احلى حواوشى

المقادير: نصف كيلو لحم مفروم - ملح - فلفل -بهارات الحواوشى وبتتجاب من عند العطار او السوبر ماركت-خبز بلدى ويكون سهل الفتح وده بيكون على حسب كميه اللحم الموجود -بصله كبيره مبشوره -دهنه او سمنه على حسب الطلب -زيت زيتون
الطريقه: نجيب طبق غويط ونضع فيه اللحم مع البهارات مع الملح مع الفلفل مع البصل المبشور ونخلط الخليط مع بعضه ونسيب الخليط شويه يعنى ساعه كده

بعد كده نيب العيش ونفتحه من الجنب وندهنه من جوه بالدهن او السمن او ممكن من غير دهن او سمن للى ممنوعين منها ونضع بكل رغيف كميه من الخليط وندهن العيش من بره بالزيت او السمن ويبقى كده الحواوشى جاهز للسوى

نشعل الفرن ونسيبه يسخن شويه وندهن صاج الفرن بالزيت ونحط العيش على صاجه الفرن ونسيبه يستوى حوالى 15 دقيقه وكل شويه نقلبه ونتاكد انه استوى من الجنبين بعد كده لما نلاقيه احمر العيش يعنى نخرجه من الفرن وبالهنا والشفا



ها تحبوا تاكلوا ايه المره الجايه

تسلم ايديكى ياقمر