هنعمل ايه فى الاجازه

السلام عليكم ورحمه الله وبركاته

ازيكم جميعا يارب تكونوا كويسيين
انا عارفه انه فيه كتير من اعضاء المنتدى بيدرسوا ولسه فى كليات وطبعا كلنا اخدنا الاجازه
بس احنا عايزيين نستغل الاجازه دى فى حاجه مفيده كل واحد يدور على اكبر قدر ممكن من الاستفاده فيها .
واكيد كل واحد حاطت فى دماغه خطه بالحاجات اللى ناوى يعملها فى الاجازه وعارف ازاى يستغلها .
ولا انا غلطانه والكل عايز بس ينام ويتفرج على التليفزيون ويخرج مع اصحابه وخلاص .
احنا لسه شباب وهنتسال عن وقتنا بنضيعه فى ايه بعد ما نموت على طول
فياريت اعرف منكم كل واحد ناوى يستغل الاجازه دى ازاى
اهى تبقى استفاده لينا كلنا يمكن نلاقى حاجه كويسه نقلدها
فى انتظار مشاركتكم

طيب معنى كده ان مافيش حد ناوى يعمل اى حاجه
طيب انا هقول هعمل ايه ان شاء الله وكله عند الله بقى
1_ بدات الحمد لله اراجع على حفظ القرآن تانى مجود وياريت اللى مش حافظ القرآن يستغل الوقت الكتير اللى عندنا ده ويحفظ ولو القليل اكيد ربنا هيبارك له فيه
2_ ناويه ان شاء الله ادرس لغه جديده غير الانجليزى لكن لسه بدور على مركز يكون كويس اعرف ادرس اللغه دى فيه فبلاش تدرسوا لغه جديده ايه رايكم ناكد على القديمه
3_ انا طبعا عضوه فى الرساله واكيد بتابع نشاطاتى فيها فياريت اللى ليه فى الاعمال الخيريه ياريت يتطوع فى اى نشاط خيرى اكيد هياخد ثواب كبير وهيشوف حاجات ماشفهاش قبل كده
4- باخد كورس لتعليم الخياطه والتفصيل برضه فى الرساله وطبعا لما الواحد بيتعلم مهاره او حرفه جديده اكيد بيبقى سيد جدا
5_ وطبعا ان شاء الله هنسافر علشان نغير جو ونصيف قبل السفر للعمره
6-دى بقى ملحوظه للى ما اخدوش ICDL فيه منحه معموله تبع وزاره الاتصالات كويسه جدا وببلاش والشهاده بتكون موثقه من اليونسكو ومن الخارجيه ومن وزاره الاتصالات والتسجيل بيكون على النت وبتحجزوا لاقرب مكان او سنتر عندكم علشان تاخدوا فيه الكورس ده
شكرا وياريت ما اكونش اطلت وانا اكيد استفدت من مشارعكم بتاعه الاجازه فياريت تكونوا استفدتم من مشاريعى البسيطه دى

جمعيه الرساله بس مش لازم الجمعيه دى بعينها فيه جمعيات خيريه كتير ممكن الواحد يتطوع فيها
جزاكم الله خيرا

الله ينور عليكى يالوجين بس سؤال انتى بتقولى الكلام ده لمين

اه عرفت

ماشي

ربنا يبارك فيكى يارب وربنا يسمع منك والكل يبدأ

شكرا لمروركم كلكم ويارب محدش يكون فهمنى غلط ولا زعل منى
هو انا ليه بتفهم غلط فى المنتدى ده ؟ مش عارفه
احنا بنحاول نفيد بعض مش اكثر ولا اقل
لموسه قالت لو عندك حاجه قوليلنا علشان الاعده ممله وانا قلت بحسن نيه بس كان لازم فعلا ما اقولش انا هعمل كذا وكذا كان ممكن اقولها على شكل اقتراحات
علشان لو فيه حد ما بيعملش حاجه يبقى استفاد وانا قلت انى استفدت من اقتراحتكم جدا
وربنا اعلم بنيتى ما كنتش اقصد فانا بتاسف جدا جدا جدا واستغفر الله العظيم ان كان دخل قلبى اى رياء وانا بقول الكلام ده .
اللهم لاتؤاخذنى بما يقولون واغفر لى مالا يعلمون واجعلنى عندك احسن مما يظنون فانك تعلم وهم لا يعلمون

محدش فاهمك غلط ولا حاجه بس يارب يهدينا كلنا