عادات وتقاليد بلدى

ميرسى لمشاركتك يا حبيب

اوك

انا مستعد

انتظرونى

ميرسى يا احمد وفى انتظارك

ميرسى يا زيزو نورت الموضوع بردك

الموضوع جميل اوى

وهيفيدنا كتير واكيد هنعرف عادات وتقاليد ممكن منكنش نعرفها ويعرفنا اكتر ببعض

انا جاهز للمشاركة معكم ان شاء الله
تسم ايدك يالؤلؤة

ميرسى يا مستر ده شرف كبير ان حضرتك هتشارك فى الموضوع

وفعلا هيفيدنا كتير بعادات وتقاليد مكناش نعرفها قبل كده واكيد هيعرفنا ببعض اكتر
وكمان فايدته ان احنا هنحاول نغير العاده والتقليد السلبى فى حياتنا وبكده نقدر نوصل لناس تانيه من اهلنا ومن حوالينا ان الحاجه دى غلط وان شاءالله هنقدر نغيرها

نورت الموضوع يامستر وكلكم نورتوا الموضوع

فكره رائعه يا بلاك تسلم ايدك

اوك نبتدى

بلدى العمار بحبها جدا جدا

اول ايجابية نيجاتيف هى تقسيمها احزاب مما ادى الى انقسام وانفصام وتكونت جبهتين انتخابات

ياترى العمار رايحة فين؟


دى مش عادة لكن هتبقى عادة والخوف من الجى


سيبوكم من كلامى ده !!!!!!!!

بلدى مش معيوبة ولا عيابة

برده مش مهم

المهم دلوقتى ماحدش يكرها

...............
..............
................
................
................
..................
................
...................
.................
...............

املو النقط بالعيوب وشوفوا العيوب منين

وبعد كده حد يحاسب البلد ......لو قدر وعرف!!!!!!!

ميرسى لمروركم

يا احمد احنا هنحدد موضوع كل فتره نشوف ايجابياته وسلبياته فى كل بلد من بلادنا فهمت قصدى

وبعدين كل مكان فيه الغلط وفيه الصح واحنا نبقى غلط لووافقنا على الغلط وعملناه باسم عادات وتقاليد

المهم ان احنا مانعملش حاجه تخالف ربنا سبحانه وتعالى

انا مش قصدى حاجة انا بس كنت عايز اوضح ان البلد هى اللى بتعمل الناس والناس بقه دورهم يحافظو عليها ويعملوها

يعنى الكلام اللى هيبقى ف الموضوع ده يبقى عن ناس البلد بس مش البلد نفسها

علشان كلنا بنحب بلدنا وغييورين عليها وان كان فيها غلط يبقى احنا السبب فيه

وانا معاكم

وسيبونى اقول اول عادة بعد اذنكم

طبعا

اكيد لو فى حاجه غلط الناس اللى هتبقى السبب فيها انا ما اقصدش اعيب فى بلدى والله

ولا فى بلد اى حد منكم

انا اقصد ان الناس زمان توارثوا عادات وتقاليد معينه فيها لغلط وفيها الصح

احنا هنشوف فى كل موضوع ايجابياته وسلبياته والسلبى هنستد بتغليطه بالقران الكريم والسنه

الغلط هيبقى على الناس مش البلد البلد مش بتعمل حاجه الناس اللى بتعمل

يارب تكونوا فهمتوا قصدى

احمد احنا هنختار موضوع هنتفق على موضوع معين يارب تفهم انا اقصد ايه


ونشوف ايه اللى بيحصل فى بلدك وفى بلدى وايجابياته ايه وسلبياته ايه

ايه رايكم نتكلم الاول عن زياره القبور بين الحلال والحرام؟

هقولكم بيحصل ايه فى بلدى وايجابيات الموضوع ايه وسلبياته وانتم كمان اكتبوا اللى بيحصل فى بلد كل منكم وايجابياته وسلبياته والحاجات اللى نفسكم تغيروها وانا كمان هكتب الحاجه اللى نفسى تتغير

قولولى رايكم ؟؟؟؟؟

اوكيشن

منتظر

اوووووووووووووك يا جماعه انا هبدء وانتم كمان ابدئوا جمعوا اللى بيحصل كله فى الموضوع اللى اخترناه

شوفوا بقى يا جماعه اللى بيحصل لما حد بيتوفى طبعا مش كله بيعمل كده بس المنتشر اوى عادات

لما الانسان بيتوفى بعد دفنه اهل المتوفى بيعدوا فى المقابر فتره يدعوله ويقروا قران وبعديها بيرجعوا ياخدوا العزا

العزا بيكون فى ناس بتعمل صوان كبير قدام بيت المتوفى
وفى ناس بياجروا حاجه اسمها دار المناسبات بتبقى عباره عن قاعه للمناسبات مثلا كتب كتاب عزا
وناس تانيه بيطلعوا فلوس الحاجات دى صدقه وبيكتفوا ان هما ياخدوا العزا فى البيت


العزا بيستمر تلت ايام اهل المتوفى اكلهم بيبقى عباره عن لحمه وشوربه ورز مش بيعملوا طبيخ خالص بيعدوا يعملوا لحمه ورز وشوربه وكل اللى يجى ياكل سواء كانوا مقرئين بقى او ناس بيعزوا

وبتبقى فى ناس طبعا جايه من بلاد تانيه علشان العزا عشان كده بيعملوا الاكل ده
بس يبقى عيب اوى لو طبخوا وعملوا اكل عادى طبعا الستات كلهم بيلبسوا اسود اهل البيت كله بيلبس اسود وكل اللى رايح يعزى بيلبسوا اسود فى اسود وطبعا مفيش تلفزيون مفيش كمبيوتر ممنوع بيعدوا كتير جدا جدا جدا على ما يفتحوا التلفزيون هو الكاسيت وقران وخلاص
طبعا اول عيد مش بيتعمل فيه كحك عيد الاضحى بيضحوا عادى لكن العيد الصغير مفيش ولاكحك ولا اى حاجه من دى خالص وكمان ممكن اهل البيت بتاع المتوفى ما يطبخوش لو اعدين فى مكان زى حاره كده مثلا كل بيت يطبخ ويوديلهم
لو مش فى مكان زى ده بيبقى الاختلاط قليل شويه اهل الميت مش قريبين اوى بيطبخوا وبيودوا للبيت اللى فيه المتوفى
الرجاله بقى بيحتدوا ازاى بيربوا دقنهم ولبسهم بيبقى عادى بس بيلبسوا كرفات اسود
وبعدين الستات بقى ياجروا واحده ست بيبقى اسمها مقرئه ويفرشوا كده زى حصر لو كان للبيت حوش ويعدوا يقروا قران

بعد كده بقى ندخل على الاخمسه والاربعين والحاجات من دى
اول خميس بيجى بعد وفاه المتوفى بيقوله عليه خميس التفكيره الستات بيروحوا المقابر وبيكونوا عاملين قرص مش عارفه بتتكتب ازاى بس اكيد فاهمين قصدى او شريك ويحطوا كده زى سبت او حاجه وياخدوه معاهم ويوزعوه على المقرئين اللى فى المقابر بس ويعدوا يدعوا للميت ويترحموا عليه ويجيبوا مقرئين يقروا

وبعدين حاجه اسمها الخميس الكبير ده بيبقى تانى خميس يعدى على المتوفى
وبيعملوا نفس الشىء برده

وبعدين خميس الاربعين بيبقى الخميس اللى قبل الاربعين علطول والمراسم بتاعته بتبقى زى اللى فاتوا

نيجى بقى للاربعين اهل المتوفى بيدبحوا وبيجيبوا مقرئين فى البيت ويطبخوا نفس الاكل علشان الناس اللى جايه برده والمقرئين وبيعملوا وليمه كبيره اووووى
بس فى ناس بقى ممكن بعد الاربعين ماتلبسش اسود لكن القريبين من المتوفى اوى بيفضلوا لابسين الاسود لمده طويله ممكن تعد بالسنين
بعد كده فى المواسم والاعياد بياخدوا فى الاسبته بتاعتهم دى فاكهه الموسم وعيش ولحمه وفلوس كتير يوزعها على المقرئين
دى ياجماعه التقاليد بتاعت البلد بتاعتى واللى شوفتها كتير اوى بس مش كل الناس بتاخد بيها

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الايجابيات
1) ان الناس بتقف جنب بعض فى الشدائد
2) زياره القبور ودى حاجه الرسول صلى الله عليه وسلم قال عليها إني كنت نهيتكم عن زيارة القبور ألا فزوروها فإنها تذكركم بالموت"
تقريبا دى الحاجه الايجابيه اللى انا شايفاها صح والفايده من التقليد ده كله
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
السلبيات
وما اكثرها فى التقليد ده
1)الحداد على المتوفى فى اللبس ومظاهر الحزن المفروض يكون تلت ايام فقط لا غير لكن دول بيطولوا اوى
المفروض تلت ايام بس ماعدا الزوجه بيكون حدادها 4اشهر و10ايام وبعد كده تمارس حياتها الطبيعيه عادى لكن عندنا مش بيعملوا كده ويقولوا عيب مش عارفه بصراحه ازاى بس دى بدعه
والحزن مش باللبس

2)نظام الاكل والمراسم اللى بتتعمل فى الاخمسه والاربعين كل الحاجات دى بدعه ومفيش سوره فى القرآن الكريم ولا حديث شريف عن الرسول صلى الله عليه وسلم نص على كده لكن ربنا سبحانه وتعالى شرع حد معين للحداد تلت ايام لغير الزوجه والزوجه 4اشهرو10ايام


3)نظام العزى بصراحه بضايق اوى لما الاقى حد عامل عزا بالوفات وده كله للمنظره
وازاى نعمل عزا فى البيت لامايصحش لازم فى مكان محترم وزى مااكرمهم وهما عايشين يكرموه وهو ميت


4)نظام اللمه بتاعت الستات دى سواء كانوا فى المقابر او فى البيت مش بتبقى دعوه للمتوفى بالرحمه لااااااااا دى بتبقى كلها كلااااااااام على الفاضى والمليان ويعدوا يحكوا ويعيدوا ولا يهمهم اى حاجه اساسا
ويفضلوا يسئلوا بقى هو مات ازاى
طيب هى كانت تعبانه وكلام كتير اوى بيخنق اساسا

5) فى كل مرسم من المراسم دى بتبقى عباره اللمه للكلام وخلاص وبينسوا اساسا هدفهم ان هما بيعملوا كده للدعوه المتوفى وقران القران

6) المفروض ان الاوله بالاكل ده والفلوس اللى بتتصرف ان هما يدوهم للفقرا لان دى بتبقى صدقه على روح المتوفى ودى الحاجه الوحيده اللى بتنفعه وبتوصله وبتبقى فى ميزان حسناته ان شاءالله


7) بيرحوا المقابر اول يوم العيد وبيضيعوا بهجه الفرحه بالعيد
اول مايخلصوا صلاه العيد يرحوا علطول ويعدوا كتير اوى هناك مش عارفه بصراحه بيعملوا ايه كل ده هناك

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الاسانيد اللى استندت عليها من القران الكريم والسنه الشريفه

1)قول الرسول صلى الله عليه وسلم
لا يحل لامرأة تؤمن بالله واليوم الآخر أن تحد على ميت فوق ثلاث إلا على زوج أربعة أشهر وعشراً )

2)قال رسول الله صلى الله عليه وسلم : ( لا تجعلوا بيوتكم قبوراً , ولا تجعلوا قبري عيداً , وصلُّوا عليَّ فإن صلاتكم تبلُغني حيث كنتم ) ([2]) .
ومعنى اتخاذ القبور أعياداً : هو اعتياد قصد القبور في وقت معيَّن , عائد بعود السنة , أو الشهر , أو الأسبوع , أو الاجتماع عند القبور في وقت معيَّن


3)إجماع العلماء على تحريم اتخاذ القبور أعياداً : ( ولا يُغتر بكثرة العادات الفاسدة , فإنَّ هذا من التشبه بأهل الكتابين , الذي أخبرنا النبيُّ صلى الله عليه وسلم أنه كائن في هذه الأمة ) ([6]) .
وقالت اللجنة الدائمة للبحوث العلمية والإفتاء برئاسة سماحة الشيخ عبد العزيز بن باز رحمه الله : ( لا يجوز تخصيص يوم معيَّن من السنة لا الجمعة , ولا أول يوم من رجب , ولا آخر يوم في زيارة المقابر , لعدم الدليل على ذلك , وإنما المشروع أن تُزار متى تيسَّر ذلك


4)هذا قول المفتي بالرد على الموضوع:
* الشرع لم يحدد يوماً معيناً لزيارة القبور لذلك فإن تخصيص يومي العيد بزيارة القبور بدعه مكروهة وقد تكون حاماً إذا رافقتها الأمور المنكرة التي نشاهدها في أيامنا هذه يوم العيد من خروج النساء المتبرجات إلى القبور ووطئها بالأقدام وغير ذلك من الأمور المخالفة لهدي المصطفى ...
* وينبغي أن يعلم أنه لا يجوز تخصيص زمان أو مكان بشيء من العبادة إلا بدليل شرعي.وتخصيص يوم العيد بزيارة القبور مما لم يرد عن الرسول فلم يكن من هدي المصطفى . ولا صحابته رضي الله عنهم زيارة القبور يوم العيد وإن خير الكلام كلام الله وخير الهدي هدي رسول الله وإن الخير كل الخير في الاتباع والشر كل الشر في الابتداع .


5)الحمد لله والصلاة والسلام على رسول الله وعلى آله وصحبه أما بعد: فإن ذكرى الأربعين أو السنوية أو نحوهما من كل مأتم يجتمع فيه الناس يقام للميت بأي مناسبة، يعد بدعة في الدين لم تعهد في عهد رسول الله صلى الله عليه وسلم ولا عهد أصحابه ولا في القرون المشهود لهم بالخير، والخير كله في الاتباع. والله أعلم


6)عن ابن مسعود عن النبي صلى الله عليه وسلم قال : [ إياكم والنعي ، فإن النعي عمل الجاهلية ]


7)عن أبي مالك الأشعري أن النبي صلى الله عليه وسلم قال : [ أربع في أمتي من أمر الجاهلية لا يتركونهن : الفخر بالأحساب ، والطعن في الأنساب ، والاستسقاء بالنجوم ، والنياحة ] ، وقال : [ النائحة إذا لم تتب قبل موتها تقام يوم القيامة وعليها سربال من قطران ، ودرع من جرب ]. [ رواه أحمد ومسلم ].


8)قال النبي صلى الله عليه وسلم : [ أسرعوا بالجنازة ، فإن تكن صالحة فخير تقدمونها إليه، وإن تكن سوى ذلك فشر تضعونه عن رقابكم ] [ رواه الشيخان ].


9)تبذير اهل المتوفى للزوم المنظره والكلام من ده
قال تعالى : ( ولا تبذر تبذيراً إن المبذرين كانوا إخوان الشياطين ، وكان الشيطان لربه كفوراً

10)نهي النبي صلى الله عليه وسلم عن اتخاذ القبور أعياداً وأماكن يتجمع عندها الناس بسوء نيّة أو بحسن نيّة .

11) إقامة مأدبات الطعام في العزاء من البدع والمحدثات المنكرة ولا أصل لها في الشرع، فقد ثبت في صحيح مسلم عن عائشة رضي الله عنها أنها قالت قال رسول الله صلى الله عليه وسلم: "من أحدث في أمرنا ما ليس منه فهو رد." وروى أحمد وغيره عن جرير بن عبد الله رضي الله عنه قال: (كنا نعد الاجتماع إلى أهل الميت وصنيعة الطعام بعد الدفن من النياحة.) وتحريم النياحة معلوم.


12)فلقد عد أهل العلم صنع أهل الميت للطعام بدعة مستقبحة مخالفة لهدي النبي صلى الله عليه وسلم مضادة لأمره، حيث أمر أن يصنع الناس لأهل الميت طعاماً مواساة لهم.
كما نصوا أن الأكل من ذلك الطعام الذي يصنعه أهل الميت مكروه، بل عده بعضهم من النياحة المنهي عنها نهي تحريم، مستدلين بما رواه الإمام أحمد في مسنده وابن ماجه في سننه عن جرير بن عبد الله رضي الله عنه قال: (كنا نعد الاجتماع إلى أهل الميت، وصنعة الطعام بعد دفنه من النياحة.)
وهذا إذا كان الطعام من مال أهل الميت، أما إذا كان من التركة، فلا يجوز الأكل منه إذا كان من الورثة من هو غير بالغ رشيد، أو كان فيهم من لا يرضى بذلك، ولا تسمح به نفسه.
والله أعلم


ده اللى قدرت اجيبه فى تحريم السلبيات
يارب كلنا نعرف غيرنا الاحاديث الشريفه والحكم من التحريم وتذكروا
ان كل بدعه ضلاله وكل ضلاله فى النار

تم

حذف للخروج عن اساس الموضوع

black pearl

موضوع هايل جدا والاستنادات كلها صحيحة ومعلومات قيمة جدا شكرا لمجهودك


اما بالنسبة لبلدى فهى تقريبا نفس الى بيحصل مع اختلافات بسيطة جدا فى حكاية عزاء تلات ايام ده

والخميس والاربعين من كتر الناس اللى بيموتوا مابقتش اخد بالى من انهم اتعملوا او لأ

وكمان ساعات عندنا بيعملو حفل تأبين للشخصيات الهامة والخدومة فى الاربعين بس ده نادر شوية

وحكاية الطبيخ دى مش متأكد منها اوى بس بيمنعوا( المحشى ) مش عارف ليه

وطبعا اى أكلة تدل على الفرحى زى الفطير والكحك والشربات ومايشابهها

بس
ونفس السلبيات والايجابيات

وبرده انا مش ف البلد كتير يعنى ممكن حد يضيف عليا او يعدل عليا

شكرا

ميرسى لمساهمتك يا احمد