نكتة السنة .. من افواه الحكومة

نكتة وجت لحد بيتنا وفي منتدانا
ههههههه
لاء هيا بصراحة نكتة عاملة

بعد صلاة المغرب كنت فتحت التلفزيون وحظي الفناة طلعت المحور
ابن الدمرداش
معتز اه
فسبته يتكلم وانا باكل المهم
قال علي نكتة حلوة اوي
الحكومة قررت ترجع التوقيت الشتوي في رمضان
وبعد رمضان يرجعوا تاني بالتوقيت الصيفي الحالي

يعني المغرب دلوقت 8
يخلوه في رمضان 7
ويرجع 8 تاني بعد رمضان

ولسه انا بضحك علي الـــ "مسخرة " دي جاب تقرير بيعرض فيه شريحة من الناس في الشارع المصري عن رأيهم

طبعا اغلب الناس ان لم اقل كلها
قالت في لخبطة
وتخبط قرارت الحكومة
وايه الهبل اللي بيعملوه ده
و "في لخفنه " في الموضوع
ومدام الدكتور احمد نظيف عايز كده يبقي لازم نمشي بكلامه

المهم اللي قلت والله ليك حق منهم اللي قال المفروض يرجعوا للدين هيا كده قرارات من نفسهم علي مزاجهم
فين كلمة المفتي ؟
خدوا كلمته ؟
وانا اخشي ان المفتي يكون موالي للسلطة
تبقي المصيبة


نرجع تاني لفكرة التوقيت دي
كم سنة مرت عليا وانا كل مرة ازجر تغيير ساعتي وساعه الموبايل عشان انا من انصار معارضة تغيير التوقيت ده
لان ده بدعة من اهواء الكسالي

واخرهم السنة دي قعدت ايام
وانا ماشي بساعتي
وصاحي ليه بدري يا احمد ولكني غيرتها لاني خشيت المواعيد تضرب
وكنا داخلين علي الامتحانات

المهم ..لحد امتي هتننا بالعقول التافهه
بدل ما يصدروا قرارات زي دي ما يصدروا قرار صائب وقيم لترشيد استخدام الكهرباء مثلا اللي بيشتكوا منها
او ازمة المياة اللي داخلين عليها باذن الله
دي هتبقي الحرب المستقبلية
مفكروش يصدروا قرارات لترشيد استخدام الكهرباء والمياه ليه افضل
ما اصدروش قرارات عامة علي مستوي الجمهورية بغرامة مالية شديدة علي القاء القمامة والتدخين

ههههههه
بعد اذن اي حد بيدخن هنا
فيه فعلا هزل في ادارة الحكومة اللي هيا اسمها السلطة التنفيذية
والتنفيذ ديما ملزم بيه الجد والثقة والاجتهاد

بصراحة املي قبل الحكومة دي ما تطلع


يعملوا متش كوره في الاستاد
يكون الفريقين وزراء الحكومة

ونخلي احمد نظيف هو الحكم عشان ده اللي هيعرف يهدي ما بينهم
مش عايزين حكام اجانب ده احنا عندنا الاصل
عندنا اصل القرارات فعلا يا ولاد

ع الاصل دور
شفتوا قد ايه النظام بيحبنا وخلي الاصل
تبقي حكومة بلدنا

لدرجة اننا مش قادرين نودي جمايلهم علينا فين
حتي الساعه بقي فيها خلف خلاف

شتوي وصيفي .. وكلام فارغ

ههههههههههه
اهى تغيير الساعه دى تثبتلك ان مصر البلد الوحيد اللى ليها خصوصيه زى ما بيقولوا لدرجه اننا بنتحكم بالزمن شفت ده قبل كده فى اى دوله هههههههههههه
يا احمد احب ابشرك اننا هنفضل متخلفين كده على طول مادام فيه ناس مسؤله بالعقليه دى
انا مش عارفه ايه فايده تغيير الساعه دى دا احنا البلد الوحيده احنا واسرائيل اللى بنعمل العمله دى
قال ايه بيغيروها فى رمضان علشان يوفروا ساعه فى الكهربا ولو حسبوها هيلاقوا ان تفكيرهم غلط لان الناس ما بتنامش فى الصيف وكمان الصيف جاى فيه رمضان يعنى هى هى
لو كان فى الشتا قلنا ماشى اهى مفهومه لكن فى الصيف ولا ليها اى لازمه
تسلم الايادى

اهههههههه
بس ليه بتقولي كده
مصر فيها امل
مرة من اسبوعين كنت ماشي مع صاحبي ع الكورنيش بليل .. وكنا بنتكلم في اسفاف الافلام وفكرة العولمة
قلت له متخفش لسه فيه امل في بلدنا دي
طول ما في قران يبقي فيه امل في البلد دي

صح والله
نظام التغطية دي معروف ومشهور جدا
مع الحكومة دي بالذات

اقتباس :

صح والله
نظام التغطية دي معروف ومشهور جدا
مع الحكومة دي بالذات

هههههههههههههههههههههههههههههههههههه

سبحان الله


أنا قرأت الكلام ال مكتوب كله ومع أحترامى للجميع واضح انكم مش فاهمين حاجه

اقتباس :

الحكومة قررت ترجع التوقيت الشتوي في رمضان
وبعد رمضان يرجعوا تاني بالتوقيت الصيفي الحالي

ايه المشكله في كده مش فاهم ، التوقيت الطبيعى بتاعنا هو التوقيت الشتوى والحكومه بتغيره لسبب هقولك عليه في تكملت الرد وبترجعه في شهر رمضان لان ده القانون ، قانون تغيير التوقيت بيقول ان لابد من الرجوع للأصل في شهر رمضان ال هو التوقيت الشتوى

نكمل

اقتباس :

عشان انا من انصار معارضة تغيير التوقيت ده
لان ده بدعة من اهواء الكسالي

براحتك تبقى معارض ولا لاء بس دى مش بدعه لان الحكومه ليه وجهه نظر كل رجال الصناعه والتجاره بيأيدوها ولو انت عرفت السبب الحقيقي ممكن تأيدها

اقتباس :

المهم ..لحد امتي هتننا بالعقول التافهه
بدل ما يصدروا قرارات زي دي ما يصدروا قرار صائب وقيم لترشيد استخدام الكهرباء مثلا اللي بيشتكوا منها
او ازمة المياة اللي داخلين عليها باذن الله

مين قالك أنهم معملوش كده فيه قرار نزل عندنا في العمار تخيل وصل للقري فما بالك بالمدن بالغرامه الفوريه للناس ال بيرشوا مياه في الطرق وفيه حمله علشان الناس ال تشوف حد بيهدر في المياه تبلغ عنه لينال جزاءه

وبالسبه للكهرباء مشكلتك أنك بالصدفه فتحت التليفزيون لقيت المحور بالصدفه وتابعت برضه بالصدفه وده لان الحكومه بتسعى جاهده بقالها فتره في توفير ملايين الجنيهات من وراء الكهرباء عاملوا قبل كده ساعه على مستوى الجمهوريه يتم قطع الكهرباء فيها وقالوا ان ده هيوفر 10 ملايين جنيها ولحد الوقتى بيسعوا لترشيد استهلاك الكهرباء لكن حضرتك اصلا مش متابع وبتتكلم وخلاص

طبعا فيه كلام في الأخر غريب زى الموضوع ال نصف جد ونصف هزار

هقولك لحضرتك بقى السبب الحقيقى لتغيير الساعه وهقولك على رأى ناس فعلا تغيير الساعه مقصر معاهم مش زى ناس موراهاش حاجه ومعتز قالهم 10 جنيه وقول كذا واشتموا في الحكومه ال هو مأجور منها

طبعا توقيتنا الطبيعى هو التوقيت الشتوى معنى كده أن فيه ساعه الصبح مهدره فالحكومه بتستغل الصيف في الساعه دى فعملت التوقيت الصيفى علشان الناس بدل ما يبدأو شغلهم 8 يبدأو 7 ويكونوا في نشاطهم العادى زى ما يكون الساعه 8 وبتكون بالفعل الساعه 8 والكل أقتنع بكده

أنا أخويا في الكويت بالصدفه وأحنا بنتكلم من يومين بيقولى الشئ الوحيد الكويس في مصر هو تغيير التوقيت وكمان مظبوط في توقيت صح أنا بشعر بملل هنا لان التوقيت واحد لا يتغير بحس ان الحياه تافهه وممله ومبحسش أنى أقدر أبدع في شغلى بسبب السيناريو المعتاد للسنوات كلها

اقتباس :

قال ايه بيغيروها فى رمضان علشان يوفروا ساعه فى الكهربا

هما بيغيروها في رمضان علشان القانون بيقول كده مش علشان الكهرباء ولا غيره

طبعا أنا مش مع الحكومه ومش بدافع عنها بس هو ده ال أنا متابعه

وكمان مش مع الشله ال قالوا هنتفق على مرشح واحد وجابوا واحد رافض حتى يقعد في مصر للأنتخابات لاء هيعيش في بلده أمريكا ويرجع ايام الأنتخابات علشان ميقدرش يعيش في القذاره دى وبعدين هما مفضوحين سواء ال واخدين الدين ساتر لهم أو الناس الفاشله ال أى حد بيشتريها بقرشين أو الناس ال بيقولوا لاء على الفاضى المهم يقولوا لاء وخلاص

وكمان احنا عايزين رئيس هنعمل ايه برئيس الطاقه الذريه هيرأسنا ازاى ده خليه يقعد في أمريكا وخلاص جاي يقرفنا ليه

طبعا كلامى مش عاجب حد وبكره هلاقى الموضوع مليان اعتراضات من الناس كلها انت ازاى بتقول كده بس انا مبعرفش اقول غير الصراحه مبعرفش أطبل زى ناس كتير بتطبل في اى مكان ويدخلوا المواضيع يطبلوا فيها معاهم معاهم عليهم عليهم

مع تحياتى
mourinho

قانون ايه يا استاذنا
ومن ابتدع من الاصل فكرة التوقيت الصيفي؟
انا لست هنا معترض فقط علي فكرة النكتة بسبب التغيير ثم الرجوع بعض رمضان لا
انا ذكرت تلك النكتة علي سبيل المثال لا الحصر من الاثار المخيبة والسيئة والنتائج الغير مجدية اذاء تغيير التوقيت الاساسي
توقيتنا الشتوي ان جاز التعبير
اذا ادركنا ان التغيير او التوقيت الشتوي والصيفي ..سنة من سنن الخالق في الحياة ..فلطبقت في جميع انحاء العالم
بل اريدك ان تذكر لنا العالم الطموح الذي اودي بنا لهذا التوقيت العجيب
بل اريد ان اعرف في اي نوع اتي عرف هذا القانون وباي مادة ؟

اما اذا اردت ذكر مشكلة المياة فيا ويلتي اذا ارضيت الحكومة في مدينتي وهي التي بها ايضا محطة لتنقية وترشيح المياة بل اسكن بالقرب منها
وفي الحقيقة اذا تركت المياة ..لمدة ربع الساعه ..ستسكبها مرة اخري
وهذا برأيي اعقد مما كانت اتت المياة من الاصل
وبالقرب من مدينتي لكثير من القري يها انقطاع مفرط وانعزال تام عن ضروريات الحياة
كالمياة مياة الشرب والصرف الصحي والكهرباء والاتصالات
القري جنبنا ايضا ماشية بالموبايلات .. الهواتف الارضية فين ؟

اما مشكلة الكهرباء ..فهذه كارثة حقيقة اذا تحدثنا فيها
بيرشدوها عنا بالقطع
كل يوم جمعه بيقطعوها هنا في طنطا قبل صلاة الجمعة ولمدة ليست بالقصيرة بل تقطع علي فترات كل ايام متقاربة

وانا لست يا سيدي من انصار الدمرداش بل اني لا اقترف من كل هؤلاء الذين يقال عنهم اعلاميا اجلالا ولا ثناءا
بل علي العكس لاني اسخر من رؤيتهم وفي ذلك لاثم لي لان من السخرية ما احاسب عليه امام ربي
يا ايها الذين امنوا لا يسخر قوم من قوم

وغريبا ان اقرأ تلك السطور ..موجهه لي وانا لا اكتب موضوعا الا وانا شاهد عيان علي كوارثه ومآسيه وعندي من الادلة عشرات ومئات
ولكن قل لي ..وان صدقت في التعبير فالله الموفق لي ولك ..لو كان التوقييت الصيفي وانا اصر علي انه بدعة لانه لم يكن موجودا علي الاقل منذ مئة عام ان لم اقل منذ ايام الرسول
لما لم يتم التعامل به في جميع انحاء العالم
وانت تدرك اننا بلد نامية ولهناك العديد من الدول المتقدمة فان كانت تلك الساعه تسبب فاقدا يوميا كبيرا في الاستغلال الكهربائي فلما لم يتم التعامل به
اني لاعود معك لوطني العزيز حيث اري ترشيد استخدام الكهرباء في قطعها عنا او سرقة الخطوط الموصلة بل وتعمد ذلك من الشبكات الرئيسية والاعمدة بالشارع
حتي اعمدة الانارة اصبح من السهل التلاعب فيها
وان كان اخيك قد عاد والف سلامة علي وصله من الكويت فلما لم يحدثنا علي كل العوائد والفوائد من فكرة التوقيت
مع ان التوقيت الواحد لهو سنة الله في الحياة .. فالزمن برئ من هذا وذاك التقديم والتأخير
فهذا اللعب لا القانون امر يحاسب عليه القائمين به ..
..وهل الزمن لعبة حتي تقدمه علي اهوائك ومصلحتك الشخصية او حتي العامة ؟
ومن ثم التلاعب في تواقيت الصلاة ؟
لقد كان ذكري للموضوع جاد رغم لهجتي العامية الممزوجة بالسخرية الساذجة
وان لم تكن قد فهمت الرسالة فيكفيني مع نقاشك هذا السؤال ؟
وان كان كل شئ يصبو علي ما يرام من "قانون " التوقيت
فاين لنا من رأي الدين في ذلك الامر
وهو الاول والاولي دوما في كل شئ وفي كل موضوع

ثم ما دخل البرادعي بحوارنا وموضوعنا
ارجو ان نتمهل لذلك الجانب المنفصل في موضوع اخر جديد حتي تتم فيه المناقشة بوضوح وبيسر حتي لا تتخالط ردود الاخرين به مع موضوعنا الرئيسي
انا لست اتهكم علي شخصك
اعوذ بالله من هذا
ولكني اريدك كما احببت قولك انك تحب الصراحة مثلي ومثل الجميع
ان تنتظر حتي تتبين لك احوال الاخرين الذين بجانبك ان كانت العمار علي ما يرام
واقولها بالعامي ..اذا كانت طنطا حالتها لا تسر عدو ولا حبيب وهيا مدينة امال بقي في القري فيه ايه
وانا زرت ايضا العمار ..ووجدت الشوارع الملتفة وغالبها الغير ممهد واللا مرصوف
بالاضافة لازمة المواصلات بها
تذكر انك اوردت لي مشكلة الكهرباء وكنت في العمار حتي الحادية عشر مساءا .. وكأني في شبح يطغي علي بعض الاماكن فيها من شيئين انقطاع الكهرباء عن بعض الاعمدة .. وعدم وجود تلك الاعمدة من الاساس

أنت لسه صغير لسه بدرى عليك ربنا يحميك

وبالنسبه لكلامك رد واحد عليه

لا تعليق

اهههههه
انا اللي اعرفه لما يكون واحد متحمس للحكومة ده من حقه
بس مش من حقه يطلع كل اللي هنا ما بيفهموش حاجه
ولو كنت قدرت ترد علي كلامي فكنت لقيت رد مقنع
بدل كلامك اللي فيه شئ من الهروب

واذا كنت انت الصحيح بيننا ومتعمد اصرارك علي انك الصح وكلنا الغلط
ربنا يوفقك ويهديك ويحميك

اقتباس :

ولو كنت قدرت ترد علي كلامي

ههههههههههههههههههههههههههههه جامده دى

والتانيه

اقتباس :

واذا كنت انت الصحيح بيننا ومتعمد اصرارك علي انك الصح وكلنا الغلط

الحمد لله عمرى ما كنت كده أنا طول عمرى هذا رأيى يحتمل الصواب والخطأ

Mourinho كتب:

هههههههههههههههههههههههههههههههههههه

سبحان الله


أنا قرأت الكلام ال مكتوب كله ومع أحترامى للجميع واضح انكم مش فاهمين حاجه

mourinho

Mourinho كتب:

أنت لسه صغير لسه بدرى عليك ربنا يحميك

وبالنسبه لكلامك رد واحد عليه

لا تعليق

Mourinho كتب:

اقتباس :

ولو كنت قدرت ترد علي كلامي

ههههههههههههههههههههههههههههه جامده دى

والتانيه

اقتباس :

واذا كنت انت الصحيح بيننا ومتعمد اصرارك علي انك الصح وكلنا الغلط

الحمد لله عمرى ما كنت كده أنا طول عمرى هذا رأيى يحتمل الصواب والخطأ

قال الله سبحانه وتعالي
ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن
وقال عز وجل
يا أيها الذين آمنوا إن جائكم فاسق بنبأ فتبينوا عسى أن تصيبوا قوما بجهالة فتصبحوا على ما فعلتم نادمين
صدق الله العظيم

استغفر الله العظيم بالفعل انت لسه صغير ومحتاج المزيد من الوقت للنضج علشان تفهم وتعى ما تقوله

وللمره الثانيه لا تعليق

بصراحة كلامك انت كله علي بعضه
لا تعليق

مع احترامي لحضرتك مش انت اللي تقلي اذا كنت نضجت سياسيا واقتصاديا او ثقافيا
بص لنفسك الاول وانقد كلماتك قبل ان تنقد كلمات الغير
وان كنت علي الصواب تأكد ان الناس كلها هتيجي تقول انك علي الصواب
بس بلاش الحجة اللي انت فيها دي
احنا بناقش موضوع اصبحت الان بتناقش شخص
هههههههه
الموضوع اسمه .. نكتة السنة من افواه الحكومة
مش احمد دويدار
وانا مسمحلكش بالتهكم انا عندي اغادر المنتدي ده وانسحب بكل هدوء واحترام ولا ان يتكلم معايا كده
وان كنت حضرتك عايز تنقد
يبقي تنقد
مضبوط
وبالادوات المساعدة لايصال الناس بنقد قويم وسليم
انت حتي انفردت برأيك علينا
وبقينا كلنا اغبية وعلي الغلط
الا يكفي من هذا ان تبجل كلماتك وتنقدها علينا حتي يتضح لنا منها ومنك الفلسلفة العصماء تلك
انا هنا مسموح اجادل في مواضيع
لكن جدال اشخاص
لا
والف لا
ومع احترامي لحضرتك راجع كلامك مرارا وتكرارا مرة اخري وراجع كلامي وكلام زملائي مرة اخري مرارا وتكرارا
واقرا الموضوع الواحد
مرارا وتكرارا
قبل ان تخط بجملة واحدة سواء بالنقد فالثناء او الهجاء

ثم في اي وجه قدرت علي نقدي ..من عبارة انه تغييير الساعه في رمضان ثم اعادتي استطعت من هذا ان تكشف القناع عني وظهرت لك كوامن الشخصية لنقدها
ام انه الاستهزاء والتطاول الغير مجدي والذي لا مبرر له

يا اخي اينعم انا اصغر منك في السن لكن مش بالشكل ده
ان تقيم الموضوع لساحة استهزاء وتنكيل بالاخر وتنسي ردك علي الموضوع الرئيسي
فاعلم ان هذا هو المراء وليس الجدال
قال صلي الله عليه وسلم "انا زعيم ببيت في ربض الجنة ,لمن ترك المراء وان كان محقا .. " صدق رسول الله صلي الله عليه وسلم

وبصراحة شديدة وتامة
عيب اوي لما اذكر ايات الله
ويجيني الرد منك بباقي مسلسل السخرية والاستهزاء
اسف اني معارض لدخولك الموضوع من الاساس
لان دخولك في الموضوع هنا يعني اعتراضك او موافقتك علي الموضوع
مش علي صاحب الموضوع
وشكرا ..

لا يسعنى في هذا المقال غير هههههههههههههههههههههههههههههه

اولا انا احب اشكر اشرف جدا انه طلعنى واحده من الناس اللى مابيفهموش من اللى ردوا على الموضوع فى المنتدى . شكرا جدا يا اشرف
ثانيا انا حابه اقول لو حد له راى وقاله فعلى الناس التانيه انها تحترم رايه حتى لو كان غلط
ثالثا لو دخلنا حلقه نقاش فمن اولى قوانينها احترام راى بعض وعدم التكهم والسخريه من الاخريين حتى لو كان رايك انت متاكد انه صح
رابعا انا قلت راى بس يحتمل الصواب ويحتمل الخطا بس فيه علماء قالوا رايهم وانا ببحث على جوجل لقيت عدد من المقالات فحبيت انقلها للناس المهتمه انها تعرف

[ندعوك للتسجيل في المنتدى أو التعريف بنفسك لمعاينة هذا الرابط]

وشكرا

طبعا ياشباب معلش علشان في ناس فهمت من ردودى وكلامى أنى بهاجم أحمد دويدار لا طبعا أنا كل ردودى على الموضوع والكلام ال فيه لكن أحمد واضح أنه انسان محترم ومهذب لكن لسه قدامه الكثير فطبعا مش بوجه له أى استهزاء او سخريه لا سمحه الله لكن كل تعليقاتى على المعلومات ال مكتوبه وشكرا

العفو يازيزووو اى خدمه