لو كنت رئيس جمهوريه ؟؟ هتعمل ايه؟؟ كله لازم يرد

فكــــــــــــره مجنونــــــــــــه....

لو كل واحد يتخيل نفسه في لحظه بقى

رئيس الجمهوريــــــــــــه


لكن .....


لمدة اربع وعشرين ساعه فقط


ايه بقى القرارات والاصلاحات اللي هتعملها في البلد؟؟


هتشيل ايه وهتحط ايه؟؟


هتغير ايه؟؟


هتجدد في ايه؟؟


هتلغي ايه؟؟


هتثبت ايه؟؟


ايه اقتراحاتك للتجديد؟؟


ياريت كل واحد يتكلم بصراحه وبجراأه

هههههههه فكره حلوه والله مع انها مستحيله بس الحمد لله مفيش عقوبات عالتخيل
مممممم انا لوكنت رئيسة دوله او جمهوريه يعني
اول حاجه بفكر فيها بجد هيه اني ابني مؤسسات تساعد الناس في كل مكان وخصوصا المستشفيات والملاجئ والمدارس والمساجد هههههه على فكره حتى لو مكنتش رئيسه وكان معايا فلوس تكفي هعمل نفس الحاجه
اما هشيل ايه وهحط ايه والغي ايه؟؟؟؟ يووووووووووووووووه كتييييير
وهغير كل الدستور والقوانين ههههههه وربنا ميحط حد بالموقف ده (يعني انه يكون رئيس جمهوريه او دوله ) لانه حاجه صعبه اوي ومسؤوليه كبيييييييييييييره جدا
ده الواحد بيكون عنده عيل ولا اتنين وبطلوع الروح ليعرف يربيهم ويعلمهم كويس ويخلي باله منهم ما بالك يكون عندك ملايين من الناس ههههه مصيبه بعدين الرسول صلى الله عليه وسلم قال كلكم راع وكلكم مسؤول عن رعيته فبجد الرئاسه حاجه صعبه اوى واللي عايز يكون رئيس لازم يكون رئيس وحاكم عادل في بيته اولا قبل ميطلع على المجتمع الكبير اللي مبيرحمش ومبيترحمش

انا هشغل كل الشباب مش مهم الدنيا تخرب وهدى كل واحد شقه وعربية
ورصيد فى البنك وجوزه كمان هههههههههههههههه

فكره مجنونه

ههههههههههههههههه
ايع التخيلات الجامدة ديه ياجماعة
انا من ناحية السياسة هسيبها للبيفهم فيها علشان مالخبطش الدنيا
ومن ناحية الاقتصاد هشغل كل طلبة التجارة ههههههههههههه.
علشان يظبطو الاقتصاد
ومن ناحية الرياضة هرفع شعار الوصول لكأس العالم .
مع كل الدعم للمنتخب الوطنى .
هخلى يوم الخميس يوم الزفاف فى مصر اى حد هيجوز فى اليوم ده على حسابى هههههههههههههههههههههههههه طبعا مش رئيس جمهورية.

ههههههههه
خلاص عاوزين نتقدم الانتخابات الجايه
ةربنا يسترررررر

وانا معاك
ضمنى فى القائمة بتاعتك

لو كنت رئيس الجمهوريه
كنت هاسيب البلد سايبه
ان شالله تخرب

هتشيل ايه وهتحط ايه؟؟


هتغير ايه؟؟


هتجدد في ايه؟؟


هتلغي ايه؟؟


هتثبت ايه؟؟


ايه اقتراحاتك للتجديد؟؟



مش عايز ابقى رئيسة جمهورية
قال يعنى اتعرض علية وانا اللى مش عايزة عهههههههههه
لا بجد دى رعية فى رقبتى هتسأل عن كل شبر فيها هروح من ربنا فين
لكن لو أفترضنا جدلا انى وافقت يعنى
هقيم شرع الله فى الارض
هعلى كلمة لا اله الا الله واقيم حدودها ودة أصل من الاصول لازم يطبق
يعنى حد السارق قطع اليد والزانى الرجم النساء يلتزموا بالزى الشرعى نغلق المصالح للصلاة
لا ربا فى البنوك ولا رشاوى لتيسر الحال
وهقتدى برسول الله صلى الله علية وسلم فى تطبيق الحكم
امرهم شورى بينهم هختار الصالحين الحكماء المتمكنين فى كل شئن فى الاقتصاد فى الاجتماع فى السياسة
هقطع علاقتى بأسرائيل وامريكا ويعملوا اللى يعملوة لا عهد لهم ولا ملة
وشكلكم هتوحشونى يا ولاد ههههههههههه

امممممم حلوه يا زيزو

انا لو بقيت فى منصب رئيس الجمهوريه

هخلى الشريعه الاسلاميه المصدر الاول فى القانون قبل القانون الوضعى واى حد يقتل حد ياخد حكم الاعدام قصاص يعنى زى ماربنا سبحانه وتعالى قال


بالنسبه لاقتصاد البلد هوقف عملتى الاستيراد والتصدير
لانى لما اوقف عمليات التصدير الموارد هتكفى الشعب وكمان مش هنحتاج للاستيراد ده لفتره لحد ما اقتصاد البلد يرجع زى ماكان وبعدين افتح عمليا التصدير فقط

الناس اللى مش ليهم مكان يعدوا فيه هعمل مكان خاص بيهم واعلمهم النجاره والحاجات اللى يصنعوها نصدرها بره استغلال العناصر البشريه والمواهب بتاعتهم هقطع العلاقات الدبلوماسيه اللى مع الدول الى بتساعد على الحرب وعدم نشر السلام

هعمل مرتب خاص للشباب اللى مش بيشتغلوا والناس الكبار فى السن وللمواليد اول ما يتولدوا لحد سن معين لمايكبروا

هعمل فتح الحدود بينى وبين الدول العربيه المجاوره لبلدى نظام عربى مشترك

هقفل الملاهى الليليه والمقاهى والحاجات اللى بتنشر الفساد كل يوم عن التانى

هفرض عقوبه على الشباب اللى بيعاكسوا البنات وعلى البنات اللى بيعملوا فى نفسهم عمايل تلفت النظر ليهم

هلغى فكره التفرقه بين القريه والمدينه يعنى هعمل حاجه زى العولمه بس داخليه

هلغى الدروس الخصوصيه وهشدد على الحضور فى المدارس
ومش اى حد هيدخل الكليه كده فى نظام
هلغى نظام المحسوبيه وهفرض عقوبه الحبس المؤبد للى بياخدوا رشوه


انا لو بقيت كده هعمل حاجات كتيره
بس ده بيخالف الدستور اللى بينص على الشروط المتوافره فى رئيس الجمهوريه انه لازم يكون راجل

يبقى علشان ابقى رئيسه الجمهوريه لازم اعدل الدستور الاول

ربنا معاكى بقى ههههههههه