موضوع مهم اوي يا جماعة
وهو متشابك ومختلط فيه الجد بالهزار
الابراج
طبعا انا مش معترض علي فكرة الابراج
ده علم من علوم الفلك ومهما احنا قلنا رأينا مش هيقدم او هيأخر دور العلم ده في نفوس الناس في العالم باجمعه
انا عن نفسي واخد الابراج بتحدي وفيه عناد دائم بيني وبينها وكتير ما بتحصل صدف وتوافق مع الواقع بس الاكتر كانت دايما بتخالفه
وان صادفت الواقع وشعرت ان فيها صدق
ارجع واردد قول سيد الخلق
كذب المنجمون ولو صدقوا
انا شايف ان التنجيم والابراج لا اكثر من اداة للتسلية والـ "فرفشة " بس جمالها في اثر التشويق
وطبعا الله برئ من اعمال وافعال الناس وما ظلمونا ولكن كانوا انفسهم يظلمون
لان الغيب ده بيد الله فقط
انا واخد الابراج كحب استطلاع وتحدي
لا كمنهج ودليل
والحمد لله علي نعمة الاسلام
المشكلة هو انه لما تحب بنت او انتي تحبي ولد
ممكن هو او هيا يكونوا مولعين بالابراج زيادة عن اللازم
طبعا ممكن تكون او تكوني معايا في رأيي عن الابراج
يزعلوا اكيد لو قلتي او قلت رأيك عن الابراج كده
لكن المشكلة ان ممكن اختلافكم في امر الابراج يوصل لخلاف مش حلو
ممكن يفسد العلاقة خالص
ويسيبوا بعض بسبب التمسك الشديد بالابراج والايمان بما فيها من مغريات
ده فيه ما هو اعظم
وده قريت فيه .. قراءة الكف
وده مش غريب علي علم الفراسة بشئ
وكل خط له دلالة وكل رمز في الدلالة له تفسير مقنن لا دور للقارئ انه يعدل في تفسير الكف علي ذوق صاحبه عشان ينول رضاه ويكسب رزقه
وفيه ولاد وبنات كتير
بس انا هختص البنات لان الحكاية دي فيها حساسية مفرطة بالنسبة لهن
لو كانت البنت مثلا بتقرا الكف ورائدة في القراءة كمان
وبراعتها تصتدم بكف حبيبها فيه " بلاوي " مكنتش ع الحسبان
وممكن تخلي من فرحتها زعل شديد ودموع اليمة
وكأن الفراق دق علي ابواب الهنا
مفيش مبالغة ودي حصلت معايا كشاهد حي
لكن بالامانة .. ازاي بقي تفكير البنات كله في انه يارب الكف بتاع حبيبي يطلع زي ما أأمل اليه
وان كان خط الحياة معوج مش عارف ازاي او خط الراس
ويكونوا بعيدين عن بعض
مش عارف فيه علاقة كده بزواج الاقارب كمان
لو الخطين قريبين حاجه زي كده مليش اوي بصراحة في موضوع الكف ده
..
يعني هتقلب بقي بغيرة حامية وتبدأ الاسئلة جايالك
عندك بنت قريبتك يا استاذ
ويا خبر مش زي بعضه لو طلع فيه ليك بنات عم او عمة او خال او خالة ولسه مش اتجوزت وكمان بقي لو من سنك
ههههههه
الحكاية دي واردة مفيهاش مبالغة بل ان فيه بنات بتلجأ للانتقام من ساعتها وكل جرم الولد اللي بتحبه وذنبه في الدنيا انه اتولد وايده كده ومن مواليد برج كذا
غلط الفكرة دي اوي يا جماعة
انا ضد برضه قول البنات ناقصات عقل ودين دي جملة لا تصح علي المرأة اللي هيا الام والاخت والحبيبة والزوجة والابنة
عيب اوي تتقال
وعيبة في حق الرجال قبل النساء
لان النساء في الاساس من الرجال
...لكن مجتمعتنا العربية دارت كما اشتهت سفن العولمة .. بقينا بناخد بكل ما ييطرأ علينا من الخارج بجماله وقبحه
وكل عاداته الحسنة والبشعة
مع ان الاسلام فيه عادات افضل واغلي من دي بكتييييير
ده في القراءن حلاوة لا يعرفها الا اللي يعيش مع القرءان
في عقول شبابنا وبناتنا .. تفاهه.. موروثة من الغرب
هما يا عيني مش وحشين ولا شئ بالعكس دول افضل نطف الارض ان صح التعبير
لكن التوجيه
المشكلة هيا كيفية حسن الارشاد والتوجيه الصحيح نحو ديينا والرجوع لخالقنا
والتمسك بعقائدنا واخلاقنا الرفيعة
فيه ناس كانوا مخطوبين
وانفصلوا بسبب بعض العلل منها وعلي رأسها مبدأيا يعني بكل وضوح عشان عقرب وجدي
والثريا بريئه من الحجج دي
ها ايه رأيكم يا جماعه بالموضوع عايز ردود
وهل يا تري .. ممكن تبحث البنت كشرط من شروط فتي الاحلام علي ولد من برج كذا
دي بقي لسه ما خطرتش علي بالي
موضوع: طعنات الابراج 
