عادات وتقاليد بلدى

تذكير بمساهمة فاتح الموضوع :

انا جيبالكم فكره النهارده يارب تعجبكم

ايه رايكم زى ما تواصلنا فكريا نتواصل اجتماعيا وكل عضو وعضوه فينا نعرف عن التانى اكتر عن بلده مجتمعه اللى عايش فيه لان كلنا نعتبر مش من بلد واحده ومن مكان واحد

عادات وتقاليد بلدى - صفحة 2 108391077.6kPBbYp0

عادات وتقاليد بلدى - صفحة 2 108391077.6kPBbYp0

هنكتب عادات وتقاليد البلد اللى احنا عايشين فيها ونشوف ايه الايجابيات اللى بنحبها وحبناها فى بلد التانى والسلبيات اللى

نفسنا تتغير من حياتنا ومن مجتمعنا وهنحاول نبدء بنفسنا

علشان نتغير لازم نغير نفسنا الاول مادام العاده دى تعتبر عائق لينا فى طريقنا

هنتمسك برفضنا للعادات عن طريق تمسكنا بالقرآن الكريم والسنه

يعنى لو فى تقليد معين فى بلد اى عضو فينا واحنا مش بنحب التقليد ده

نسال اهلنا ايه اساس التقليد ده ونحاول نرجع للقرآن الكريم والسنه لو لقينا فيهم اى دلاله على غلط التقليد السلبى
عادات وتقاليد بلدى - صفحة 2 00101

هنختار كل فتره موضوع محدد نكتب فيه عادات وتقاليد بلدنا فى الموضوع

وطبعا هنكتب ايجابياته وسلبياته ومش عيب ان الانسان يعترف بشىء سلبى فى حياته المهم نغيره وما نوافقش عليه

وزى ما قولتلكم نحاول نعرف اصل التقليد السلبى والايجابى بس السلبى اكتر علشان نقدر نعرف اذا كان محرم او غلط

ولا لا وطبعا هنكتب كل ده علشان الكل يستفاد

يارب تكون الفكره عجبتكم
بتمنى اشوف تفاعلكم
عادات وتقاليد بلدى - صفحة 2 740168

احمد احنا هنختار موضوع هنتفق على موضوع معين يارب تفهم انا اقصد ايه

ونشوف ايه اللى بيحصل فى بلدك وفى بلدى وايجابياته ايه وسلبياته ايه

ايه رايكم نتكلم الاول عن زياره القبور بين الحلال والحرام؟

هقولكم بيحصل ايه فى بلدى وايجابيات الموضوع ايه وسلبياته وانتم كمان اكتبوا اللى بيحصل فى بلد كل منكم وايجابياته وسلبياته والحاجات اللى نفسكم تغيروها وانا كمان هكتب الحاجه اللى نفسى تتغير

قولولى رايكم ؟؟؟؟؟

اوكيشن

منتظر

اوووووووووووووك يا جماعه انا هبدء وانتم كمان ابدئوا جمعوا اللى بيحصل كله فى الموضوع اللى اخترناه

وانا كمان معاكوا

شوفوا بقى يا جماعه اللى بيحصل لما حد بيتوفى طبعا مش كله بيعمل كده بس المنتشر اوى عادات

لما الانسان بيتوفى بعد دفنه اهل المتوفى بيعدوا فى المقابر فتره يدعوله ويقروا قران وبعديها بيرجعوا ياخدوا العزا

العزا بيكون فى ناس بتعمل صوان كبير قدام بيت المتوفى
وفى ناس بياجروا حاجه اسمها دار المناسبات بتبقى عباره عن قاعه للمناسبات مثلا كتب كتاب عزا
وناس تانيه بيطلعوا فلوس الحاجات دى صدقه وبيكتفوا ان هما ياخدوا العزا فى البيت

العزا بيستمر تلت ايام اهل المتوفى اكلهم بيبقى عباره عن لحمه وشوربه ورز مش بيعملوا طبيخ خالص بيعدوا يعملوا لحمه ورز وشوربه وكل اللى يجى ياكل سواء كانوا مقرئين بقى او ناس بيعزوا

وبتبقى فى ناس طبعا جايه من بلاد تانيه علشان العزا عشان كده بيعملوا الاكل ده
بس يبقى عيب اوى لو طبخوا وعملوا اكل عادى طبعا الستات كلهم بيلبسوا اسود اهل البيت كله بيلبس اسود وكل اللى رايح يعزى بيلبسوا اسود فى اسود وطبعا مفيش تلفزيون مفيش كمبيوتر ممنوع بيعدوا كتير جدا جدا جدا على ما يفتحوا التلفزيون هو الكاسيت وقران وخلاص
طبعا اول عيد مش بيتعمل فيه كحك عيد الاضحى بيضحوا عادى لكن العيد الصغير مفيش ولاكحك ولا اى حاجه من دى خالص وكمان ممكن اهل البيت بتاع المتوفى ما يطبخوش لو اعدين فى مكان زى حاره كده مثلا كل بيت يطبخ ويوديلهم
لو مش فى مكان زى ده بيبقى الاختلاط قليل شويه اهل الميت مش قريبين اوى بيطبخوا وبيودوا للبيت اللى فيه المتوفى
الرجاله بقى بيحتدوا ازاى بيربوا دقنهم ولبسهم بيبقى عادى بس بيلبسوا كرفات اسود
وبعدين الستات بقى ياجروا واحده ست بيبقى اسمها مقرئه ويفرشوا كده زى حصر لو كان للبيت حوش ويعدوا يقروا قران

بعد كده بقى ندخل على الاخمسه والاربعين والحاجات من دى
اول خميس بيجى بعد وفاه المتوفى بيقوله عليه خميس التفكيره الستات بيروحوا المقابر وبيكونوا عاملين قرص مش عارفه بتتكتب ازاى بس اكيد فاهمين قصدى او شريك ويحطوا كده زى سبت او حاجه وياخدوه معاهم ويوزعوه على المقرئين اللى فى المقابر بس ويعدوا يدعوا للميت ويترحموا عليه ويجيبوا مقرئين يقروا

وبعدين حاجه اسمها الخميس الكبير ده بيبقى تانى خميس يعدى على المتوفى
وبيعملوا نفس الشىء برده

وبعدين خميس الاربعين بيبقى الخميس اللى قبل الاربعين علطول والمراسم بتاعته بتبقى زى اللى فاتوا

نيجى بقى للاربعين اهل المتوفى بيدبحوا وبيجيبوا مقرئين فى البيت ويطبخوا نفس الاكل علشان الناس اللى جايه برده والمقرئين وبيعملوا وليمه كبيره اووووى
بس فى ناس بقى ممكن بعد الاربعين ماتلبسش اسود لكن القريبين من المتوفى اوى بيفضلوا لابسين الاسود لمده طويله ممكن تعد بالسنين
بعد كده فى المواسم والاعياد بياخدوا فى الاسبته بتاعتهم دى فاكهه الموسم وعيش ولحمه وفلوس كتير يوزعها على المقرئين
دى ياجماعه التقاليد بتاعت البلد بتاعتى واللى شوفتها كتير اوى بس مش كل الناس بتاخد بيها

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الايجابيات
1) ان الناس بتقف جنب بعض فى الشدائد
2) زياره القبور ودى حاجه الرسول صلى الله عليه وسلم قال عليها إني كنت نهيتكم عن زيارة القبور ألا فزوروها فإنها تذكركم بالموت"
تقريبا دى الحاجه الايجابيه اللى انا شايفاها صح والفايده من التقليد ده كله
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
السلبيات
وما اكثرها فى التقليد ده
1)الحداد على المتوفى فى اللبس ومظاهر الحزن المفروض يكون تلت ايام فقط لا غير لكن دول بيطولوا اوى
المفروض تلت ايام بس ماعدا الزوجه بيكون حدادها 4اشهر و10ايام وبعد كده تمارس حياتها الطبيعيه عادى لكن عندنا مش بيعملوا كده ويقولوا عيب مش عارفه بصراحه ازاى بس دى بدعه
والحزن مش باللبس

2)نظام الاكل والمراسم اللى بتتعمل فى الاخمسه والاربعين كل الحاجات دى بدعه ومفيش سوره فى القرآن الكريم ولا حديث شريف عن الرسول صلى الله عليه وسلم نص على كده لكن ربنا سبحانه وتعالى شرع حد معين للحداد تلت ايام لغير الزوجه والزوجه 4اشهرو10ايام

3)نظام العزى بصراحه بضايق اوى لما الاقى حد عامل عزا بالوفات وده كله للمنظره
وازاى نعمل عزا فى البيت لامايصحش لازم فى مكان محترم وزى مااكرمهم وهما عايشين يكرموه وهو ميت

4)نظام اللمه بتاعت الستات دى سواء كانوا فى المقابر او فى البيت مش بتبقى دعوه للمتوفى بالرحمه لااااااااا دى بتبقى كلها كلااااااااام على الفاضى والمليان ويعدوا يحكوا ويعيدوا ولا يهمهم اى حاجه اساسا
ويفضلوا يسئلوا بقى هو مات ازاى
طيب هى كانت تعبانه وكلام كتير اوى بيخنق اساسا

5) فى كل مرسم من المراسم دى بتبقى عباره اللمه للكلام وخلاص وبينسوا اساسا هدفهم ان هما بيعملوا كده للدعوه المتوفى وقران القران

6) المفروض ان الاوله بالاكل ده والفلوس اللى بتتصرف ان هما يدوهم للفقرا لان دى بتبقى صدقه على روح المتوفى ودى الحاجه الوحيده اللى بتنفعه وبتوصله وبتبقى فى ميزان حسناته ان شاءالله

7) بيرحوا المقابر اول يوم العيد وبيضيعوا بهجه الفرحه بالعيد
اول مايخلصوا صلاه العيد يرحوا علطول ويعدوا كتير اوى هناك مش عارفه بصراحه بيعملوا ايه كل ده هناك

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الاسانيد اللى استندت عليها من القران الكريم والسنه الشريفه

1)قول الرسول صلى الله عليه وسلم
لا يحل لامرأة تؤمن بالله واليوم الآخر أن تحد على ميت فوق ثلاث إلا على زوج أربعة أشهر وعشراً )

2)قال رسول الله صلى الله عليه وسلم : ( لا تجعلوا بيوتكم قبوراً , ولا تجعلوا قبري عيداً , وصلُّوا عليَّ فإن صلاتكم تبلُغني حيث كنتم ) ([2]) .
ومعنى اتخاذ القبور أعياداً : هو اعتياد قصد القبور في وقت معيَّن , عائد بعود السنة , أو الشهر , أو الأسبوع , أو الاجتماع عند القبور في وقت معيَّن

3)إجماع العلماء على تحريم اتخاذ القبور أعياداً : ( ولا يُغتر بكثرة العادات الفاسدة , فإنَّ هذا من التشبه بأهل الكتابين , الذي أخبرنا النبيُّ صلى الله عليه وسلم أنه كائن في هذه الأمة ) ([6]) .
وقالت اللجنة الدائمة للبحوث العلمية والإفتاء برئاسة سماحة الشيخ عبد العزيز بن باز رحمه الله : ( لا يجوز تخصيص يوم معيَّن من السنة لا الجمعة , ولا أول يوم من رجب , ولا آخر يوم في زيارة المقابر , لعدم الدليل على ذلك , وإنما المشروع أن تُزار متى تيسَّر ذلك

4)هذا قول المفتي بالرد على الموضوع:
* الشرع لم يحدد يوماً معيناً لزيارة القبور لذلك فإن تخصيص يومي العيد بزيارة القبور بدعه مكروهة وقد تكون حاماً إذا رافقتها الأمور المنكرة التي نشاهدها في أيامنا هذه يوم العيد من خروج النساء المتبرجات إلى القبور ووطئها بالأقدام وغير ذلك من الأمور المخالفة لهدي المصطفى ...
* وينبغي أن يعلم أنه لا يجوز تخصيص زمان أو مكان بشيء من العبادة إلا بدليل شرعي.وتخصيص يوم العيد بزيارة القبور مما لم يرد عن الرسول فلم يكن من هدي المصطفى . ولا صحابته رضي الله عنهم زيارة القبور يوم العيد وإن خير الكلام كلام الله وخير الهدي هدي رسول الله وإن الخير كل الخير في الاتباع والشر كل الشر في الابتداع .

5)الحمد لله والصلاة والسلام على رسول الله وعلى آله وصحبه أما بعد: فإن ذكرى الأربعين أو السنوية أو نحوهما من كل مأتم يجتمع فيه الناس يقام للميت بأي مناسبة، يعد بدعة في الدين لم تعهد في عهد رسول الله صلى الله عليه وسلم ولا عهد أصحابه ولا في القرون المشهود لهم بالخير، والخير كله في الاتباع. والله أعلم

6)عن ابن مسعود عن النبي صلى الله عليه وسلم قال : [ إياكم والنعي ، فإن النعي عمل الجاهلية ]

7)عن أبي مالك الأشعري أن النبي صلى الله عليه وسلم قال : [ أربع في أمتي من أمر الجاهلية لا يتركونهن : الفخر بالأحساب ، والطعن في الأنساب ، والاستسقاء بالنجوم ، والنياحة ] ، وقال : [ النائحة إذا لم تتب قبل موتها تقام يوم القيامة وعليها سربال من قطران ، ودرع من جرب ]. [ رواه أحمد ومسلم ].

8)قال النبي صلى الله عليه وسلم : [ أسرعوا بالجنازة ، فإن تكن صالحة فخير تقدمونها إليه، وإن تكن سوى ذلك فشر تضعونه عن رقابكم ] [ رواه الشيخان ].

9)تبذير اهل المتوفى للزوم المنظره والكلام من ده
قال تعالى : ( ولا تبذر تبذيراً إن المبذرين كانوا إخوان الشياطين ، وكان الشيطان لربه كفوراً

10)نهي النبي صلى الله عليه وسلم عن اتخاذ القبور أعياداً وأماكن يتجمع عندها الناس بسوء نيّة أو بحسن نيّة .

11) إقامة مأدبات الطعام في العزاء من البدع والمحدثات المنكرة ولا أصل لها في الشرع، فقد ثبت في صحيح مسلم عن عائشة رضي الله عنها أنها قالت قال رسول الله صلى الله عليه وسلم: "من أحدث في أمرنا ما ليس منه فهو رد." وروى أحمد وغيره عن جرير بن عبد الله رضي الله عنه قال: (كنا نعد الاجتماع إلى أهل الميت وصنيعة الطعام بعد الدفن من النياحة.) وتحريم النياحة معلوم.

12)فلقد عد أهل العلم صنع أهل الميت للطعام بدعة مستقبحة مخالفة لهدي النبي صلى الله عليه وسلم مضادة لأمره، حيث أمر أن يصنع الناس لأهل الميت طعاماً مواساة لهم.
كما نصوا أن الأكل من ذلك الطعام الذي يصنعه أهل الميت مكروه، بل عده بعضهم من النياحة المنهي عنها نهي تحريم، مستدلين بما رواه الإمام أحمد في مسنده وابن ماجه في سننه عن جرير بن عبد الله رضي الله عنه قال: (كنا نعد الاجتماع إلى أهل الميت، وصنعة الطعام بعد دفنه من النياحة.)
وهذا إذا كان الطعام من مال أهل الميت، أما إذا كان من التركة، فلا يجوز الأكل منه إذا كان من الورثة من هو غير بالغ رشيد، أو كان فيهم من لا يرضى بذلك، ولا تسمح به نفسه.
والله أعلم

ده اللى قدرت اجيبه فى تحريم السلبيات
يارب كلنا نعرف غيرنا الاحاديث الشريفه والحكم من التحريم وتذكروا
ان كل بدعه ضلاله وكل ضلاله فى النار

تم

حذف للخروج عن اساس الموضوع

black pearl

حذف للخروج عن اساس الموضوع

black pearl

موضوع هايل جدا والاستنادات كلها صحيحة ومعلومات قيمة جدا شكرا لمجهودك

اما بالنسبة لبلدى فهى تقريبا نفس الى بيحصل مع اختلافات بسيطة جدا فى حكاية عزاء تلات ايام ده

والخميس والاربعين من كتر الناس اللى بيموتوا مابقتش اخد بالى من انهم اتعملوا او لأ

وكمان ساعات عندنا بيعملو حفل تأبين للشخصيات الهامة والخدومة فى الاربعين بس ده نادر شوية

وحكاية الطبيخ دى مش متأكد منها اوى بس بيمنعوا( المحشى ) مش عارف ليه

وطبعا اى أكلة تدل على الفرحى زى الفطير والكحك والشربات ومايشابهها

بس
ونفس السلبيات والايجابيات

وبرده انا مش ف البلد كتير يعنى ممكن حد يضيف عليا او يعدل عليا

شكرا

ميرسى لمساهمتك يا احمد

دا يا بلاك غير ان كل بلد وبيبقى ليها طريقتها سلوها زى ما بيقولو
احنا مثلا عندنا ممنوع ان الحريم تروح القبور ودا اللى المفروض انه يكون
لا وكمان عزا الحريم والله مش عايز اقولك انهم بيروحو يجاملو بعض بشويه صويت
انا فمره حصل قدامى موقف واحده كانت بتصوت وبتقول للى حواليها (صوتى ياختى انتى وهى دانا مصوتالكو كلكو ) والله كلام عجب العجاب
لا ونروح علشان ندفن وقدام القبور المفروض ان دى لحظه ان الواحد يرجع لنفسه ويتعظ
لا تلاقى كل واحد خد جنب مع واحد ونازلين كلام ف مصالحهم وف الفلوس
لا واللى اغرب ان ممكن يدو لبعض معاد مثلا على الدفنه (هستناك عند اول شجره ونقعد تحت الضله بس تجيب المصلحه معاك ومتنساش )
لا ولا الكلام وانت ماشى وشايلين الجنازه
المفروض ان الكل شاكت وصامته
انما تلاقى اللى تلفون رن واللى ماشى بسجاره ولا اللى رايحين فرح
طيب والله العظيم كنت ماشى ف جنازه وحصل ان تلفون واحد رن وهو ف وسط الناس وطلع التلفون واتكلم بكل براءه ولا كانه عمل حاجه ....
انا مش عارف خرجت عن الموضوع ولا روحت فين
بس موضوع جميل يا لؤلؤه

هههههههههههه
والله ياطليانى بيحصل كده عندنا
تلاقى طول ما الجنازة ماشية كل واحد ماسك فى ايد التانى ونازل دودودودو والله واكتر
وحكاية الموبايل دى تلاقى الناس كلها ماشية على طول
وبتاع الموبايل ده تلاقيه خد جنب لوحده كده ههههه بتبقى محرجة اوى
عندنا بقى الحريم حاجه فظيعة الصويت بقى واكتر من كده
وتلاقيهم فعلا بيشجعوا بعض .عندنا الحريم مش بيروحوا المقابر لما يكون الميت فى البلد مع الجنازة يعنى
لكن لو ميت بره فى مستشفى او كده تلاقيهم طبعا عند المقابر منتظرين الميت
العزا طبعا بتاع الحريم بيبقى فى بيت الميت
تلاقى اصحاب الميت بيقوا مفيش عزا للحريم
بس بردوا بيروحوا
الاكل بقى زى ماتكون فى فرح والله
كل حاجه كل انواع الاكل ماعدا المحشى
متعرفش ليه
الرجالة العزا بتاعهم زيكم كده يابلاك
بتبقى فى دار المناسبات
بس عندنا اسمها دوار العائلة كل عائلة فى البلد بتبقى عندها حاجة زى كده
بيعملوا فيها عزا الرجالة
وفى الاعياد بردوا تلاقى الناس خارجة من المسجد على المقابر على طول مع انى الشيخ لسه منبه عليهم بس هى دى عاده فى البلد
بس الحق بتقال فى ناس مش بقت تعمل الحاجه دى
وربنا يهدى الجميع

اه انا اقولكم برده بيعدوا يصوتوا ويعملوا حاجات غرييييييييييييييبه

بس بصراحه بالنسبه لعادات الرجاله السجاير والتليفونات والحاجات دى انا عمرى ماشوفتها

حتى انا علشان اكتب الحاجات اللى فاتت سالت مامتى والله لانى عمرى فى حياتى كلها ماروحت
احنا صحيح مش بنعمل اى حاجه من دى علشان حرام بس بصراحه ماما اللى حكتلى على اللى الناس بتعمله

ربنا يهديهم احنا علينا ان اى حد نعرفه بيعمل اى عاده من دول نوريه ونخليه يقرا بنفسه
الاحاديث الشريفه

احنا عندنا الميتم

بتبقى النسوان فية فضيحة

صوات ولطم واستغفر الله العظيم كفر بالله

ولازم الام تروح المقابر كل يوم

او كل جمعة

وفى نسوان متدقش الزاد علشان خاطر اللى مات

ولا زمان بقى عندنا فى الميتم

ولدتى كانت بتحكيلى حكيات زمان

زمان لاما حد يموت لام اهلى يمشو حافين زعل على الميت

ومفيش نور استحالة يشغلة لمبة ابدا

ولا يكلو لاحم ولا محشى ولا الحجات دى

وحكاية المحشى دى لسة موجودة لو لاقدر الله مات حد من عندنا

مينفعش ناكل محشى

ولو جة عيد علينا مينفعش نعمل كعك او بسكويت ومينفعش نشغل التلفزيون

لية يعنى هو اللى مات

كان نفسة فى المحشى ولا كان نفسة فى التلفزيون

للاسف جهل

ميرسى لمشاركتك حبيب

وفعلا هو جهل

وعادات بتخالف الدين وبتخالف الشرع

ياريت تكون قريت الاستنادات من القران الكريم والسنه وتنصح اللى بيعملوا كده وتوريهم الحاجات دى

وميرسى مره تانيه لمرورك نورت الموضوع

black pearl كتب:: ميرسى لمشاركتك حبيب

وفعلا هو جهل

وعادات بتخالف الدين وبتخالف الشرع

ياريت تكون قريت الاستنادات من القران الكريم والسنه وتنصح اللى بيعملوا كده وتوريهم الحاجات دى

وميرسى مره تانيه لمرورك نورت الموضوع

ميرسى ليكى الموضوع منور بحضرتك

ده من ذوقك pale

waiting

منتظرينك يا احمد

احنا هنتكلم عن تانى موضوع

وهو المواسم والموالد

ياريت كل عضو وعضوه فينا يقولنا /تقولنا

الموالد اللى بتشوفها بلدها والمواسم وبيعملوا ايه وايه سلبيات العادات دى وايجابياتها

مع انى شايفه ان مالهاش اى ايجابيات ؟؟؟؟؟؟؟؟ مستنياكم pale

عندك حق
الناس فى البلد عندنا بيعملوا حاجات غريبة
يمكن عندنا حاجه غريبة فى البلد الناس بيحتفلوا بمولد عندنا اسمه المغازى
لكن يجى مولد النبى تلاقى مفيش حد بيحتفل بيه زى المولد ده
حاجه غريبة جدا فى البلد

ميرسى يازيزو لمشاركتك

استنونى اجبلكم كل حاجه عن بلدى

احنا علشان فى القاهره مفيش

كده
غير قى السيده زينب بس
وانا مرحتش فمعرفش
ايه اللى بيحصل

ازييييييكم انا جتلكم علشان نكمل الموضوع

بصوا بقى احنا عندنا بنحتفل بمولد السيد البدوى مش عايزه اقولكم مظاهر الاحتفال بتبقى عامله ازاى والله مش بيعملوا كده فى العيد

الاول فى ناس كتير جداااااا بيجوا من البلاد التانيه وبيعملوا خيم فى كل مكان وخصوصا جنب المسجد
علشان يناموا فيها وبعدين يجيبوا كسوه يغيروها بيبقى لونها اخضر كده

وبيعملوا ولايم كبيره جدا جدا جدا زى موائد الرحمن كده بالظبط وبيبقى من مظاهر الاحتفال بقى يعدوا يغنوا حاجات كده زى تواشيح

انابصراحه عمرى ماروحت المولد ولا شفته يعنى اللى كتبته دلوقتى من اللى بشوفه فى اى شارع لكن المولد نفسه عمرى ما شوفته ونفس الشىء بيتعمل فى المولد النبوى

المواسم بقى بتبقى فى الشهور الهجريه بيتعمل اكل مخصص زى الرقاق وانواع من الطيور معينه
وبجد مش كل الناس بقت بتعمل كده لانها بدعه

شوفوا بقى اسانيد التحريم من الاحاديث الشريفه والقران الكريم

1)قال النبي صلى الله عليه وسلم :«من عمل عملاً ليس عليه أمرنا فهو رد» [مسلم] أي: مردود . وقال صلى الله عليه وسلم :«كل بدعة ضلالة»[مسلم] . فهذان الحديثان يدلان على أنّ كل أمر لم يشرعه النبي صلى الله عليه وسلم فليس بمشروع ، ولا يكون حسناً ؛ لأن (كل) من ألفاظ العموم ..

2)يُقال للذي يحتفل بالمولد : هل احتفل به النبي صلى الله عليه وسلم أم لم يحتفل ؟ فإن قال : لم يحتفل . قلنا : كيف تتجرأ على فعل أمر تزعم أنه قربة ولم يفعله النبي صلى الله عليه وسلم الذي ما ترك أمراً يقرب إلى الله إلا ودلَّ الأمة عليه .
وإن قال : احتفل. قلنا :{ هَاتُواْ بُرْهَانَكُمْ إِن كُنتُمْ صَادِقِينَ} [البقرة: 111] ودون ذلك خرط القتاد، وولوج الجمل في سَمِّ الخياط

3) الممارس لهذا الأمر- اعني بدعة المولد- كأنه يتهم للرسول صلى الله عليه وسلم بالخيانة وعدم الأمانة -و العياذ بالله- لأنه كتم على الأمة ولم يدلها على هذه العبادة العظيمة التي تقربها إلى الله
قال الإمام مالك – رحمه الله -: " من ابتدع في الإسلام بدعة يراها حسنة فقد زعم ان محمدا صلى الله عليه وسلم خان الرسالة لأن الله يقول ( اليوم اكملت لكم دينكم واتممت عليكم نعمتي ورضيت لكم الاسلام دينا) فما لم يكن يومئذ دينا فلا يكون اليوم دينا".

4)أن في إقامة هذه البدعة تحريف لمعنى محبة الله ومحبة رسول لان محبة الله والرسول تكون باتباع سنته ظاهرا وباطنا , فربنا عز وجل يقول (قل إن كنتم تحبون الله فاتبعوني يحببكم الله) فإذن اتباع الرسول عليه السلام هو الدليل الحق الصادق الذي لا دليل سواه على أن هذا المتبع للرسول عليه السلام هو المحب لله ولرسوله صلى الله عليه وسلم ومن هنا قال الشاعر قوله المشهور:
تعصى الإله وأنت تظهر حبه هذا لعمرك في القياس بديع
لو كان حبك صادقاً لاطعته إن المحب لمن يحب مطـيع

5)أن المولد النبوي ينطبق عليه وصف البدعة لعلتين :
1- أنه عمل ديني يتقرب به إلى الله.
2- ليس له أصل في الشرع.
وقد قال النبي عليه الصلاة والسلام : ( كل بدعة ضلالة )

6)أن الاحتفال بالمولد ليس من عمل السلف الصالح من القرون الثلاثة المفضلة، وإنما هو بدعة أحدثت بعد ذلك، بإجماع العلماء المنكرين لها، كشيخ الإسلام ابن تيمية و الشاطبي و ابن الحاج و الفاكهاني، وإجماع المرتضين لها في صورها الخالية من الاعتقادات الشركية و المحرمات ، كابن حجر العسقلاني الذي قال :-" أصل عمل المولد بدعة، لم تنقل عن أحد من السلف الصالح من القرون الثلاثة " ، وكذلك السخاوي الذي قال :-" لم ينقل عن أحد من السلف الصالح في القرون الثلاثة الفاضلة، وإنما حدث بعد".
وإننا لنتسائل بعجب : أيعقل أن يغفل أهل القرون الفاضلة الذين أثنى عليهم النبي صلى الله عليه وسلم عن الخير الذي يكون في الاحتفال بالمولد النبوي، ويوفق إليه من يأتي بعدهم من القرون المتأخرة المذمومة في جملتها.

7)أن الاحتفال بالمولد من ابتداع الدولة الفاطمية الباطنية ، وكانت تحاول كسب قلوب المسلمين و تعاطفهم من خلال الاحتفال بالمولد

8)أصحاب النبي صلى الله عليه وسلم أعظم الناس حباً وإجلالاً له، ولا يشك عاقل في ذلك ، ومع ذلك لم يؤثر عن واحد منهم أنه احتفل بمولد النبي صلى الله عليه وسلم . فهل نحن أكثر حباً للنبي صلى الله عليه وسلم منهم ؟!!وإننا نسأل هؤلاء المحتفلين بالمولد النبوي فنقول: أأنتم أشد حبا للنبي صلى الله عليه وسلم ؟ أم الصحابة ؟ فإن قالوا: نحن أشد حبا فقد كذبوا، وإن قالوا: بل أصحابه أشد حبا فقد خصموا، إذا أنه لا يسعهم إحداث عبادة لم يتعبدها أصحابه رضوان الله عليهم، لأن الصحابة أعمق منهم علما، وأطهر قلوبا و أصلح حالا، وأحرص على ما يقربهم إلى الله من العبادات، وأشد حبا للنبي صلى الله عليه وسلم.

9)أن مما ينبغي أن يعلم أن النعمة العظيمة التي أنعم الله بها على عباده، وأمته بها عليهم هي بعثة النبي صلى الله عليه وسلم، وليست مولده، ولهذا فإن الله تعالى لم ينوه في القرآن بمولده، وإنما نوه ببعثته عليه الصلاة و السلام فقال تعالى :} لقد من الله على المؤمنين إذا بعث فيهم رسولا من أنفسهم يتلو عليهم آيته و يزكيهم و يعلمهم الكتاب و الحكمة،وإن كانوا من قبل في ضلال مبين{.

10)أن الاحتفال بالمولد النبوي يفتح الباب على مصراعيه للبدع الأخرى و الموالد و الاحتفالات، كما هو حال الجهلة الآن، من إقامة الاحتفالات بذكرى الهجرة و الإسراء و معركة بدر، ومولد البدوي و الدسوقي و الشاذلي، حتى صار غالب دين هؤلاء احتفالات و رقص و غناء و ذكريات و لا حول و لا قوة إلا بالله.

وكتيررررررر ماحبتش اطول عليكم اوى بس لو عايزين تعرفوا اكتر اعملوا سيرش باسم تحريم الموالد

وكل الاسانيد بتتكلم عن مولد اشرف الخلق صلى الله عليه وسلم

ما بالكم بقى بالموالد التانيه

ياريت نغير نفسنا علشان نقدر نغير اللى حوالينا

» عادات وتقاليد يوم الزفاف...
» عادات الزواج فى الدول
» أكبر (10) عشر عادات تدمر الدماغ