لغز الورقه

موضوع: لغز الورقه الإثنين أغسطس 31, 2009 7:27 pm

كان فيه ست عجوزه على فراش الموت وما عندهاش إلا ولد واحد .... وهي على فراش الموت
قالت له وصية
خذ يابني الورقة دي ... وأي بنت تشوفها ( بأي مكان ) إفتح لها الورقة ( وخليها تقراها )
وياويلك (( إذا قريت اللي فيها )) أنت ما تشوفهاش
ماتفتحش الورقة .... إلا إذا حسيت ان نهايتك قربت ... وخلاص هتموت
قالها حاضر ....... وماتت الأم ====> الله يرحمها
حزن الولد حزن شديد ....
بعد مده ..... قال لازم أنفذ وصية أمي
طلع للشارع .... وبالصدفة وهو معدي من عند ( محل كافي شوب )
قال كويس ... انا هضرب لي فنجال اقهوة عشان أعدل الطاسة
دخل المطعم ........ طلب قهوة
جاله الجرسون طلع الجرسون( بنت ) ... وقدمت له القهوة
وهو بيشرب القهوة ... قال ليه ما أوريهاش الورقة ... فكرة والله
قام أخينا وفتح لها الورقة
البنت على طوووووول ... قعدت تصرخ
... يا زبالة ... ياحقير
ياقليل الأدب .... يا عديم الذمة يا عديم الضمير ... يا منحط ... ياسافل
الراجل .... (مستغرب)... مش عارف في ايه
جاء صاحب الكافي .... وطرده
المسكين اتخنق ... وحزت في نفسه
قال أكيد البنت دي مجنونة ... أكيد مش سليمه
طلع من الكافيه ... ومشي في الشارع ... وبالصدفة لقى ملاهي ... قال أما أدخل فيها
دخل الملاهي ...
راح إلى لعبة تصادم السيارات ====>يحبها من يوم ما كان صغير
مالقاش ولا سيارة فاضية .... شافته بنت ... قالت له .. تعالي إركب معايا
إتبسط ... فرح ... ركب معاها ... وقام يلعب
وهزار ... وضحك .. وشغل
وفي الآخر .... عزمته على آيس كريم .... إنهبل ...
راحوا يشتروا آيس كريم ... وقعد يتكلم معاها
قال أما أوريها الورقة ... أكيد تختلف عن البنت اللي في الكافيه ... فتح لها الورقة
البنت على طوووووول
يا زبالة..... ياحقير
ياقليل الأدب .... يا عديم الذمة يا عديم الضمير ... يا منحط ... ياسافل
المهم لعنت إلي خلفوه .. وطفش منها
الراجل ياعيني ..... مش عارف في ايه
ونفسه يقرأ اللي في الورقة ... لكن أمة ... محذراه
راح للبيت ... مر على مطعم ... قال ليه ما أتعشى
طلب عشاء ولااح البيت أكل وشبع
بالليل بطنه وجعته الظاهر جاتله ( زايدة )
طار للمستشفى ... عملوله عملية زايدة
ولما صحى من النوم ... شاف الممرضة قدامة ... قال أكيد دي تختلف عن الباقيات
هي هاترحمني ... أنا مريض ... وهاتعطف عليا
وقام أخينا ... ادالها الورقة
البنت على طوووووول
يا زبالة... ياحقير
ياقليل الأدب .... يا عديم الذمة يا عديم الضمير ... يا منحط ... ياسافل
الراجل انهبل ..... اتجنن .... قال أنا مش قاعد في البلد دي ..... دا كلهم مجانين
لازم اسافر بره البلد دي
حجز تذكرة على اول رحلة خارج البلد .... ركب الطيارة
وقعد في الكرسي ... جت المضيفة تخدمــه ====>بنت ...
جابت له العصير ... وقال هاوريها الورقة
أكيد البنات دول .. طبقتهم فوووووق ... لأن مستواهم عالي ... ومحترمين
فتح الورقة لها .......... والبنت على طوووووول مكدبتش خبر ومسمعاه الموشح
يا زبالة ... ياحقير
ياقليل الأدب .... يا عديم الذمة يا عديم الضمير ... يا منحط ... ياسافل
والله لأنادي لك السوبرفايزر ... أشتكيله منك
جاء السوبرفايزر ... وسمع القصة من المضيفة
قال ..... أبداً .... أبداً .... مش هاتقعد في الطياره ولا ثانيه ... أبداً
مافيش إلا حل واحد ........ مافيش غيره .... نرميك من عند باب الطيارة
الراجل انهبل وإنفقعت مرارته .... وبرضه مشعارف في ايه..... قال لهم إنتو مصرين ترموني من الباب
قالوله ايوة .. هنرميك من باب الطيارة
قال لازم أنفذ وصية أمي ...... طيب ... أنا عندي طلب ممكن ...... قالوا اتفضل
قال لهم ... وأنا واقف عند الباب .... قبل ما ترموني على الأرض .... عايز أقراً الورقة
لأن أمي قالتلي كذا وكذا ... وقالهم إن أمة وصيتها إنه مايقرأ الورقة ... إلا إذا هيموت
وهو أكيد هيموت لأنه هيقع من الطيارة
وهما رايحين يزقوه عشان يقع .... فتح الورقة ..... عشان يقراها
اول ما اتفتح باب الطيارة وخلاص هيعرف ايه الى فى الورقة

..
...
.....
.......
........
..........
............

راح جه شوية هوا مطيرين الورقة

[وحدهم المديرون لديهم صلاحيات معاينة هذا الرابط]

موضوع: رد: لغز الورقه الإثنين أغسطس 31, 2009 8:33 pm

ههههههههههههههههههههههه عرفاها

ومفيش شكرا كمان
علشان تتريأ عليا بموضوع اوصف اللي قبلك
رخامه ههههه

ماشى يا خفه وكمان مافيش نورتى الموضوع

هههههههههههههههههههههههه

انتم ناقر ونقير ههههههههههههه

اتعمل فيا المقلب قبل كده فكنت عارفه النهايه
هههههههههههههههههه
تسلم اايدك ياا جميل
يلا نعيش وناكل غيرهااا

أشطا يا جورى عادى بقى جوجو اخت صغننه اوى المهم انتى منوره على طول

على اساس ان جوجو حالة خاصه
المسكينة بيتشحد عليها هههههه
يعيني عليكي يجوجو
شفتي الايااام!!!!...
ربنا يرحم بئى
:,lk:

موضوع: رد: لغز الورقه الخميس سبتمبر 03, 2009 5:53 am

يرحم مين يا جوجو قصدك ايه على جورى ؟؟؟؟

موضوع: رد: لغز الورقه الخميس سبتمبر 03, 2009 6:25 am

رمضان كريم ياعمراوى

انا حشرت نفسى وخلاص ايه رأيكم بقه ؟؟؟؟؟؟

» الورقه اللي جننت البنات