بعد الكلام ده ترضي تساعد زوجتك في شغل البيت

-

بصراااااحه قرات الكلام ده في جريده -- المصري اليوم -- في مقاال عن العنوسه -

-
والفتاه التي كتبت الكلام ده --معيده في كليه الاقتصاد والعلوم السياااسيه 0-

-
وعايز منكم بعد قرااءه كلام الفتاه -- أن تقوموا بالتعليق عليه -- لاني --شخصيا --حااسس ان معاها حق-

-
ويااريت البنات والشبااب يناقشوا الموضوع بصرااحه لاني أعتقد ان مشكله العنوسه -

-

صاااارت مشكله في أغلب المجتمعاات العربيه -

-
وأليكم كلاام الفتااه -- والذي أحسست انه --خااارج من قلبهاا --بالفعل -

-
-
-

-
(( المشكله موجوده أيضا عند الشباب وليست عند الفتيات فقط مع انهم هما اصحاب المشكله بالاساس. ، . يعني انا مش عارفه ليه المقال متكلمش على ظاهرة العنوسه دي عند الشباب. نسبة الشباب فوق الثلاثين اكبر بكتير من الفتيات ، ولكن نعمل ايه في مجتمعنا الشرقي، مصصم ينظر للراجل نظره مختلفه تماما عن المراه. الراجل يفضل راجل ومليون بنت تتمناه حتى والله لو وصل للخمسين. وكل ده عشان ايه، عشان الراجل مش مسئول عن عملية الانجاب ، بخلاف المراه اللي معدل خصوبتها بيبدأ في النازل اول ما تتخطى الثلاثين. نقطه تانية، نظرة الراجل لعمل المراه. الراجل مش قادر ينسى ان وظيفة الست الاساسيه والاولي هي خدمته وانجاب الاولاد وخدمتهم. عايزه تشتغل هي حره، بس من غير مايكون ده على حساب شغل البيت. الست دي المفروض انها مخلوق تاني غير الراجل، مخلوقه من طوب وزلط وحديد، تخرج بره تشتغل وتحقق ذاتها زي ما هي عايزه، وبعدان تجري اوام على البيت عشان تشتري طلبات البيت و تغسل وتطبخ وتكوي وتشوف العيال وتذاكرلهم ، وبعد كل ده، المفروض انها تكون اخر اليوم على سنجة عشره وميبنش عليها أي نوع من الارهاق او التعب لسمح الله عشان جوزها ميتخنقش منها ويروح يدور على متعته بره. والله الراجل ما اجبرهاش، هي اللي تعبه نفسها، ماهو قلها اقعدي في البيت واتستتي ، هي اللي عماله تقول كلام غريب ، احقق ذاتي وكلام غريب كدا منعرفش جابته منيين . ماشي انا موافقه، بس ارجوكم حرام عليكم. متعلموناش، متخلوناش نروح المدارس، ونطلع الاوائل وندخل كليات القمه ونتفوق ونتعين معيدين. انا بقول لكل اب وكل ام، حرام عليكم اللي بتعملوه في بناتكم، حطلهم كل العقبات في الطريق عشان مينجحوش ، عشان الراجل يفضل هو سيد السيد، الامر الناهي، وتفضل الست خدامه ليه وهي راضيه ، لانه ولي نعمتها. انا عايزه بس افكر كل راجل بالحديث ده : تقول السيده عائشه رضي الله عنها : عن النبي صلى الله وعليه وسلم" كان في مهنة اهله، كان يخيط ثوبه ويخصف نعله ويرقع دلوه ويفلي ثوبه- يرفع الاوساخ الظاهره من ثوبه- ويحلب شاته ويخدم نفسه ويصنع ما يصنعه الرجال في بيوتهم، فاذا حضرة الصلاه قام الى الصلاه". والله الاسلام مظلمناش. الست في الاسلام شاركت الراجل في كل الاعمال خارج المنزل ، باسثنا الجهاد وان كانت بتعينه في بعض الاحيان ومن لا يعرف يقرأ في قصص الصحابيات، وفي المقابل الراجل شارك الست في اعمال المنزل من غير ما يحس بالانفه او العيب زي ما كتير من الرجاله بيقولوا دلوقت. مش عارفه، ايه المشكله ، لما الراجل يحط ايده في ايد زوجته ويديها فرصتها انها تحس بادميتها في عملها بره البيت، وفي الاخر ده برده مورد دخل اضافي، بيتهم وعيالهم اولي بيه، وفي المقابل هو يكون عنده رحمة بانها مخلوق ضعيف جسمانيا، ويساعدها في شغل البيت. بالذمه مش يزيد الحب والالفه بينهم ويعيشوا حياه كلها موده وحب ورحمة. ))-

-
-

-
بانتظااار ردودكم لنعرف هل فعلا الافضل للفتاه ان تنسي التعليم من أسااسه لتزداد فرصتها في الزواج -

-
وهل --- من العيب ومن المخجل -- ان يسااعد الرجل زوجته في اعماال المنزل -

-
يااااااااا ريت الكل يتكلم بصراااحه --- وشكرا

عينيا وجعتنى يا رومانسى نسق الموضوع واعمل مسافاااااات

الف سلامه يالؤلؤه
منوره الموضوع ياجميل

الف سلامه لؤلؤه
منوره الموضوع ياجميل

» بــعض الكلام
» هو ده الكلام
» كيف تتخلص من الكلام السلبي مع الآخرين؟
» نفسى اربى أسد فى البيت
» ايه الكلام الفاضي ده ؟