موضوع جامد وحلو تعالوا نجدد فيه النقاش

طبعا أنا رأي مختلف

أولا : لانه مش متقدم يتجوز واحده من أيام النبى عليه الصلاه والسلام يعنى مش بتغلط

وثانيا : لان كل بن آدم خطأ يعنى الجنسين يعنى زى ما أى ولد بيعمل أشياء خطأ أكيد أى بنت بتعمل أشياء خطأ

ثالثا : سزاجه رهيبه جدا يعنى الحكم على شخصيته من خلال الموبيل طيب يمكن يكون الموبيل معلوش حاجه يبق هو انسان كويس وممكن يكون معلوش حاجه وبيشرب سجاير أو أى أنواع من أنواع المخدرات

أويمكن يكون معلوش حاجه ومعروف عنه الألتزام وبيعمل كبائر ايه المشكله فيه ناس كتير بتعرف تستخبى

وممكن يخبى كل حاجه ويعمل شريف ويعمل انه شريها وبيحبها وانه ميقدرش يعيش من غيرها وأن هو ال مفيش زيه ويكون برده عايش في الخباء وقدام الناس 10 على 10 وبعد الجواز يبان على حقيقته أو يكمل في الخباء زى ما كان شغال وطبعا هيطلع عينها

فال هى عملته ده أنا شايف انه مينفعش مقياس وأنا مش معاها نهائيا

ممكن فعلا يكون عنده حاجات رزيلاه وكلام فاضى على الموبيل بس هى تقدر تعرف عنه بيفكر ازاى وبيعمل ايه وتعرف اخلاقه من حاجات تانيه كتير غير هذه الطريقه الساذجه من وجهه نظرى

شكرا لكم
أتمنى أن أسمع أرائكم في هذا الموضوع

لا انا عند راىى ان البنت اللى عملته صح جدا
لان مافيش وقت هى لازم تحكم على الانسان ده فى فتره زمنيه قصيره فبتراقب كل تصرفاته لان كل تصرف بيدل على حاجه فى شخصيته
ان الاذان اذن ومارحش يصلى يبقى هتقول انه انسان مش محافظ على الصلاه
ان سمع كلمه بدون قصد واترفز هتقول انه انسان غير صبور وهكذا
لما تلاقى الحاجات دى على الموبايل هتقول ايه
اكيد هتقول ان الانسان ده مش كويس
لانه حتى لو اتبعتت غلط ليه مش مسحها
لاء استنباط كل حركه وكل كلمه وكل لمحه وتفسيرها ده من سمات الفراسه وفيه حكمه بتقول من كانت الفراسه منهجهه فقد امتلك مفاتيح الحياه
وتسلم ايدك اشرف

ايه ده هو فيه ايه
على حسب اللى فهمته ان بنت اتقدملها واحد فلقت حاجات على الموبايل مش كويسه فرفضته
وانت بتقولوا رايكم مش كده؟
لو كده يبقى عندها حق انها ترفض او تاجل شويه لحد ما تتيقن من اخلاق الشاب ده لانه ممكن يكون مظلوم او نسى يمسح الجاحات دى برضه الاحتياط واجب لازم تتاكد الاول من خلاقه واهلها يساله عليه هو اه المتعلقات الشخصيه من ضمن المفاتيح اللى بتفتح وتكشف سمات شخصيه اللى ادامك بس ما تقدرش تكشف كل خفايا هذه الشخصيه
واقبلوى هذا الراى المتواضع

اممممممم انا راي جمع بين استاذ اشرف ولوجين

يعني صح مش شرط الموبايل اللى يدل على كده ممكن يكون بيعمل حاجه ومش ظاهره

بس هي تنصحه مره واتنين وتلاته واربعه يعني لو مثلا ده لو جوزها دلوقتي ولقت الحاجه دي بعد الجواز هتقوله ايه طلقني
ولا هتساعده وتنصحه وده حرام ومش مش كويس ومره واتنين وتلاته بكل الطرق

امممم وبرده مع لوجي في انها صح انها ترفضه بس لو مش اتقبل النصيحه


واحده مثلا خطيبها نفسه تلبس عبايه مش معني كده ان لبسها وحش هيوقهلا ايه انا بحافظ عليكي وبحميكي من نظر الناس

في برده انسان يكون كويس وخطب بنت بتلبس لبس ملفت او بتحط ميك اب ينصحها مره واتنين ويفهمها انه كده بيحافظ عليها
نغير بعض ماهو اصلا مفيش انسان كامل

انا فيا عيب اكيد مش اعرفه اللى يكون قريب ليا يعرفه خطيبي فيه عيب انا انصحه

صح ولا ايه رايكم ؟؟؟

تسلمى يالؤلؤه هو ده ال بقوله لكن واضح ان البنات هنا كل ال يهمها انها تتكلم كويس على البنات وخلاص

لالالا يا استاذ اشرف انا محاميه شاطره برده

طبعا واضح في مرافعتك أنك شاطره أوى

رايك سليم يالؤلؤه
بس تقولى ايه بقى لو البنت دى نصحت الشاب ده ومثل عليها واوهمها انه خلاص اتغير وانصلح حاله واعترف فعلا ان الحاجه دى بتاعته او ان له اصحاب سوء هما الى كانوا باعتينهاله بس نسى يمسحها علشان نعمه القدر تفضحه ادامه
تقولى ايه بقى ان بعد الجواز البنت دى اكتشفت انه اوهمها ولسه برده بيشوف الحاجات دى ولسه بتجيله على الموبايل
تعرفى يالؤلؤه ان فتره الخطوبه دى عامله زى المرايه اللى مكسوره مش بتقدرى تشوفى ملامح شخصيه اللى ادامك كويس الا اذا كنت ذكيه واخدتى بالك من كل فعل ورد فعل وفسرتيه بيدل على ايه فى شخصيه اللى ادامك
صحيح مافيش انسان كامل بس فيه انسان متدين والمتدين اكيد عمره ما هيسمح لنفسه انه يحط الحاجات دى على الموبايل
اما النقص فبيكون فى حاجات تانيه الا الدين

طيب ممكن يوهمها من الأول انه الشريف ال مفيش زيه وبعد الجواز يطلع ابن كلب

وكمان بعد الجواز كل حاجه بتتغير ده لو طلع بيشرب مخدرات كله بيعدى

عندك حق طيب مهو انا قلت برده لو كانت ذكيه مش هتعدى عليها اى همسه او اى حركه بيعملها وتقدر تكشف بذكائها ان كان كذاب ولا لاء لكن فيه بنات بتستسهل وتقول بكره حاله ينصلح بعد الزواج ههههه بس اكيد البنات دى بتحلم

طيب هقولك على شئ صغير فيه ناس كتير بتشرب سجاير وشيشه وكمان مخدرات قبل ما يتجوزوا والوقتى اتجوزوا ولسه محدش يعرف عنهم حاجه يعنى انا بالصدفه النهارده كنت على قهوه على البحر في قريه جنب بلدنا ولقيت اتنين شباب زى الفل معروف عنهم الأدب والأحترام وأنهم ولااد ناس محترمين كدا بيشربوا شيشه وعرفت ان واحد منهم بيدرب نوع من أنواع المخدرات وال بيدرب ده خاطب دكتوره بنت ناس محترمين قوى وكله بيعدى ذكيه ايه بس ده كله كلام حواديت لكن في الواقع لا يحدث منه شئ

يمكن الله اعلم
اكيد بيحصل كده وبيحصل كده

عندك حق يا لوجي ممكن يحصل كده

وبرده استاذ اشرف عنده حق

اصل بصي الانسان ممكن يتغير ف لحظه للاوحش او للاحسن
بس دي ياحبيبتي مهمتها هي
صدقيني اللى بيمثل انه شريف مش هيفضل يمثل علطول
اسبوع اتنين تلاته وبعد كده بيبان ع حقيقته
وبعدين الحاجه دي مش هي بس اللى هتظهر شخصيته لا تعامله مع الناس
لما مثلا يجيله تليفون وواحد صحبه بيكلمه بيتكلم معاه ازاي
اصل الانسان مهما اتصنع تلقائيته بتظهر

ولا ايه؟

صح يالؤلؤه طيب مهو انتى مايدانى اهو

صح ياندى ولؤلؤه كمان عندها حق ان البنت مهمتها انها تكشف اللى ادامها ان كان كويس ولا لاء
ومافيش حد بيتغير مره واحده ومفيش حد بيقدر يكتم او يكذب لفتره طويله اكيد هينكشف
والله انا برده قلت الكلام ده ياندى

اقتباس :

طيب ممكن يوهمها من الأول انه الشريف ال مفيش زيه

كله بيبان ومهمتها انها تعرف هو بيمثل ولا لاء ولا هو شريف ولا لاء

انا مش مع الكلام ده خالص

لان كله بيبان فعلا بس بعد الجواز 99%مفيش حاجه بتبان من اللطرفين غير بعد انتهاء شهر العسل كله بيظهر على طبيعته

وهى مهمتها انها تعرف شخصيته

ولا بيحصل حاجه من الكلام ده كله عارفين الكلام ده زى أيه كده زى دراسه الطب أو الكمبيوتر من الكتب بس لكن العملى مختلف تماما عن الكتب

فالكلام الحلو المتذوق ال الكل بيقوله وهو قاعد على الكمبيوتر وشارب شاى ومظبط دماغه وقاعد في المود ده كلام نظرى مش بيحصل منه 1% في الحقيقه

ده ال انا شايفه في الواقع وفي كل تجارب الزواج ال في البلد عندنا والناس كمان ال بتزوج من بره البلد

انا اعرف بنت - بنا صله قرابه بعيده شويه - تبارك الخلاق فيما خلق أتجوزت واحد من بنها ولد محترم وأخلاق وعشره على عشره انا كنت معاه اكتر من مره وفعلا راجل بمعنى الكلمه ومتدين وأخلاق وكل شئ والبنت كمان ما شاء الله بنت متدينه وكل شئ وماشاء الله عليهم الأتنين مش هقولكم شهر العسل خلص لاء والله اسبوعين وماذا بعد ذلك

نكمل القصه الجميله ساعات الواحد بيحس انه بيكتب حدودته من الخيال ال بيحدث

بسم الله الرحمن الرحيم على الرجل المتدين المحترم الجميل ال متزوج بنوته جميله بعد الأسبوعين في الزواج خرج ومرجعش غير بعد يومين ولما رجع هو كان مرتب الموضوعين مع بعض على حسب الناس بتقول بس هو للأسف انه رجع ومعاه الزوجه الثانيه

طبعا انهارت الزوجه الأولى ورجعت بيت ابوها اسبوعين ولما مسألش فيها رجعتله تانى وعاشت معاه بس للأسف المعامله السيئه وكمان بقت شبه خدامه له ول أمه ولزوجته الثانيه

دى قصه واقعيه حدثت في واحده من البلد فما بالك بما يحدث خارجها

والله أعلم