مين أصلح واحد لحكم مصر؟؟

بمناسبة الشائعات اللي انتشرت في كل أنحاء جمهوية مصر العربية
واللي مضمونها ان حسني مبارك مات اكلينيكيا يعني في غيبوبة
أو انه مات وانتهت أيامه خلاص

واللي طبعا انتشرت بين الشعب بفرحة ونشوة لم نعهدها من قبل

الكلام ده خلاني أسألكم السؤال ده
مين في رأيك أصلح واحد لحكم مصر بعد ماينتهي عهد مبارك ؟

في شخصيات كتير على الساحة أصلح بكتيييييييييييييييييييييييييييييييير من مبارك
بس مين في رأيك تتمناه يمسك حكم مصر ؟

انا مش ليا فى السياسة
بس اعتقد انى مطبخ الحكومة زى مابيقوله هيخلوا الحكم لابن الريس .

بص ياعمرو أذا كان قصدك الأشاعه القديمه ال من سنه تقريبا يبقى أنت قديم أوى وهو لسه ظاهر في القمه في الكويت وأذا كنت تقصد أن فيه أشاعه جديده طلعت يبقى أنت غلطان مفيش أشاعه ولا حاجه وخد بالك كلامك هذا كله ستحاسب عليه يوم القيامه

أما بالنسبه للموضوع أصلح واحد يحكم مصر هو السيد الرئيس محمد حسنى مبارك

وبعد مماته ربنا يستر علينا

شكرا ياعمووووور

عمرو موسى احسن واحد يحكم مصر حتى الرئيس لاحظ ان ممكن ياخد الحكم منه وعينه فى منصب ماينفعش يرشح نفسه فى الرئاسه

جمال مبارك احس واحد يحكم مصر

الموضوع رائع بمفهومة السياسيى مين أصلح واحد لحكم مصر
لكن موضوع الاشاعة دة موضوع قديم ياعمرو زى ماأشرف قالك
مين أصلح واحد يحكم مصر فى ناس كتير جدا تصلح للحكم بعد الريس بتاعنا بعد عمر طويل ان شاء الله ياعمرو لكن الحياة السياسية فى مصر أصبحت رخمة ولعبة قذرة فى أيدى بعض الذين
يستغلونها شر أستغلال من أجل مصالحهم الشخصية متناسين ظروف قاسية لشعب مهان على أرضة بدون أحتلال وكأنها أحتلال داخلى
كل هذا جعل تحديد من هو الاصلح لحكم مصر شىء صعب للغاية
جعل الشعب يرضى بواقعة المرير الى نعرفة أحسن من ألى مانعرفهوش
ويتخبط فى أسماء كثيرة على الساحة مابين جمال مبارك وعمرو موسى حتى طالعت صحيفة ذات يوم تقول أن شعبان عبدالرحيم ناوى يرشح نفسة لرئاسة الجمهورية
لكن عند أصعب الظروف ستعين بعد الاسماء وسيتم أختيار الاصلح من بينهم
اذا كان عمرو موسى هو الاصلح للباقتة وحكمتة وفطنتة وسياستة الخارجية الموطدة بحكم رئاستة لأمانة الجامعة العربية فمن الممكن
وأذا كان جمال مبارك فهو الابن الشرعى للرئاسة وهو تلميذ مدرسة الرئاسة حيث تتلمذ فيها على يد الرئيس مبارك
وأذا كان شعبان عبد الرحيم هو الاصلح لحكم مصر فهو المغنى المكوجى والذى ينتمى للطبقة المعدمة الى أحنا كلنا منها وطبعا الراجل غنى وقال أنا بكرة أسرائيل

شكرا يا جماعه على المرور الجميل
بس على فكره انا ماليش فى السياسه
علشان كده انا برشح عزت شيكا
يكون هو أحسن واحد لحكم مصر
على الأقل علشان هو قنوع

والله اصلح واحد لحكم مصر مرتضى منصور
ههههههههههههههههههههه

زائر

هههههههههههههههههههههه
يخرب عئلك انت وهو

اصلح واحد عبده كلينتون

» واحد بجح
» واحد بيدور على شغل*****
» واحد بلدياتنا
» واحد من الناس
» ملك قادر على عد كل شىء الا شىء واحد