداتى نقدم لكم نشرة الاخبار

وفى نشرتنا ........ ...... علبتيييين زابادى وكيلو لبن وخمس خيارات

وتروحى جايبه ....خمس لاعبيييييين فى خط الدهر ..

و3 فى خد النص و 2 فى الهجوم

وبيحكم مباراة النهارده الكابتن جمال الغندور

اللى نزل ارض الملعب وقدامه ..............

عين بوتاجازك وتحطى عليها حلة وتروحى سايباها

................ فى المغاره وبعدين يا عمو

وبعدين يا حبيايبى راح على بابا وسمسمه داخلين وهناك بقى ايه لقو

لقوا .........قوات مجلس الامن وادان بشده ما يحدث فى القدس

كما اعلن الرئيس جورج بوش انه ...... حمار كبير اوى

وراحوا راكبينه وطلعين على الغابه ولقوا هناك ........اللاعيب الكبير

اللاعيب الكبير اوى وماشى بالكوره وهايعدى منه يا خساره اتخدت منه ووصلت

لل..........الفيل الكبير اللى راح ضارب الاشكيف وامنا الغوله

وحطهم جوه ........الكنافه المحشيه بالزيبيب وجوز الهند

وبعد كده تحطي الشربات....... على حسام حسن اللى ماشى بالكوره

وهايشوط ياخساره .............. باظت البصاره انا قلتلك ياستى ما تحطيش

ملح كتير على الاكل عشان ما يعملش ...........

زلازل وبراكين فى جنوب شرق آسيا مما ادى اللى .........هجوم سلاحف النينجا

...........وهدف اكيد يضيع منه ويشوط عصام الحضرى الكوره

ويوصلها ل............ حلة الشوربه وتحطى فيها حتت الخيار والكوسه

بعد ما تسلقيها كويس وتروحى حطالها على ..........

كوسوفا حيث هاجم ميلوسوفيتش رئيس الصرب

المجتمع الدولى ووصف ما يحدث بانه ............

كوسه وقبل ما تسويها لازم تحطيها .............

فى الجووووووووون يا واد يا لاعيب دى ما يحطهاش غير حسام حسن

صاحب الراس الزهبيه اللى بيفكرنا .......... بقرع العسل وتحطيه على بوتاجازك

.............. كابتن ماجد اللى خد بسام وراحوا يلعبوا ........... فى الفرن

لمدة خمس دقايق و32 ثانيه وبعدها تجيبى حله كبيره اوى اوى

وتخطى فيها ... ........ ياسر ريان وبيرقص وبيدخل منطقة الجزاء

وبيضرب ودخل رجال الاسعاف وشالوه فى ........... كنكه

وبعد ما تقدمى الشاى لضيوفك تقوليلهم بابتسامه رقيقه ..........

براااااااه وهادى خشبه يا واد يا لاعيب يخطف الكوره من ..........

ام على وبعد ما تحطى عليها الشربات تروحى مديه لجوزك .......

ببوز الجزمه وزى ما احنا شايفين جماهير الدرجه التالته .......

اتحرقت فى الفرن يا خساره يا خساره لكن ماتزعليش تقدرى تقدميها

لل.........المفوضين العرب فى مباحثات السلام حيث صرح السيد جورج بوش

انه سوف يضطر للمضى قدما فى عملية السلام

وسيعرض مقترحاته على ........ صدره يا واد يا لاعيب

هانى رمزى بيعمل عجايب النهارده رقص خمسه

وشاط الكوره قنبللللللللله ....... فى قلب العالم الاسلامى

الذي ادان كل ما يحدث داخل ........... بيت الاشبااااااح

ههههههه ولما باسم شاف العفريت قام جرى بسرعه وراح داخل

............ مجلس الشعب الذي قرر عقد اولى جلساته ....... فى الزيبالة

يعنى لازم تتخلصى من الزيباله اول باول

وعلشان نجهز الشوربه لازم نسلق ...... القوانين الجديده

وقد تم ضبط احد اعضاء مجلس الشعب ........... وهو بيلعب فى مناخيره

ودا يصح يا عمو .لا يا حبيبى طبعا دى عاده سيئه جدا كان زمان بيعملها

.............الحكم واللاعبيه اللى شرفونا النهارده ........... دى حله كبيره اوى

والى هنا تنتهى نشرة الاخبار ..

كان معكم مراسلكم الصحفي
الطليــــــــــــــانى
من منتدى
العمـــــــــــــار اون لاين

ايه الصحفى الجامد ده
ياراجل كنت تستنى لما الارسال يتصلح.ههههه
ده لازم يمشى من القناة حالا .هههههههه
تسلم ايدك.
بس ياريت النشرة الجاية تبقى على 3او 4 قنوات بس مش كله يدخل فى بعضه كده.
منور يابرنس .
:222:

ماشى يازيزو
المره الجايه هيبقى من قلب الحدث
وكان معكم طليانى عبد الجابر قطــاع العمار
ههههههههه

كما اعلن الرئيس جورج بوش انه ...... حمار كبير اوى

وراحوا راكبينه وطلعين على الغابه ولقوا هناك ........اللاعيب الكبير

اللاعيب الكبير اوى وماشى بالكوره وهايعدى منه يا خساره اتخدت منه ووصلت

لل..........الفيل الكبير اللى راح ضارب الاشكيف وامنا الغوله

وحطهم جوه ........الكنافه المحشيه بالزيبيب وجوز الهند

ههههههههههه جميله النشره دي
يعني اخبار العالم في دقيقه هههههههه
بس انا بتخيل لو بجد اتعرضت على التلفزيون هههههه
ياااااااااااااااااه دحنا هنشوف بلاوي ههههه

ميرسي يوطوط للموضوع الخفيف
وللمراسل الاخف ده ههههههه

اقتباس :

ههههههههههه جميله النشره دي
يعني اخبار العالم في دقيقه هههههههه
بس انا بتخيل لو بجد اتعرضت على التلفزيون هههههه
ياااااااااااااااااه دحنا هنشوف بلاوي ههههه

ميرسي يوطوط للموضوع الخفيف
وللمراسل الاخف ده ههههههه

كانت معكم من داخل الاراضى الفلسطينيه
بنت عمى ربنا يخليهالى
شكرا يل جوجو على المرور