يارومانسى ياجامد

في الحقيقة هو مش رومنسي خالص هو مخنوق من مراتو عالآخر, بس هو دبلوماسي شوية..



واحدة سألت جوزها بالليل.. شايف الليل حلو إزاي ياعبده..


تعرف إيه عن الليل؟


قال صاحبنا لما حب يعرف الليل لمراته..

الليل سكون والسكون راحة والراحة أهم حاجة للإنسان

والإنسان اسمه كده عشان بينسي والنسيان نعمة للبني آدم الضعيف

والضعف عكسه القوة والقوة عزيمة

والعزيمة مختلفة من بني آدم للتاني

يعني ناس بتعزم بسيجارة وناس بتعزم بسندويتش جبنه

والجبنه من النواشف وجاية من حليب المعيز والمعيز تربيها الستات

والستات يحبوا دايما السوق والمكياج

والمكياج نعمة للرجالة يرحمهم من المناظر اللي لا تسر عدو ولا حبيب

والحبيب بني آدم حلو من أهلي

والأهلي أحلي نادي في الدنيا وكسب الزمالك ستة صفر

والصفر درجة التجمد للمياه والمية سر الحياة

والحياة بدونك سراب والسراب عكس الحقيقة

والحقيقة المرة اني عايز أنام دلوقتي غوري من وشي!



ودلوقت انا بسألكم؟ انتو عارفين ايه هو المعنى الحقيقي للاحباط؟
الاحباط هو ان الواحد يعمل مجهود عشان يجيب مواضيع حلوة لاعضاء حلوين و زي العسل , ولما يخش, مايلاقيش ردود..

فعشان مايجليش احباط مستنى ردوودكم

بس المعنى الحقيقى للاحباط
انى الناس تدخل ومتكتبش ردود
الكارثة الاكبر
انه يكتب لك مشكووووووووووووووووووووووور
زى ما يكون شاحت الكلمة
احنا عاوزين تعليقات حقيقية
يعنى تقولوا لنا ايه الصح وايه الغلط
ومافيش حد هايزعل

ده راجل رغاى اووى هههههههه ايه الرغى ده كله
ده كله علشان سوال امال لو كانت امتحان كان عمل ايه ؟؟؟؟
ولم هو عايز ينام ليه عمال يرغه ده كله ؟؟؟؟؟؟
ميرسي ليك على الموضوع الرائع
تسلم ايدك تقبل مرورى وتحياتى

لمسه حب كتب:

ده راجل رغاى اووى هههههههه ايه الرغى ده كله
ده كله علشان سوال امال لو كانت امتحان كان عمل ايه ؟؟؟؟
ولم هو عايز ينام ليه عمال يرغه ده كله ؟؟؟؟؟؟
ميرسي ليك على الموضوع الرائع
تسلم ايدك تقبل مرورى وتحياتى

هو فعلا رغاى بس كمان مخنوق من مراتوا فبيخنق كمان عليها بس بصراحه يستاهل الضرب :drunken:

هههههههههه دبلوماسى جدا يارب تكون فهمته اساسا