الحياه الزوجيه و .........!!!!!

الحياه الزوجيه
حلم جميل بيحلم بيه كل شاب وكل فتاه
وكل واحد مننا بحلم ازاى هتكون حياته الزوجه مع شريكه حياته....!
انا من واقع السمع من تجارب الناس المتجوزين كتبت قصه قصيره عن الحياه الزوجيه
وعوزكم تلحظو الفروق حتى لو كانت صغيره فى بدايه الزوجه وبعد مرور فتره منه
وازاى الروتين والتكرار اللى فى الحياه
بيغير شكلها وطعمها...
(ملحوظه )
القصه دى الهدف منها الدعابه وبس مش لازم تكون هى دى الحقيقه بين كل الازواج لحسن حد يتعقد
ونكون احنا السبب ههههههههه

بتبداء القصه او الحياه الزوجيه بين اتنين بيحبو بعض (برعى ومللك)
بيجوزو عن حب وبعد خلاف بين الاهلين وبتبدا حياتهم
****اول يوم فى الحياه الزجيه****
*ملك : صباح الخير يا زوجى ياحبيبى
*برعى : صباح الورد يا حيات قلبى
*ملك : ثوانى والفطار يكون جاهز
*برعى
مسرعا :خدينى معاكى ياحبيبتى اسعدك فى تحضير الفطار

وبعد ما حضرو الفطار معا وكان عباره عن (عيش فاخر جدا جدا - كرواسون - مربات - جبن -عسل ابيض -وعصائر وفواكه ....الخ)

*ثم بداء برعى بالكلام : الواحد حاسس انه فى الجنه.. كل مالذذ وطاب وست الحسن والجمال
*ملك وهى مكسوفه : انت اجمل واحلى زوج فى الدنيا
*برعى : ربنا يخليكى ليا وافضل اسعدك طووووووول العمر

****وبعد مرور سته شهور من الزواج****

*ملك :صباح الخير يابرعى

*برعى :صباح الخير يا ملك
*ملك :دقايق والفطار يكون جاهز
*برعى : متتاخريش علشان الحق اروح الشغل

وجهز الفطار بعد شويه تاخير وكان عباره عن (عيش بلدى - مربى - وجبنه - وشاى)

*ثم بداءت ملك الكلام : متتاخرش علشان رايحين عند ماما النهارده
*برعى : هى ماما مش لسه كانت عندنا انبارح.!!؟
*ملك : قصدك ايه يعنى ؟؟؟ مش عاوز تشوف ماما !!
*برعى : لا طبعا @-:
*ملك : قولت ايه !؟؟
*برعى بيلحق نفسه بسرعه : لا طبعا ياحبيبتى ! نفسى اشوفها كل يوم وكل ساعه بس علشان متقولش اننا بنرد العزومه(-:
*ملك : لا متخفش ماما تفكيرها مش عبيط زيك.
*برعى : عبيط !!.... ربنا يكرمك ويديكى على قد نيه امك! امين
*ملك فى نرفزه : انت بتغلط فى ماما ... طيب ...طخ طيخ طوخ طيش تيك

***وطبعا تم تكسير جميع الاطباق الصينى والكوايات (كان اغلبها على الزوج طبعا)

****بعد مرور سنه من الزواج****

*برعى بيصحى ملك : اصحى .. اصحى انتى نومك بقى تقيل كده ليه؟؟ )-:
*بدأت ملك تستجيب : هووووووووف .. عاوز ايه!
*برعى : قومى حضرى الفطار ياله .. انا كده هتاخر على الشغل...
*ملك :ماتفطر فى الشغل ولا انت لازم تقرفنى كل يوم على الصبح كده
*برعى : انتى عارفه انى مبحبش افطر بره البيت
*ملك : مااتعود يا سيدى

***وبعد لح وزن ومحاولات قامت الزوجه بتحضير الفطار وكان عباره عن (عيش بايت - وفول)

*ملك : متنساش تسيبلى فلوس قبل متنزل
*برعى : ليه علشان ايه ؟؟.. انتى مش بتاشطينى اول كل اسبوع والنهارده الاتنين لسه؟؟؟؟
*ملك : اصلى رحت انبارح للكوافير واشتريت شويه حاجات كده من ايفون.
*برعى ساب الاكل : يعنى ايه الكلام ده ....!
*ملك : يعنى تطلع المحفظه وتسيب فلوس على الكمدينو وسيبنى بقى علان عاوزه انام...
*برعى : انتى معندكيش دم ؟ ومتحسيش باى مسئوليه خالص !!!!
*ملك : مش عاوزه اغلط فيك ! احترم نفسك احسنلك . ده اليوم ده باين له مش عيعدى على خير
*برعى :حرام عليكى يا مفتريه .. ده انا بلعن اليوم اللى شوفتك وشوفت وشيك فيه مش عاوز افضح علشان الناس اللى بتقرى
*ملك : يعنى انت اللى وشك قمر 14 !!؟ ده يارتنى سمعت كلام ماما واتجوزت طلعت ابن خالتى
*برعى : كتك نيله انتى وطلعت وامك فى يوم واحد ...!!!! طخ طيش طوش طيك تاا
وكانت علقه موت بس المرادى كان اغلبها على الزوجه وبكده تنتهى الحياه الزوجيه السعيده بين ملك وبرعى بالطلاق فى اقل من سنه ونص
ايه رايكم فى الكلام ده ياترى حد فينا هيبقى زى ملك وبرعى ولا هنتغير ........!!!!!

هههههههههههههههههه

لا جامد بس المواضيع دى بتاعتى يا لؤلؤه

بس تحسى ان ملك دى مفتريه وربنا وبرعى ده ملاك بغض النظر عن اسمو الرومانسى ده

اتنين بيحبو بعض (برعى ومللك)

يا شيخه الاسامى حته مش متناسقه
ههههههههههههههه
احنا هنكون اكتر من كده بشويه
ده الطبيعى
هههههههههههه
تسلم ايدك يا قمر

والله ملك مفتريه
هههههههههه

ههههههههههههههه بتاعتك ازاى يا بوب؟.؟؟ هو مكرر ولا ايه

يسلم مروركم

لالالالالالالالالالالالا

مش مكرر ولا حاجه
دى زى العسل وربنا

بس ده استيلى ف المواضيع مش اكتر

ههههههههههه شكلك زعلت

معلش بقى المره دى

ميرسى لمرورك

» لا تخلو الحياه الزوجيه من الطرائف
» الطـــــــــمـــــــــــــــوـح هو الحياه.......
» صدى الحياه
» حدث ذلك على مسرح الحياه
» علمتنى الحياه