بص سيبك من حكايه ان البنت لما تخلص تشتغل بقى والكلام ده لان اصلا مفيش فرص عمل للشباب اللى المسئوليه بتبقى عليهم اكتر من البنت
بس بجد البنت المتعلمه بيبقى تفكيرها اكبر بكتير من اللى ماكملتش دراستها وغير ده كله لما يكون عندها اولاد هيكون عندها وعى لان الانسان بيتعلم كل يوم عن التانى حتى لو مش بيخوض تجارب شخصيه بس بيشوف اللى حواليه وبيتعلم منه
يعنى انا مثلا بيتهيئلى ان البنت اللى معاها ومكمله تعليمها تفرق واحسن بكتير عن اللى مش متعلمه ومش مكمله تعليمها لاسباب كتيره اوى منها طبعا تربيه ولادها بعد كده مستقبليا وكمان عشان تقدر تقف جنب زوجها لو مرت اى ظروف عليهم وتقدر تساعده
عن الشاب بما ان دلوقتى مفيش حد بيشتغل بشهادته او بمؤهله فده ممكن يشتغل اى شغل وطبعا برده بتفرق فى التفكير
بس للبنت الاحسن ليها طبعا فى المقام الاول الدراسه وبعد كده الزواج عشان دراستها ليها عامل كبير فى نجاح حياتها الزوجيه
طولت عليك يا حبيب سورى
بس تسلم على الموضوع
موضوع: اين مصلحة الفتاة الدراسة أم الزواج 
