الحياة مع حبيب ضيفة الحلقة بلاك بيرل

اها فهمت يا سمسمه حاضر هجاوب عليه تانى

هههههههههههههههههه عادى يا حبيب ماتخفش نفسى طويل جداااااااااااا دونت ورى


قولي كلمه للاشخااص دوول:-**كلمه واحده**
انغام عاشقه الصمت
وعد ربنا يوفقك يارب
لمسه طيوبه
جوجو نجمه المنتدى
نونا روشه طحن
خيري حزين
بوب طرف التحدى
زيزو اخ جدع
الماستر اد المسئوليه
الرمانسي نشيط
حبيب ربنا يرزقك ببنت الحلال يارب

1- لو قولتلك اتمنى امنيه دلوقتى حالاا هتتمنى ايه ؟؟؟
انى اشوف اخواتى

2- ازاى اتعرفتى على خطيبك ؟؟؟
اخو صديقتى

3-لو خطيبك طالب منك تبعدى عن انتيمه ليكى وعماله تكلميه وتساليه عن السبب
مش بيقولك ومش عارفه تقنعيه هتعملى ايه ؟؟
هفسخ الخطوبه عشان لو هو عمل كده ف حاجه صغيره اكيد هيفضل كده فى كل حاجه والطبع مش بيتغير مهما كان


4-نفسك فكام طفل او طفله واسميهم ؟؟؟

ولدين وبنت

معاذ

ملك
مالك


5- لو الايام رجعت بيكى تانى ايه هتغيره فى حياتك ؟؟
مش هغير حاجه لان انا بحب حياتى ومش بندم عن اى حاجه مريت بيها



6- انت بتقولى بتحبى تخدى حقك طيب لو معرفتش تخدى حقك من اى حد
بتعملى ايه ؟؟
لو معرفتش اخده بحتسب عند ربنا


7- بتميلى لاعده البيت ولا الخروج ؟؟
بحب الخروج بحب امشي فى وسط الناس بصراحه بس مش فى اى وقت


8-اكتر حد بتحبى تتكلمى معه لماا تكونى زعلانه ؟؟
احمد اخويا

9-هل كرهتى احد فى حياتى ؟؟
مش بعرف اكره بس بيبقى احساسى احساس انتقام

10- عندم تشعرى انك اسائتى فى حق احد او غلطى هل تعتزرى ام تحتفظى بالصمت ؟؟
زى ما بحب لنفسى احب لغيرى

11- هتعملى ايه لبيت علشان تخلى اجمل بيت ؟؟؟

اشوف ايه اللى جوزى بيحبه ويسعده واعملهوله مش اللى انا بحبه اعمله لا اللى هو بيحبه

فى انتظار الباقى

هل
تجيدين الطبخ؟


اها



ألديكِ نظريات
شخصية حول تربية الأولاد ؟

اه بحب النشأه الدينيه ومش بحب الاسلوب العنيف فى التربيه

هل تهتمين
بمكياجك عند الخروج من البيت ؟
لا الحمدلله

اعرف انك تحبين والديك لكن من تحبين اكثر اباك ام امك ؟ ؟
والله مش بيمز بينهم والاتنين بحبهم اد بعض بس انا احيانا بميل لبابا اكتر

أتحبين الكلام مع صديقاتك عن مغامراتك الغرامية ؟
مش لما يكون فى مغامرات غراميه اصلا ابقى اتكلم عنها

أتهتمين كثيراً برأي الآخرين ؟
مش كل الناس القريبين منى بس يعنى بابا وماما واخواتى وصحباتى المقربين اوى ليا وخطيبى بعد كده ان شاءالله


هل يزعجك احد بالمنتديات ؟

لا اللى بيخنقنى بخنقه


. أتحبين السفر دون
مرافق من اهلك؟
لا بالعكس بحب اسافر اوى معاهم وخصوصا اخواتى


. اكتبي 3 صفات
[b]لعريس المستقبل

متدين
محترم
حنين


معلش يازيزو مش كنت شوفتهم ياباشا وسورى عل التاخير بقى

اهلا بوب ازيك ايه الغيبه دى منور من تانى المنتدى

لا ميرسى انا فعلا مش بحب الشاى

مش عارف من زمان مش من ناو وانا بحس ف كلامك بجرح ؟ (يارب تكون غلطان يا بوب)
أقصد جرح عاطفى يعنى ؟صح ولا ايه ؟؟بس بصراحا

لالالا مش جرح والله بس تقدر تقول اني لما حبيت الانسان ما قدرش الحب فكنت ديما مستغربه ليه مفيش تقدير للحب ده بس بجد الموضوع ده انا قفلته ولحد دلوقتى مش محتفظه باى ذكرى منه حلوه او وحشه ومفيش جرح فى قلبى كمان عشان قدرت اجرح الانسان ده وجرح جامد كمان وده اللى خلانى اقوى اكتر



بعد المنتدى اكيد اتكونت عندك فكره عن العمار دى ايه انطباعك عنها؟ وعن اهلها؟
اه طبعا عرفت فكره عنها كبيره اوى مع انى مش زرتها بس اتصاحبت على بنات كتير منها وقدرت اعرف تقريبا كل حاجه عن عاداتها
يعنى البلد بحس ان روحها حلوه وكمان اهلها طيبين بس اللى مش عجبنى ان ليهم عادات لسه محتفظين بيها مش بتتغير وكتر الكلام برده اه حاجه جميله ان كل الناس تبقي ايد واحده ويساندوا بعض فى كل المواقف بس الناس حسيت ان هما متربصين للى بيحصل دى عملت ودى سوت واقل حاجه بتحصل بتتنشر بسرعه البرق ودى اكتر حاجه تضايق بحس ان مفيهاش خصوصيه


لو حد اتقدملك من البلد العجيبه دى ممكن توفقى بغض النظر عن خطوبتك ؟ ربنا يديمها ياااااااارب
لو كانت فيه الصفات اللى انا حباها اه عادى عمر البلد ما بتكون عيب للانسان

تسلم يارب



أكيد كل واحد مننا لما بيعمل غلط او حاجه هو مش راضى عنها بيحس بالذنب وانه مش طايق نفسه
حسيتى الاحساس ده قبل كدا؟يكتفى بذكر ثلاثة مواقف
لا الحمدلله انا مش بعمل حاجه مش برضى فيها على نفسى اى حاجه بعملها بتبقى بارادتى وبرضايا وخصوصا ان انا واخويا اصحاب جدا مش بخبى حاجه عليه مهما كانت بغض النظر عن ماما وبابا بستشيره فى كل حاجه وباخد رايه بكل شىء عشان كده مش بحس انى بعمل حاجه غلط

بتحبى خطيبك ؟؟ولا خطوبة والسلااااااااام..السلام السلام السلام ..اكتوبر ..عتبه عتبه عتبه

لا مش خطوبه والسلام انا مش من النوع اللى ممكن اتجوز انسان او اتخطبله عادى بقى اهي جوازه والسلام وكله محصل بعضه لازم الاول اشوف شخصيته بتناسبنى والصفات اللى انا عايزاها ولا لا وبجد العلاقه بنا مش متوقفه على الحب بس لا حب واحترام وتوافق فكرى وتبادل الراى الحمدلله


مين الحد اللى بتنسى كرامتك وانتى معاه؟ومين الحد اللى تخافى ينساكى؟ومين الحد اللى مش هتعرفى زيه تانى؟؟

استحاله انسى كرامتى حتى لو كان خطيبى شخصيا لو عمل حاجه تمس كرامتى مايلزمنيش لان ديما بحس ان كرامتى دى تاج على راسى استحاله اتنازل عنه عشان اى حد ولا حتى اهلى كمان لما حد بيهنى او يجرحنى منهم استحاله اتنازل عن كرامتى مهما كان رد فعل اللى قدامى


الحد اللى بيخاف ينسانى مش ينسانى بمعنى الكلمه بخاف يقل اهتمامه بيا خطيبى
اللى مش هعرف زيه تانى اللى حبيته عشان مقدرنيش استحاله اعرف حد زيه تانى
والحد الكويس اللى استحاله الاقى زيه تانى كتير عمى الله يرحمه
احمد اخويا صحبتى الانتيم وخطيبى مش بلاقى زى طبعهم كتير


ايه انطباعك عنى؟؟؟بس بصراحا زى ماعودتينا عشان مش اسحل بقى واعيط
لالالا ما تعيطش
بصراحه فى الاول مش كنت بحب وجودك بالمنتدى بسبب طريقتك الغريبه فى الكلام واسلوبك حسيته غريب اوى وكنت بضايق جدااااااا بحس انك كنت مستفز

بس بعد كده بجد بعتبر وجودك بالمنتدى حاجه جميله
انسان مرح طيب بحس انك مجروح بس بدارى حزنك وجرحك
بتحب البساطه فى المعامله بتمنالك التوفيق


ميرسى يا بوب علي الحوار معاك ديما منور المنتدى

ممكن توصفى لينا اية هو الظلم

وهل انتى انظلمتى قبل كدة


من وجهه نظرى انا الظلم ده ابشع حاجه فى الكون كله انك تعمل اللي عليك وفي الاخر مش تلاقى نتيجه لتعبك او حد ياخد مكانك او انت تكون بتتصرف بحسن نيه وطيبه واللى قدامك يفهمك غلط او يترجم تصرفك ده على اساس وحش ويبصله من الناحيه الوحشه بس


امممممم ممكن اكون ما اتظلمتش اوى بس انا حسيت بالظلم السنه دى فى النتيجه بتاعتى لما ظهرت كان فى ماده القانون بالانجليزى كنت خارجه من الامتحان متاكده مليون الميه انى اجيب امتياز والاخر لقيت الدكتور مدينى مقبول فيها بصراحه اتعكننت اوى بس بعد كده لقيت الدفعه كلها جايبه فى الماده مقبول واللى شايلها يعنى شوفوا الظلم وصل لحد فين ان الدكتور عشان اللى مش يشترى كتاب او يحول من انجليزى لفرنساوى يبوظ تقدير الدفعه

يلا حسبي الله ونعم الوكيل

ميرسي ياحبيب علي السؤال حد عنده اسئله تانيه يا جماعه

ميرسي يا حبيب