البنات البنات ضحكه عسل وكلام شربات

البنات البنات ضحكه عسل وكلام شربات
البنات البنات ارق واجمل المخلوقات اى والله كده !!
لكن بصوا معايا بقى وشوفوا كام بنت ممكن نقول عنها كده؟؟

**ال عايشه حياتها كلها بالطول والعرض مع ده شويه ومع ده شويه خروج ماشى فسح مايضرش هدايا ومالو رحلات مفيش مانع ..واحد واتنين وعشره كمان..
واول ما تفكر تستقر تبداْ رحله البحث عن المليونير ال معاه وهايعرف يصرف و ال هايجيب شقه 500 متر وعربيه بسواق وشاليه ولا فيلا فى مصيف ويحط فى البنك مبلغ محترم ويجهز عش الزوجيه صح ويصيغها دهب من راسها لحد رجليها ومش مهم السن ولا الاخلاق ولا حتى الشكل المهم" المضمون" وده والله اعلم مش مضمون خااااااالص.

**والتانيه ال مفيش فى راسها غير الموضه الله ايه الفستان الروعه ده ؟؟ يجنن يهبل... ياخد العقل...تحفه وفظيع مالوش حل هاموت واجيبه لازم اشتريه لازم ابقى على الموضه بقى ..بيتباع فين؟؟المهندسين واااااو
وايه قصه الشعر الجديده دى!! بتاعت شاكيرا؟؟ دى تبقى تحفه عليا دانا هاجنن الناس بيها انا كمان لازم اصبغ اللون بالظبط واشترى الاكسيسورى ال ماحصلش انا لازم اخبلهم فى النادى والجامعه واخلى الناس تتلوح لما تشوفنى انا اشيك واحلى بنت فى حتتنا وفى عمارتنا وفى الجامعه وفى النادى وفى مصر بحالها.

**وصاحبتنا ال مش بتاعت صحوبيه ولا خروج ولا تقبل حد يقولها انا معجب بيكى ..ولا ممكن نتعرف يا انسه؟ عايزه العريس ال جاى يتجوز و ماتقوليش معجب بيكى قصر وقول هاتيجى البيت امتى؟؟
ماشيه بمبدأ "انا عايزه اتجوز " وبتتعامل مع الموضوع على اساس انها لو ماتخطبتش وهى فى الكليه يبقى خلاص راحت عليها وفاتها القطر وعنست وبقت فى ليسته عوانس الوطن العربى ..وكل ماتسمع ان حد اتخطب ترقع بالصوت وتقول "عقباالى يارب عقبااااااااااااالى"

**ولا الهانم ال مفيش فى راسها غير صاحبتها دى وصديقتها دى ال اتجوزت وفشلت وال اتخطبت وفكت وال مصاحبه وسابها وعماله تسمع من دول ودول وتعبى راسها بخبرات اليمه ومعلومات كبيسه عن العيشه وال عايشينها وال بيتخطبوا وال بيتجوزوا وال بينتهى بيهم المطاف للانفصال وانها مش ممكن مهما حصل تغلط الغلطه دى ابدااا
يجى عريس ورا التانى وهى ترفض وتقول" مش عايزه يابابا " وتحقق نظريه "ماخدوش يابابا ماخدوش" كلهم عيال.. الرجاله وحوش.... الشباب ذئاب وكله عايز يصيع عليها ومحدش صادق ومحدش محترم ومحدش كويس.

**والبنوته الرومانسيه الحالمه ال مش عارفه يعنى ايه دنيا و ياعينى عايزه تحب وتتحب باى شكل وباى وسيله... نفسها اوى تعيش قصه حب وتبقى جوليت
وتصدق بقى اى كلمه حلوه وناعمه تتقال وتطمع كل ذوى النفوس الضعيفه فيها
ومقضيه الصبح تليفونات ورسايل ومنتظره يسال عليها ويكلمها ومفيش فى الحياه غير قصه الحب الملتهبه دى وهى لا بتحبه ولا نيله بس عايزه حد يحسسها انها زى كل البنات بتحب وتتحب..

**ولا العايزه تقضى اليوم كله مع اصحابها خروج وفسح ومصاريف واكل بره كل يوم والنهارده فى المول وبكره فى الكافى وبعده فى النادى وهى دى الحياه ومفيش غير كده معندهاش طقطان للقعاد فى البيت ولو يوم واحد وفاكره ان الجواز هاينفع فيه الكلام ده وان البيه جوزها هايسييبها كل يوم تخرج وماتعملش اكل وتطلب دليفرى وعادى يعنى مفيش مشاكل ..وتيجى تفاجئ بالواقع الاليم يجيلها هلع ..

بعد ده كله ارجع واقول البنات البنات ضحكه عســل وكلام شربـات.. ولا فى حد عنده راى تانى؟؟

ههههههههههههههههههههههههههههه
لآ طبعا يا خيرى الكلام فعلا كده
وماحدش يقول غير كده

ايه يا زيزو
انتا مش معايا هتهرب وتسبنى ولا ايه

مش كل البنات كدا على فكره
ما كمان فى صبيان بتدور على الكلام ده هما كمان

بقى كداااااااا اووووووووووك اسمعوا بقى
لو كانت معظم البنات تافهه لانها بتفكر فى التفكير ده او مش كويسه
برده فى عامل على الولد هو كمان هو لو كان تفكيره ناضج ومش تافهه مش هيسمح ليها تعمل كدا او تفكر كدا بسسسسسسسس

هههههههههههههههه
ايه ياعم خيري
براحه عليهم شويه
الموضوع الجاى بقا يبقى للشباب :213:

البنات اخواتنا وطبعا اخواتنا منحبش نقول عليهم كده
بس ميمنعش ان فى قله قليله اللى بتفكر فى كده بس اكيد مش متعملين

سلام موضوع كويس
وفرجنا هتعمل ايه فى الشباب ههههههههههههههههههههههههههههههه

اية الكلام ده سبحان الله انا بهتبر ده حقد مش اكتر وبعدبن اشمعنا جابت الانواع دى بس امال فين البنات المحترمة اللى عارفة ربنا لا يا خبرى انا مش معاك وعلى فكرة انت كده فتحت باب جهنم على نفسك واستقبل بقى الردو بتاع البانت هقوم البنات عليك هههههههههههههههه

ايوه كده ياقمر وريهم الشغل هما مفكرين اية لا داحنا ناكل الزلط ههههههههههه

ايه يا جماعة براحة شوية
وانا كنتوا يا انغام بتأكلوا الزلط احنا مش هنعرف نعمل حاجة الحقونا يا شباب فين الرجالة

اه فعلا علشان تحرم تخش معانا تانى فى نقاشات ههههههههههههههههههه

هههههههههههه
مش قوى كده انتوا متفائلين وواثقين فى نفسكم كده ليه
ايه يا شباب انتوا فين ؟؟؟؟؟؟؟؟؟؟؟